هل يحق للاخ في التدخل باخته بوجود الاب

[دموع الورد]

السلام عليكم ورحمة الله وبركاته

حبيت ان اضع بين ناظريكم موضوع في بالغ الاهمية ويكثر في المجتمعات الخليجية...




هذا واحد من الشباب ظهرت أخته لعيد ميلاد صديقتها مع

مجموعه من صاحباتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السوالف ما رجعت إلا الساعه 11 وهناك بالبيت استلمها

أخوها بالضرب والرفس والطراقات .. تخدرت من التكفيخ ورقدت بعدها من كثر ما كفخها
بالمستشفى ؟؟! .. ومع هذا ما ندم بالعكس قال أحسن ..

عشان تعرف إن بالبيت رجال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات فسدت أخلاقهم ....

وصعب علينا نصلحهم بدون شده وعنف ..؟!!))




- ايش تعليقكم على ماسبق ؟

1- هل صحيح قول (( اكسر للبنت ضلع يطلع لها 24 ضلع )) ؟؟

2- هل صحيح إن الولد غير البنت في الخطأ ؟؟

3- هل صحيح إن لايحق للأخ يتدخل في أخته إذا كان الأب موجود ؟؟

4- هل صحيح ان التفاهم او التعامل بالعنف مع البنت اسلوب للتأديب ؟؟

انتظر ردووكم .. وبكل وضووح وواقعية

[القلقل]

اعتقد انه ما سوى كذا الا هو ماخذ جميع الصلاحيات من والدة وله حق الفيتو بهذي الامور
وتسلملي ايدة وعساه الجنة حتي لو كان بالخليج او سعودي
شـكــ وبارك الله فيك ـــرا لك ... لك مني أجمل تحية .

[عزوز المدينة]

انا بس ابي اعرف اذا غلطت البنت يعاقبونه اكثر من عقاب الولد اذا غلط
شـكــ وبارك الله فيك ـــرا لك ... لك مني أجمل تحية .

[حلــوة الحيــاة]

اعتقد انه ما سوى كذا الا هو ماخذ جميع الصلاحيات من والدة وله حق الفيتو بهذي الامور
وتسلملي ايدة وعساه الجنة حتي لو كان بالخليج او سعودي
شـكــ وبارك الله فيك ـــرا لك ... لك مني أجمل تحية .


ما أقول إلا الله يكون في عون خواتك يالقلقل

يعطيك العافيه دمووووع موضوعك حلوو دخلت ابي ارد بس بصراحه توترت
لي عوده ان شاء الله

[السنافي]

يحق للأخ ذلك في النواحي التي يحددها له الأب و لا يتعدى ذلك الا بموافقة الأب أيضاً , وإن وصلت البنت للخطوط الحمراء فعلى الأخ أن يتدخل وصدقيني لن يمانع الأب .

موضوع جيد يستاهل المشاركة .

[القلقل]

ما أقول إلا الله يكون في عون خواتك يالقلقل
يعطيك العافيه دمووووع موضوعك حلوو دخلت ابي ارد بس بصراحه توترت
لي عوده ان شاء الله
سلامات ليه التوتر ما اكل تري
انا اقول عن نفسي اعطي ابنائي جميع الصلاحيات انشالله اذا تزوجت وله حق الفيتو بالموافقة او النقض اذا راى شي خارج عن العادات والتقليد والشرعية الاسلامية
وبعد ما عندنا بالسعودية اعياد ميلاد ولا كرسمس ولا حب ولا خرابيط خاصة بالشمال نعيش العصر ما قبل الكهرباء والبترول اذا ما كان العصر الحجري
عيدين الفطر والاضحي بس فقط لاغير
اذا عندك راى اتقبله بكل سرور وهذا منتدي اطلق عنانك وحلق بجناحيك :rolleyes:

[الريم]

القلقل وش هالحمشيه رووق
اولن احنا ماانحكي عاادات وتقاليد احنا نتكلم عن ديننا يااخوي مافيه الاعيدين مثل ماتفضلت
لاتقوول احنا بالشمال عايشين العصر مااقبل الحجري عفوون اخووي
كل انسان عايش بعقله فااذا انت تعتبر انه اعيااد الميلاد والكرسمس انت وغيرك من التطوور فاانا اقوولك لالا لانه موعنوان التطوور انه اخرج عن ديني
لكن نرجع للموضووع الاساسي الضررب الان لايفيد وغير كذا انه اخر اسلوب ممكن يرجع له الشخص
ويرجع الموضووع لشخصية الاب واخلاق البنت اذا الاب شخصيته قوويه هوو الوحيد الي يتكلم والاخوو مااله شغل
واذاا البنت غيرر خلووقه واخذت تنبيه تستاهل الضررب
من ولي امرها فقط
الله يسترنا ويحفظنا
وجهة نظرر لاتفسد الود
احتراماتي دموع

[القلقل]

القلقل وش هالحمشيه رووق
اولن احنا ماانحكي عاادات وتقاليد احنا نتكلم عن ديننا يااخوي مافيه الاعيدين مثل ماتفضلت
لاتقوول احنا بالشمال عايشين العصر مااقبل الحجري عفوون اخووي
كل انسان عايش بعقله فااذا انت تعتبر انه اعيااد الميلاد والكرسمس انت وغيرك من التطوور فاانا اقوولك لالا لانه موعنوان التطوور انه اخرج عن ديني
لكن نرجع للموضووع الاساسي الضررب الان لايفيد وغير كذا انه اخر اسلوب ممكن يرجع له الشخص
ويرجع الموضووع لشخصية الاب واخلاق البنت اذا الاب شخصيته قوويه هوو الوحيد الي يتكلم والاخوو مااله شغل
واذاا البنت غيرر خلووقه واخذت تنبيه تستاهل الضررب
من ولي امرها فقط
الله يسترنا ويحفظنا
وجهة نظرر لاتفسد الود
احتراماتي دموع
وين الجنس الخشن يتدخل ويفك الاشتباك بين ادم وبنت حواء
انا محاصر بمسرحة العمليات واطلب العون والمساعدة بموضوع دموع
الريم لك كل الاحترام والتقدير على وجهتة النظر
ونستني الحياه حلوة حتي يزول عنها التوتر وتدلو بدلوها
ولا حمشية ولا شي ريم
انا احب اغرد خارج سرب حمايم السلام دوما والانضمام لسرب الصقور.:)

وبعدين ضيف عندكم وتستقبلوني بالطريقة على الاقل مجاملة واللى ما يعرفك ما يثمنك

[حلــوة الحيــاة]

أولا اعتذر اذا كان اسلوبي غير لائق

طبعا احنا هنا ماحنا بصدد الحديث عن اعياد الميلاد والكريسماس وغيرها
ولكن لمناقشة قضية تدخل الأخ في حياة اخته في ظل وجود الأب

ما اعتقد ان دمـــوع كانت تعني بكلامها في حال لو تجاوزت البنت حدود الأدب والاحترام وحدود الشريعه الاسلاميه لأن في هالحاله للأخ وللأم وللاخت أيضا الحق في التدخل

لكن راح نتكلم هنا عن تدخله في امور حياتها العاديه اللي مافيها حرام وحلال أعني مثلا( زيارة صديقاتها ، تأخرها خارج المنزل لحد معقول ، استخدام النت ، امتلاك جوال ،ومن هالأمور اللي اصبحت عاديه)

أنا ارى في هالحاله ان الأب فقط له الأحقيه في التدخل إلا اذا كان منشغل واعطى تصريح لابنه لينوب عنه يحق للأخ في هالحاله انه يتدخل لكن في حدود المعقول بعيدا عن الضرب والإساءه يعني مايروح يستغل تصريح ابوه ويمارس السلطه والهمجيه على اخته

الضرب عمره ماكان حل بالعكس اعتبره دليل نقص لأنه مايقدر يعالج الموضوع بعقلانيه فيلجأ للعنف
كل شيء بالتفاهم يصير والكلام الليّن يغلب الحق البيّن

[دموع الورد]

مشكورين على الردود ,,, ولكن الى الان ماشفنا رد منصف ومقنع من الاخوان بالعكس انتو على طول تكلمتوا عن الضرب والعنف وكأنكم بس مستتنين زلة البنت واللي ماتعرفونه انو في اخوان بدون البنت ماتغلط جاهزين يعني الواحد منهم بس يبي يطلع مراجله ويستقوي على خواته على اتفه الاسباب ليه هي ماعندها عقل تفهم بالكلام والنقاش والا ايش ياليت لو سمحتوا يعني كل واحد يتكلم بوضوح مو على طول يقول دام الاب سامح له لازم يكسر راس اخته وبعدين ياللي تقولون العصر الحجري ترا مافي احد عايش هالايام على العصور اللي راحت والا بس اذا جت على البنات عشتوا العصور القديمه ولاتقولوا لي الولد يحمل عيبه بجيبه والبنت اي شي يكسرها ومن هالكلام ياليت نبعد عن النقاش العقيم ونتكلم بوضوح وجديه ,,
احترامي للجميع ,

[القلقل]

اقتباس كتبت حلوة الحياة
ما اعتقد ان دمـــوع كانت تعني بكلامها في حال لو تجاوزت البنت حدود الأدب والاحترام وحدود الشريعه الاسلاميه لأن في هالحاله للأخ وللأم وللاخت أيضا الحق في التدخل
ــــــــــــــــــــــــــــــــــــــــــــــــــ ـــــــــــــــــــــ
لكن راح نتكلم هنا عن تدخله في امور حياتها العاديه اللي مافيها حرام وحلال أعني مثلا( زيارة صديقاتها ، تأخرها خارج المنزل لحد معقول ، استخدام النت ، امتلاك جوال ،ومن هالأمور اللي اصبحت عاديه)
انا معك بالامور واصابتي هدفك بكل دقة وتمعن حلوة الحياة
فقط التاخر بالليل انا ضد في حدود وحسب المناسبة
شـكــ وبارك الله فيك ـــرا لك ... لك مني أجمل تحية وكل الاحترام والتقدير

[ساأعود لكم]

له حق الاخو يتدخل حتى لو الاب موجود .. لكن مو بطراخ وطريخ ...

ااخو فاهم ويمكن يطلع افضل من الاب ...

[لحن الروند]

موضوع رائع
مهما حصل الضرب ماهو حل بالعكس أسلوب الضرب
يخليها تكرهه
ونفرض أن الأب أعطاه صلاحيه هذا مايعطيه الحق أنه يمد يده
مافيها شي لو يتدخل بحياتها بس بتفاهم ويكون قريب لها ويعطيها الثقه أهم شي
حتى لو يحصل لها شي أول شخص تفكر تلجأ له أخوها

[دموع الورد]

احنا مانتكلم عن الاغلاط الكبيره اللي متعديه الحدود .. لكن المقصود هينا ليش الشباب اذا الاب اعطاهم الصلاحيه دائما يعاملون خواتهم بعنف ويخلون الخوف حاجز بينهم وبين خواتهم حتى لو ماغلطوا ,,,,,

[كاكا]

اللي يظهر رجولتهـ على اختهـ وبعنف هذا انسان ناقص ..

التربيه اسااس للتعامل .. بين الاخ والاخت والاب ..

الضرب ماعمرهـ صار حل ..

واعتقد ان الشاب الفاهم العاقل المتعلم هو اللي يتدخل لصالح اخته وبشكل مؤدب وحضاري

احتراااامي

[متلثمة بشماغ حبيبها]

لا يحق للاخ التدخل بوجود الاب
بكل شي بحياتها
الله يطول بعمر الوالد ويسعدة

[السنافي]

http://www.d-aljandal.com/vb/showthread.php?t=7999&highlight=%E1%E1%C3%CE (http://www.d-aljandal.com/vb/showthread.php?t=7999&highlight=%E1%E1%C3%CE)

[لحن الجوف]

انا اقول جعل يده الكسر يعني الساعه 11 نص ليل ؟ !!!!
كذا البنت تحس انها محط شك وانها مو ثقه واذا ماكانت راعيه سوالف بسبب ضربه لها تعاند وتنحرف
طيب يعني اذا جات بنفس الموعد 9 معناها انها بنت اوكي اخلاقها كويسه واذا لساعه 11 تصير محط شك هذا مو منطق بس هو يمكن واحد ماعنده شخصيه ورجوله ويحب يحس انه رجل بضربه لاخته
والله اني اعرف بنات ياما تكفخن وزرق جلدهن ومانفع معهن ضرب
يعني البنت اللي متربيه صح ماراح تسوي الغلط بس الرجل يشوف غيره بعين طبعه تلاقينه هو راعي بنات ويظن خواته مثلهن
تخلف والله مهما البنت حرموها من كل شي اذا هي مو متربيه ما احد يمنعها عن الغلط بتسويه
يعني الواحد مايثق ثقه عميا ولا يكون شكاك لدرجه الاخ الغبي اللي ذكرتيه بالقصه
حلات سجنته حتى يفكر الف مره قبل يرفع يده
والله فيه اشباه رجال يقول لاخته جيبي كاسه مويه واذا رفضت تنضضرب ليش ؟
يعني بعض رجال نفسيات يبيلهم علاج نفسي الله يكون بعون كل بنت مبتليه بهالاشكال

[دموع الورد]

تسلمين لحووونه عالمرور وعالرد

[محمد الشمال]

الحمدلله والصلاة والسلام على رسول الله وعلى آله وصحبه أجمعين وبعد

أولا أشكر أختي دموع الورد على طرح موضوع الاكثر من رائع ومفيد جدا, ضرب الاخ لأختة ليسة بأخلاق ولا تعد الرجولة لان الأنثي لا تضرب بتاتا فهي ضعيفة جدا قد يكتفي بالتوبيخ أيضا الضرب ليس حل لمشكلة بل يولد مشاكل أخرى أخطر من المشكلة السابقة , قد تكون فعلا أختة خالفت أمر الأخ ولاكن القضية لا تستحق الضرب بمجرد تأخر بضع ساعات بستطاعتة التوبيخ وحرمنها من الذهاب مرة أخرى بشكل مؤقت كعقاب .
صدقوني اللطف واللين ينفع في الطاعة لصغير والكبير بل ينتج من ذلك الاحترام من الطرفين .
والاخ هل يستطيعالتحكم بأختة بوجود الاب ,,,,على حسب رغبة الاب اذا كان يستطيع التصرف والتحكم دون أهمال فلا يجب على الاخ التدخل . أما اذا كان الاخ يرى من الاخت تصرفات غير أخلاقية ولا أسلامية و الاب يرضي ذلك للبنت . بل يتدخل ويردعها لان طاعة الوالدين محصروة تحت طاعة الله سبحانة .
وأخيرا هل الولد يعاقب كالبنت أذا أخطاء ,, لا السبب الولد مرغوب من قديم الزمان قبل الاسلام لا وكانت البنت تدفن حية بوادي البنات .
الى الان بعض البشر يفضل الولد أكثر من البنت وشرعا لا يجوز التفريق بين الابناء وقد يسبب أنحراف البنت وخاصة البنت التي لاترى أهتمام لا من الوالدين والاخوان فتكون فريسة سهلة لشباب بالذات في وقنا الحاضر والحمد الله على كل حال .

[دموع الورد]

يعطيك العافيه محمد وكلامك سليم 100 %