قصيدة عن المقناص

[متلثمة بشماغ حبيبها]

ابتدي باسم الله اللي لا ظلال غير ظله
رب خلق ارواحهم له بالنهايه سلموها
يا هل المقناص درب القنص نفسي ما تمله
ابدوي شف بالي صيدة ما دوروها
جهزولي عزبتي والدرب اعرفه واستدله
كملوها يا نشاما ون نقص شي الحقوها
وهاتوا الفكس آر وابغى جيب شاص امرافق له
والقنوص اطيور شلوى والعوايد جودوها
والجهة خط وطى يبرين مجنب لين زله
مع جراهيد هل المقناص قبلي ما وطوها
ومع غروب الشمس ناقف والخواطر مسفهله
ومن ميابيس الغضا للنار شبوا واوقدوها
ثم قام احد القروم وحاف لهل الكيف دله
دلة فنجالها يجلي التعب ون قدموها
وبعدها كل يقول الدور عندي وانت خله
والذبيحه في ثواني بالفراسن علقوها
وابتدا ليل التسامر وانتقى من الهرج جله
السوالف تحت نجم الليل والدله ثنوها
هرج ذرب وكل رجال كلامه فاطن له
العلوم الطيبه معها القصايد وردوها
ومع مغابيش الصباح العفش رتب في محله
وابتدا المقناص والشمغ النشاما حذّفوها
ساعتين وكل واحد جايب صيده يشله
كلمة ابشر بالشبب يا حيهم تباشروها
ذي امناتي والرشا كل على كيفه يتله
والسلع لولا اختلاف الراي يمكن بوروها
والهواية تختلف والناس كل عاش مله
والصقور اللي ما هم عرافها قالو شووها
وبصلاة الله على المختار وضاح الادله
عدد حجاج نووا مكه ولبوا ودخلوها

[كحيلان العز]

بصراحه القصيده رروعه

تسلم والله وصح لسان قايلها

تحياتي

[متلثمة بشماغ حبيبها]

يسلمووووووووووووووو كحيلان:)

[مشاعر إنسان]

http://alfrasha.maktoob.com/up/7447588602009971454.gif

http://dc06.arabsh.com/i/00832/fgayg82lk24w.gif

http://img120.imageshack.us/img120/1048/30066662dt9.gif
http://img216.imageshack.us/img216/4729/113700477886tt.gif
http://www.hawahome.info/uploaded/38963/1165603912.jpg

[متلثمة بشماغ حبيبها]

http://www7.0zz0.com/2009/12/09/21/899990557.gif (http://www.0zz0.com)