قصيدة بمناسبة رجوع ولي العهد الأمير/ سلطان بن عبدالعزيز آل سعود بالسلامة

[عزوز المدينة]

ياطيرغـرد وازهــري يانـواويـر .............وياشمس طلـي وإنزحـي ياغمامـه



ويانفـس زفـي للوجيـه التباشيـر............وياجفن كف مـن البكـاء والندامـة



من هالدقيقـة مـا للأحـزان تبريـر..........برجوع أبـو خالـد لنـا بالسلامـة



مادام سلطان الكـرم حـي وبخيـر..........ماعـاد ننشـد لـو تقـوم القيامـة



بشت يذري عن عجـاج المعاصيـر..............ووجـه يـرد ارواحنـا بابتسـامـة



وكف يجـود بـلا حـدود ومعاييـر.............وشهامـة مابعدهـا مـن شهـامـة



أكرم من الي ماخـذ الجـود تبذيـر................وأصدق من إعتاب الخوي في خصامه



وأشد من ضرب السيـوف البواتيـر................وأجـل مـن وصـف يحـدد مقامـه



سلطـان ياقـرم يقـود الطوابـيـر...........ياسيد الجيـش السعـودي وإمامـه



ياميـر مايلحقكـم الشـك يامـيـر...........ولا غيركم ياأهل الزعامـه زعامـه



الله مدبـر فيكـم الـعـدل تدبـيـر..............ومعكـم يسـو دم البـلاد ونظامـه



وإن كان للفتنه على الشعـب تأثيـر............يمكـن تـزود وحدتـه وإلتحـامـه



الحكـم حكـم الله ولا فيـه تغييـر...........ودوامكـم ياسيـدي مـن دوامــه



والله لا عنتـر ولا سـالـم الـزيـر............يقدر يزعزع بأرض الإسـلام هامـه



مادام صقر المملكـة حـي وبخيـر............وما دام أبو خالـد رجـع بالسلامـة



هلت على الشعب السعودي تباشيـر.......وقامت على حزب الضـلال القيامـة

منقوله.

[دموع الورد]

يعطيك العافيه

[لحن الروند]

يسلموو عزوووز
والف الحمدلله على سلامة أبو خالد

[كاكا]

مشكور يالغالي

والحمدلله على عودته سالم لارض الوطن

[الخيال العالمي]

مشكووور وصح لسانك ونحمد الله على عودته بالسلامه .......:)

[ابو عصام]

صح لسانك

موفق بإذن الله ... لك مني أجمل تحية .

[عزوز المدينة]

اسعدني تواجدكم بصفحتي