المساعد الشخصي الرقمي

مشاهدة النسخة كاملة : كل تفاصيل حكايتنا القديمه ذكرتها

موادع
10-23-2009, 12:57 PM
موجعه ليلة البارح كانت !
كل تفاصيل حكايتنا القديمه ذكرتها , ضحكاتنا تذكرين ؟
كانت شوي شوي شوي وتوصل للسحاب .. غريبه ماذكرتي !
طيب تذكرين امانينا ؟ , ماذكرتي ! طيب حكاوينا جنوننا فرحة عيونا ؟
ماتذكرين !
يمكن تذكرين مسجدنا ؟ بعد ماتذكرين !
طيب حارتنا ؟ , ولاتذكرين !
طيب بيتنا تذكرينه ؟ , نسيتيه بعد !
طيب حديقة حيينا ؟ , ماتذكرين !
كلهم كلهم ماتذكرين !
عروستك لما قطعتها وجلستي تبكين ؟ لعبتي لما كسرتها وجلستي تضحكين ؟
غريبه كل سنوآآت طفولتنا وبرائتنا تنسين !

يمكن تذكرين لما كبرنا شوي وامتلينا طيش وشغب كثيير كثير كثير
ماتذكرين ! ! !
اجل اكيد تذكرين لما كبرنا كثير وعقلتي كثير واحلويتي كثير ,
وخطبوك احمد وفهد وماجد وغيرهم واجد , وكنتي عشاني كلهم ترفضين !
يووووه بعد ذي ماتذكرين !

اجل آكيييد اكيد ليلة فراقنا تذكرين , تكفين لاتقولين ماذكر ترى كل شي منك شهد انكساري ليلتها بيزعل !
دموعي ليلتها بتزعل ترى !
قهري ليلتها بيزعل ترى !
انكساري ليلتها بيزعل ترى !
مخدتي وفراشي وثوبي ليلتها كلهم بيزعلون ترى !
حتى حتى حتى جوالي لما دقيتي علي وقلتي : نواف مخطوبه انا , ! لما طآح بيزعل ترى !
حتى حوشنا لما طحت فيه ليلتها بيزعل ترى !
وبعد خوف امي لما تقول : نواف شفيك ؟ وخوفهم كلهم ابوي واخوي واختي بيزعلون منك ترى !
شفتي شفتي كثيييير الي بيزعلون منك يالله قولي مانسيت بسرعه عشان مايزعلون بسرعه تكفين .. يوووه نسيتي ماتذكرين !, هه شوفيهم زعلوا روحي راضيهم قولي مانسيت !
بقولك شي : تدرين وش معنى مخطوبه انا , يعني بداية رحلة شقى وعنآ !
اذكر ليلتها وسط دموعنا ابتسمتي وقلتي : نكبر وننسى
بس مايصير مرت سنه و سنه و سنه و سنه و سنه و 4 شهور و 16 يوم , ولاكبرت !

تدرين كل يوم اموت عشر مرات !
اروح لصلاة الفجر وامر على بيتكم واذكرك واموت وارجع من صلاة الفجر وامر على بيتكم واذكرك واموت !
اروح لصلاة الظهر وامر على بيتكم واذكرك واموت وارجع من صلاة الظهر وامر على بيتكم واذكرك واموت !
اروح لصلاة العصر وامر على بيتكم واذكرك واموت وارجع من صلاة العصر وامر على بيتكم واذكرك واموت !
اروح لصلاة المغرب وامر على بيتكم واذكرك واموت وارجع من صلاة المغرب وامر على بيتكم واذكرك واموت !
اروح لصلاة العشاء وامر على بيتكم واذكرك واموت وارجع من صلاة العشاء وامر على بيتكم واذكرك واموت !
الاّ مره مت 11 مره !
كنت راجع بعد صلاة العصر ومريت جنب بيتكم ولمحت وجه اعرفه زييين !
لحظه لحظه ! , مو هذا ولد عمك ؟ ايه ايه هذا هو اعرفه زييين الي خذاك مني قبل سنين !
لمحت طفل و طفل و طفل , كانوا يشبهونك حيييل ..
تذكرتك قد قلتي لي مره والذكرى حيل مُرّه
[ ابيهم ثلاثه الكبير ياسر والوسط فهد والصغير فيصل ]
أشّرت على اكبرهم وانا اقول بـ ابتسامة كبر مخلوطه بهم : اكيد انت ياسر مو ؟
ضحك وقال : لآ هذا ياسر وهذا فهد , وانا نواف نواف نواف ياعم ! ! !
. . . . . . . . . ومت
بقولك سر , احلى شي كلنا صار عندنا اطفال !
لحظه لحظه , لاتخافين ماتزوجت والله ماتزوجت حتى الدليل طفلتي الاولى اسمها : وفاء
شفتي يعني ماتزوجت والباقين : شوق وحنين والم وحزن !
كل يوم يقومون اخر الليل يسلوني !
كلنا نشبه بعض , كلنا نسهر مع بعض , وترانا كلنا تعبانين !
اوص لاتعلمين احد ولا احد يدري و ولا احد بيدري بيدري بيدري ..


/


http://www.5foq.com/vb/smail/frown.gif

آلييييييييييييييمه http://www.5foq.com/vb/emoticons/eh_s(2).gif http://www.5foq.com/vb/emoticons/eh_s(2).gif http://www.5foq.com/vb/emoticons/eh_s(2).gif http://www.5foq.com/vb/emoticons/eh_s(2).gif
كحيلان العز
10-23-2009, 01:00 PM
أخي موادع

انتقاء مميز وطرح راقي

يعطيك العافيه
موادع
10-23-2009, 01:51 PM
مرورك هو الاجمل اخي كحيلان شكري وتقديري
a7la ledy
10-23-2009, 05:02 PM
اليمه قليل عليهااااااااااا جد تقطع القلب
كانووو لسا طفل وهوو يكتبهاااا

يعطيك العااافيه موادع
قبل اقرا موضوووعك متأكده انووو بيعجبني
كاكا
10-23-2009, 05:11 PM
روعه ومعبره جداا

استمر بالابدااع وننتظر جديدك
موادع
10-24-2009, 05:16 AM
اليمه قليل عليهااااااااااا جد تقطع القلب
كانووو لسا طفل وهوو يكتبهاااا

يعطيك العااافيه موادع
قبل اقرا موضوووعك متأكده انووو بيعجبني



مرورك هو الاروع اختي احلى البنات ودائما مرورك يعجبني احترامي
موادع
10-24-2009, 12:18 PM
اليمه قليل عليهااااااااااا جد تقطع القلب
كانووو لسا طفل وهوو يكتبهاااا

يعطيك العااافيه موادع
قبل اقرا موضوووعك متأكده انووو بيعجبني


الله يعافيك اختي كل الشكر للمرورك العطر احترامي
موادع
10-25-2009, 08:05 AM
روعه ومعبره جداا

استمر بالابدااع وننتظر جديدك



يسعدني دائما مرورك احترامي
كن مثلي
10-25-2009, 02:47 PM
من جد ارى من خلال قلمك ابداع وطموح ورقي

تحياتي الحاره
مشاعر إنسان
10-25-2009, 03:10 PM
http://sms555.jeeran.com/z11.gif
http://www.falntyna.com/img/data/media/11/37263.gif
http://img120.imageshack.us/img120/1048/30066662dt9.gif
http://up.g4z4.com/uploads/802ab58641.gif
http://mohammed14.jeeran.com/123b2copy.gif
http://www.hawahome.info/uploaded/38963/1165603912.jpg
موادع
10-26-2009, 12:04 AM
من جد ارى من خلال قلمك ابداع وطموح ورقي

تحياتي الحاره



ابداعي لايصنعه الا مروركم الذي انار متصفحي لكم ودي واحترامي