منهو يصالحني عليّ ؟ّ!

[موادع]

http://www9.0zz0.com/2009/12/09/19/269237066.jpg



سرب من حمام ؟!
قوله :
" يا من يودّي له سلام " ؟!
ولّا وسايد السهر ..لاجيت أنام ؟!
ولّا الكلام .....
اللي ذبل على طرف أصابعي ..من غبت..
وازهر بي الخصام؟!
أو قصيدة ممتليه ندم
ولّا ملام ؟!
منهو يصالحني عليك ؟!
مات النهار بناظري ..الا شعاع
فيني غرق كل البحر..الا شراع
رضيت أجامل حزني فيك..
رضيت أموت ما بين ايديك..
رضيت ..رضيت..
الا الوداع.
أرجوك بس..الا الوداع.
منهو يصالحني عليك ؟!
من يسرقك ..
من بين زعلك والتقيك..
من يسرق الخوف اللي ساكنّي واجيك
من يقنع الماي اللي فيك..
اني عطش..
وغصون عمري تشتهيك..؟
من يقنع نعاس عينك والخدر
اني سهر
على النوافذ أحتريك ؟!
منهو يقول لك يا الجمر..
اني أبيك.
منهو يصالحني عليك ..؟!
ياللي خذاك مني الجفا
كل ليلة أشعل لك حنين
بدل حنين البارحه كل ما طفا
وكل ليلة أفرش لك جفن
عطر ودفا
صبر ووفا
وكل ليلة من قبل أنام
أوارب اطراف الهدب
علّ وعسى
يمرني طيفك عجل
لا من تعب فيّ الزعل
أو جفنه الصاحي غفا!
وكل ليله أسأل هالسؤال :
منهو يصالحني عليك ؟!
منهو يصالحني عليّ ؟ّ!



موادعوووه

[عزوز المدينة]

يعطيك الالف عافيه ولك مني اجمل تحيه وموافق بذن الله

[دموع الورد]

تسلم ايدينك موادع

[متلثمة بشماغ حبيبها]

الصراحة خاطرة ولا ارووووووووووع
تسلم يدينك يامودعووووووووووووووة
تحيااااااااااااااااااااااااااااااااااااااااااااتي

[مارد]

مميز موادعوووووووووووووووووووه

تقبل طلتي

لك مني آإرق تحيه.

[كن مثلي]

يعطيك الف عافيه

خاطره عن جد روعه

تحياتي لك

[ابو تركي]

تسلم اخوي موادع دائماً مميز

ويعطيك العافية

[موادع]

اسعدنيي مروركم اخواني احترامي