قصدي يزول الجرح زاد التهابه

[آلـــشــآمـخ]

نويت مرباع الغضي سيد الاحباب=قصدي يزول الجرح زاد التهابه
جيت وبقايا نارهم حول الاطناب=بيت الشعر مطوي وباقي زهابه

اقفت ركايبهم ومني الهدب ذاب=من دمع يسأل وانذهل بالاجابة

على غزير الدمع ضميت الاهداب=صديت لين الدمع يقفي سحابه

بعض الوجع يمكن تداويه الاعشاب=وبعض الوجع يا ويل منهو سطابه

عشق بدوي لا حب ما هوب كذاب=يوفي لو هو تجدد صوابه

واليوم وصلت بيننا مثل الاجناب=ذاك الغلا يا ضيعته يا سفابه

باكر الا جينا لهم مثل الاغراب=من عقب ما كنا الاهل والقرابه

الامر لله كل شي له اسباب=والا الهوى وش لي على هج بابه

وشلون قلبي ما يجي اليوم منصاب=على الرجن منقوش بعض الكتابه

حتى اثر مشيه مع سهول وهضاب=مرٍٍِِ يبين ومر ما يندرى به

قلبي من الفرقا صويب ومرتاب=كنه غدا نصفين من هول ما به

حزني عليه انه تسبب ولا طاب=نظرة طبيبه عجلت في ذهابه

ريح الخزامى والنفل زين الاطياب=يشدني ريح السمر في ثيابه

لا اقبل نسيم الليل له خيل وركاب=وله في طلوع الشمس عز ومهابه
==========
اعجبتني القصيدة وحبيت انقلها لكم
للشاعر:سعد الخريجي
http://i1.makcdn.com/m002/alfrasha/imagesNew/smilies/frashagirls%20(7).gifالخآطــفhttp://i1.makcdn.com/m002/alfrasha/imagesNew/smilies/frashagirls%20(7).gif

[راؤول العرب11]

شـكــ وبارك الله فيك ـــرا لك ... لك مني أجمل تحية.

[كحيلان العز]

على غزير الدمع ضميت الاهداب=صديت لين الدمع يقفي سحابه


رووووعه تسلم يمينكـ لاهنت


يعطيك العافيه

[a7la ledy]

توووووحفه واحساس جميل
يسلموووو الخاطف

[لحن الروند]

كلمات رووعه
دااام ابداعك الخاطف

[موادع]

باكر الا جينا لهم مثل الاغراب=من عقب ما كنا الاهل والقرابه

الامر لله كل شي له اسباب=والا الهوى وش لي على هج بابه

وشلون قلبي ما يجي اليوم منصاب=على الرجن منقوش بعض الكتابه

حتى اثر مشيه مع سهول وهضاب=مرٍٍِِ يبين ومر ما يندرى به


الله ما أجمل هذه القصيده وإحساس الشاعر والله على النقل الرائع أخوي الخاطف لك شكري وإحترامي يالغلا

[آلـــشــآمـخ]

آسع ـدني مروركم

[التومي]

الله يلقصيده لها ذكريات جميله .نقل جميل جداً

[آلـــشــآمـخ]

آسعدني مرورك آخوي {{التومي}}