هواجيـس الحزن [الأرشيف] - منتديات دومة الجندل

مشاهدة النسخة كاملة : هواجيـس الحزن

كحيلان العز

11-05-2009, 11:57 PM

*^* هواجيس الحزن *^*

سر ياقلم واكتب هواجيس محزون
شـيٍ يلـج بداخلـي ماقويـتـه
الله بلاني بالهوى صرت مفتـون
بغروٍ جعلت أقصى المعاليق بيته
من صغري احبه ولاظن يـدرون
أهلـه بحـبٍ بالضمايـر خفيتـه
يومي صغير اقول يازينت الكون
انت الحلا يالجادل اللـي هويتـه
في حبه أدري كل الاقراب يدرون
غصبٍ علي ماهوب شي نويتـه
اسمه كذا يظهر ولااعرف وشلون
ما تسمع الا داخل القلب صيتـه
أنا على كيف اريش العين ويمون
من يوم يزهمني على طول جيتـه
ياما لعبت وكامل الحسن مزيـون
طول النهار وبالمسا مـا اهتنيتـه
أجلس أفكر واقضي الليل بلحون
مـره اغنـي بـه ومـره بكيتـه
بس البلا يوم الزمن دار بالكـون
اصبح كبير وبعدهـا مـا رأيتـه
أصبح فؤادي بعد فرقاه مطعـون
ياخوف قلبـي موتتـي مالقيتـه
لكن ابوصي ياهلي بـس تكفـون
لامت قولـوا مابلحظـه نسيتـه

ولكم خالص الود والتحايا

a7la ledy

11-06-2009, 12:07 AM

يومي صغير اقول يازينت الكون
انت الحلا يالجادل اللـي هويتـه
في حبه أدري كل الاقراب يدرون
غصبٍ علي ماهوب شي نويتـه
اسمه كذا يظهر ولااعرف وشلون
ما تسمع الا داخل القلب صيتـه

رووووووووووووعه ياكحيلان
عن جد ابيات خطيره
تسلم والله

موادع

11-06-2009, 12:16 AM

بس البلا يوم الزمن دار بالكـون
اصبح كبير وبعدهـا مـا رأيتـه
أصبح فؤادي بعد فرقاه مطعـون
ياخوف قلبـي موتتـي مالقيتـه

رائعه كروعتك اخوي احترامي لنقلك المميز

كحيلان العز

11-13-2009, 04:46 AM

يسلمو على مروركم

دموع الورد

11-13-2009, 07:46 AM

ابيات روووووووووعه تسلم ايدينك كحيلان

التومي

11-13-2009, 07:48 AM

ابداع في مشاركاتك اخوي كحيلان

يسلموووووو على النقل الجميل

كحيلان العز

12-17-2009, 05:06 PM

يسلمو على مروركم