قصص ذكاء الحريم

[ابو تركي]

بسم الله الرحمن الرحيم

السلام عليكم جميعاً

حقيقة انا اليوم جايب لكم واحدة من قصص تخص ذكاء النساء

في حياتهم الزوجية بس لا يزعلون علي الشباب لانها قصص

واقعية تدل على ذكاء النساء راح ابداء بالقصة الاولى وكل يوم ان

شاء الله راح انزل قصة في نفس الصفحة وخليكم متابعين كويس

انا اقول يا الشباب انتبهوا ترى الحريم لديهم خطط جهنمية

نبداء مع القصة الاولى

بعض الحريم شاقين بحياتهم ومتبهدلين مع رجااااااالهم وهذا مو سبب الاهمال لا

لما الرجال يطالع برا مو معناه انو حرمته فيها عيب 00 لا والله 00 بس احيانا يكون بسبب برااااءه المراءه وسذاجتها وطيبتها وسوء تصرفهاااا وتحكم العااااااااااااااطفه فيها وهذي حطوا تحتها مليون خط


وماشاء الله على بعض الحريم عندهم ذكااااااااااااااء ودهااااااااء خارق وعندهم قدره تحمل وحنكه وتخطيط 00 وهذا اللي ابيه

ماراح تفهمون الا اذا ذكرت لكم القصة 00



وحده متزوجه وعايشه مستوره

كانت هذي البنت تعباااااااانه من زوجها 00 مكالمات ومعاكسات وخرااااااابيط وهي وساكته وصابره والغيره تاكل قلبها ومحد يلومها

لكنها ما تمادت وانفعلت وقامت تصايح وتصارخ 00لان هذا الاسلوب ينفر الزوج منها

بالعكس صبرت وقالت بكره يعقل بكره يعقل ومافيه منه فايده 00 الين جاااااء في يوم

وهي كانت حامل وتعبااااااااااانه وفاااااااض بها خلاص ووصلت حدها لما شافت زوجها تاركها وقاعد يلبس ويتكشخ

قالت له وين على الله ؟؟ قال معزوم 00 وهو طبعا يكذب رايح يقابل وحده لانها شافت المسج وهو يتحمم

المهم قالت طيب اجل ودني لهلي على دربك لاني تعبانه واذا خلصت من عزيمتك تعال خذني

المهم وتطلع البنت بعبايتها وماخذت من اغراضها شي وفعلا دخلت بيت اهلها وودعت زوجها بأبتسامه عريضه وهي ناويته له نيه

المهم راح الزوج وقابل خويته ولما رجع ياخذ زوجته 00000





كانت المفاااااااااااااااجأه

دخل الزوج كالعاده بيت اهل الزوجه عشان ياخذ زوجته ويروح بيته لكن هذي المره حصل اللي ماكان على البال ولا عالخاطر

رفضت الزوجه انها ترجع مع زوجها 00 حاول الزوج بكل الطرق لكن مافيه فايده
طبعا الزوجه مافضحت زوجها وخبت الموضوع لكنها رفضت ترجع معاه ورفضت تكلمه ولا تشوفه

وقفلت جوالها وطنشته 00 والزوج المسكين كل يوم يجي يبي ياخذ زوجته لكن بدون فايده

لا تطلع له ولا تكلمه وترد عليه ولا اي شي

الرجال مسكين بغى ينجن يقول شفيها بين يوم وليله انقلبت وماعاد تبيني

واستمر الحال 5 شهور وهي لاترد ولا تتصل ولا تقابله

وحتي يوم ولدت 00 ما علمته بولادتها 00لكنه عرف من الناس 00 ولما جاء يسلم عليها

طنشته وماطلعت له وارسلت له بنته يسلم عليها من الباب وعلى ذا الحال

لين خضع الزوج وطاح عند رجولها يبكي ويترجاها ولا قالت له السبب او حتى ترد عليه

وبعد سنه من محاولات الزوج 00قالت له الزوجه انت كنت تحسبني غبيه وتستذكي علي

انا كنت اعرف انك تكلم وتغازل لكني مطنشه بكيفي واقول بكره يعقل هذي مجرد نزوه لكنك تماديت بالخيانه 00 وهذا جزاك

انا نظيفه وما ابيك توصخني بذنوبك

روح للوصخين اللي مثلك 0000000 تفاجاء الزوج من فطنه زوجته وذكائها وحلف لها انه يتوب وما تتكرر

وفعلا الزوج الان مشهود له بحسن الخلق

شوفوا ما شاء الله عليها هذي الزوجه بذكائها وحكمتها عرفت تخلي زوجها يرضخ

لكن لو انها قامت تصارخ وتزعق وتهاوش وتسب وتشتم وراحت فضحت امر زوجها عن اهلها واهله

كان والله ما جاها ولا اهتم بزعلها 00

شفتوا ذكااااااااء الحريم


انتظروني غداً بأذن الله لنا قصة جديدة من قصص ( ذكاء الحريم )

[ساأعود لكم]

المشكله انهم ينكرون ومايعترفون بخطاهم ....

اكيد المشاكل ماتنحل بالمصارخ والاهل الا اذا زادت عند حدها ؟؟





روووووووووووووعه نبي قصص بعد دامها تدل على خيانة الرجال:p

[دموع الورد]

هيك الحريم والا بلاش يستاهل يتذاكى على مصدر الذكاء لاماتجي هاذي :cool::cool:
يسلموووو ابو تركي مبلطين هينا ننتظر القصه الثانيه ;)

[كاكا]

قصه رائعه منك


احترااااامي

[ابو تركي]

القصه الثانيه 0000

ترويها احد الاخوات تقول فيها :

وحده من صديقاتي اعرفها من قبل لاتتزوج واعرف وضعها واعرف كل صغيره وكبيره بحياتها
ويوم تزوجت هذي البنت ماا ا شاء الله عليها عرفت تتعامل مع زوجها

كانت تلزم زوجها بمصروفها كل شهر 00 ما عندها فيه 27 من كل شهر تاخذ المصروف عنده ماعنده معه ما معه يقدر ما يقدر ما عليها منه تقول انت رجال وانت تجيب فلوس
وتقول له انا متعوده من يوم انا في بيت ابوي وانا اخذ مصروفي من ابوي حتى وانا عندي مكافأه من الجامعه اخذ مصروفي غير مكافأتي وهكذا
وانا والله اعرفها واعرف اهلها 00مايعطونها ولا قرش حتى مكافأتها ياخذونها منها ولا يعطونها ولا ريااااااال 00 وكانت مبينه لزوجها انها المدلعه عند ابوها واخوانها وانهم ما يرضون عليها
الله واكبر نسينا التشويت والضرب حتى ان اخوانها يصحونها الفجر وبنص الليل تغسل ثيابهم وتكويها 00 الله يالدنيا مسويه بنت عز
وفعلا والله ما شاء الله عليها زوجها ملتزم بالمصروف معها ما ينقص عليها شي وفي يوم من الايام نزلها عند اهلها ونسى يعطيها فلوس ولما رجع ياخذها بالليل ما رضت تروح معه

وقالت 00 انا فلانه تنزلني بدون ماتعطيني فلوس 00افرض اني احتجت شي افرض اني بغيت حاجه من وين اجيب فلوس ؟؟ اقول لبوي يعطيني فلوس ؟؟ وانا متزوجه والمفروض زوجي يصرف علي 00 قالها الزوج المسكين والله اني نسيت اعطيك فلوس سامحيني طيب انتي ليش ماطلبتي مني فلوس قبل تنزلين 00 قالت الزوجه بكل ثقه المفروض انك ماتنسى

وبالموت راحت معه للبيت واللحين مستحيل ينزلها عند احد بدون ما يعطيها فلوس 00 هذا غير المصروف الشهري

والله ما شاء الله عليها محملته مسؤليتها 00وما قعدت تشتكي من اهلها وتقول ما يعطوني ما يسوون لي 00 لابالعكس بينت له ان اهلها ما يرضون عليها وانهم ما يقصرون عليها بشي
عشان كذا زوجهاااا خايف ومحترمها 00ولو انها قعدت تشكي وتفضح سرها كان والله ماطق لها خبر 000000 شفتوا ذكاء الحريم

انا بكل فخر من زين الطبايع بعد ما اطلب مصروف واذا عطاني من سنه لسنه يرجع ياخذه ويشتري فيه واذا بغيت شي او طلبته شي ولا كنه يسمع ولا كني اتكلم 00 لاني ماعودته على المصروف صار يفسفس الفلوس على كيفه

ويوم قلت له تراني ابي مصروف كل شهر 00 طالعني بنص عين وقال 00 وش عندك ؟؟
وش عندي ؟؟ ابي مصروف ياخي من يصرف علي يعني ؟؟

انتهت القصة وانتظرو القصة الثالثة قريباً.

[لحن الروند]

قصص حلوه بس الأولى أحلى
حشى الثانيه تبي تمص دم الرجال وتصفيه عالحديده
تشكورات أبوتركي

[متلثمة بشماغ حبيبها]

الاولى احلى وصارت لي والصراحة مازعلت منه خليت اخوي يغازلني ويرسل رسايل غراميات ويتصل ويسكت خاصة بااوقات متاخرة
اخر شي انعدل بعدها
اما الثانية شكلها طماعة

[ابو تركي]

القصة الثالثة :
معلمه متزوجه تقول كثرت الاتصالات على تلفون زوجي وصارت الازعاااااااجات كثيره
لكني ماكنت اتوقع ان زوجي ممكن يندفع ويغلط معهم 00 تقول في يوم من الايام فوجئت بزوجي يكلم وحده
تقول دااااااااااارت الدنيااااااا فيني ولكني تحملت وقلت اتصرف بعقل احسن
تقول راح زوجي يتحمم 00 وافتح التلفون واخذ رقم البنت
بدون ما افاتح زوجي باي شي ولا اقول ولا كلمه 00 ولا كن شي صاااااااااااار
تقول اخذت الرقم وعطيته اخوي وقلت له كلم البنت هذي وسحب فيها والفواتير علي

اهم شي تجيبها لي 00 وفعلا قام اخوها يتصل على البنت ويحاول فيها ويرسل لها بطاقات شحن ويغريهااااااا وفعلن كلمته البنت وصار يشتري لها الهدااااااااايا
طبعا على حساب اخته المعلمه
ويقولها امري وتدللي وش تبين بس وفعلا يجيب لها ويشتري لها وصرفت عليها المعلمه اللوف مألفه

لين صدقت البنت ان الولد يحبها ووافقت تطلع معه وكانت المعلمه متفقه مع اخوها ان يجيبها البيت عندهااااا

وفعلا جااات البنت ودخلت ست الحسن والدلال 00 وتطلع عليها المعلمه وتمسح فيها البلاط
تضربها وتترفس ببطنهااااااا وتقطع شعرهااااا وتمشخ وجهها
يعني لعبت فيها لعب شوهتها تشويه
وقالت ياقليله الحياء تكلمين زوجي تبين تهدمين بيتي انا اوريك 00 يالله امشي قدامي بيت اهلك والله لاافضحك عندهم قااااامت تبكي البنت وتترجااااااااااها تكفين الا اهلي
قالت ابد مافيه يالله قدامي وفعلا دخلت المعلمه بيت اهل البنت وفضحت امرها ومسحت فيها البلاط وطلعت

وبردت حرتها وراحت لزوجهاااااااا ولا كن شي صاااااااااار
يابنات صدقوني الموضوع يبي له بس شويه ذكااااااااااااء على شويه دهااااااااء على حبتين فطنه على ملعقه لكااااااااااااعه وملعقه حكمه وتفكير بعقل وابتعااااد عن العاطفه وتطلع معك احلى خطه طبقيها وبالهناااااااااء والعافيه

غداً قصة جديدة من قصص ذكاء الحريم

[متلثمة بشماغ حبيبها]

هههههههههههههههههههههههههه
اما هذا قوية

الصراحة يبيلها صبر بس
ونادر ماتلاقي حرمة تصبر وتتصرف بحكمة
والله غير تنعمي وتتهور زين ماتتقتل زوجها

[ابو تركي]

يا بنات والله ما شوف اي متابعة للقصص الا انزلها الا البعض

وين تراني بوقف تنزيل قصص للحريم وانزل قصص دهاء الرجال

خلني اشوف ردودكم زيييييين والا .... المهم
القصة الرابعة

تقول صاحبه القصه كنت متزوجه ومبسوطه مع زوجي ولكن غيره خواته مني خلتهم يسوون الهوايل
وفعلا هذي الحرمه ماشاء الله جميله ونظيفه وطباخه وزوجها يموت فيها كانت كل شهر بقصه جديده واللوان احلى واحلى والجسم ماشاء الله ماكنها جايبه خمسه عيال

والنظافه 0000امممم من تدخلين البيت تشمين الروائح وتشوفين صورتك في البلاط من كثر ماهو نظيف 00 البيت له ريحه والملابس لها ريحه وعبايتها لها ريحه وجسمها له ريحه ماشاء الله
كانت بس من تفتح باب شقتها نشم الريحه ونعرف الباب مفتوح

كانت ترسل مع زوجهااااا الفطور انواع واشكال صوااااااااني الفول بالسمن وثلاجات الشاي والنعناع والكركديه والقهوه ياسلام سلم تقعد الراس
والحلا اااااااااخ كلنا كنا نجيب من برا الا هي تحرجنا بصراحه الحلا انواع واشكال

يعني الحرمه سبحان الله 00 جميله بكل شي
وبعد ملتزمه واخلااااااااااق 00 وكانت تحب زوجها وتهتم فيه 00 لكن خوات زوجها واللي هم اصلا بنات عمها كانوا يغارون منهااااااا

وكانوا يحنون ويزنون على اخوهم اللي هو زوجها انه يتزوج وكثر الدق يفك اللحاااااااااااام
كانوا يقنعونه بكل الطرق انه يتزوج بس عشان يقهرونهااااااا ويحاولون فيه
ان جاء يمين يجونه يسار وان جاء يسار يجونه يمين لين رضخ الزوج واقتنع بالزواج

وراحوا خوات الزوج من كثر حقدهم وغيرتهم من زوجه اخوهم اللي هي بنت عمهم اصلا
راحوا وخطبوا لخوهم صديقه زوجته 00صديقتهااااااا الروح بالروح
تخيلوا الغبنه صديقتها وزوجهاااااااااا حسبي الله عليهم
المهم تقول البنت هذي 00 تقول كنت ادري بكل اللي قاعد يصير ومطنشه
وجااااااااااء اليوم الموعود 00 وقالها زوجها ترا اليوم عرسي 000000000
تقول كتمت الضيقه بصدري وحبست دموعي في عيوني والسكاكين تجرح وتقطع بقلبي
وقلت له بكل هدووووء 00 مبروك 00 الله يوفقك 00

تقول يابنات رحت اجهز له شنطته وانا الناااااااااااار تاكل بصدري والدموع تحرق عيوني
لكني مسكت نفسي ولا بينت له شي 0مع اني ماكان بيني وبين الانهيااااااار الا شعره

تقول يابنات محد يتصور وش كان في قلبي 00وانا اشوف زوجي حبيبي مع صديقه عمري
ولكن مابينت له شي وودعته بابتسامه عريضه تخفي وراااااااااااااها انواع العذاب

وتقول لما عرفوا اهلي واخواني تحلفوا فيه وحلفوا يقاطعونه ويسوون ويفعلون فيه
لكني قلت لا لحد يقوله شي ولا احد يسوي له شي خلوه
وحاولوا فيها اهلها واخوانها تترك البيت وتجي عندهم قالت ابد ما اطلع من بيتي خلوني

تقول البنت محد حاااااااااس باللي فيني ولو اوصف واقول مابقدر اقولكم عن الغصه اللي بقلبي

تقول اذا جااااااااااء زوجي من حرمته الثانيه اللي هي صديقتي 00تقول اكشخ واتزين واللبس عيالي واكشخهم
واجهز القهوه والشاهي والحلا والدنياااااااا ومالذ وطاب
واستقبله احلى استقباااااااااااااااااال 00 ياهلا ويامرحبا هلا بك يابو فلان ارحب تو مانور البيت
اسفرت وانورت
تقول ولا ابين له شي 00 ولا اقول ليش تزوجت علي ؟؟ وانا وش قصرت فيه ؟؟
تقول ابد ولا حرف 00ولا كنه حصل شي
تقول احطه فوق راسي واسولف واضحك وارقص وامبسط وانكت واسوي كل انواع الترفيه في بيتي

ولين طلع 000000000 بانت حقيقتي رجعت لحزني وهمومي لكن ما ابين عند زوجي شي

لاني لو بكيت وتباكيت وزعلت وغضبت وهاوشت وصرخت ماراح يغير في الموضوع شي بالعكس راح ينفر مني ويبتعد عني ويقول انا كيف كنت متحملها اثاريها نكديه

تقول شلت بقلبي وسكت وقلت حسبي الله على من ظلمني
ومرت الايام والشهور وهو على ذا الحاااااااااااااال ان جاء لقى الترحيب والسنع وان طلع ماسألت عنه

لين انجن الزوج 000 وصحى من غفلته وقال كيف انا تزوجت عليها ؟؟ كيف سويت فيها كذا ؟؟

ورجع لها وبااااااااااااس رجولها وقالها ساااااااامحيني هذي نزوه 00 وفعلن رجعت المااااااء لمجاريهااااا

وصديقتها الخااااااااااينه تطلقت ورجعت بيت اهلهااااااااااااا ورجع الزوج يعيش مع زوجته وعياله مثل اول وقبل

وعرف قيمتها وصاااااااار يدلعها اكثر من اول 00
تقول البنت هذي لو اني انهرت وتركت البيت كان ما رجع لي 00 لكني تحملت وصبرت وتصرفت بعقل وتركت العاطفه

مع اني كنت بموت من القهر 00لكن الله عوض صبري

ويوم غداً بأذن الله قصة جديدة

[لحن الروند]

القصه الثالثه يبيلها وحده معضله وقلبها قوي هههههه

أما الراابعه فعلا زوجه تنحط عالجرح يبرى
يسلموو أبو تركي

[دموع الورد]

لاتزعل ابو تركي والله متابعينك وبنتظار القصه الجديده

[ابو تركي]

(( القصــة الخامسة ))

وحده متزوجه فؤجئت بمسج على تلفون زوجها من وحده 00 كتمت الزوجه غضبها وغيرتها واخذت الرقم وحفظته بجوالها وانتظرت خروج

زوجها من البيت ولما خرج زوجها راحت ارسلت ذاااااك المسج اللي يفلق الحجر مسج كله دعاااااااااء قالت ابدعي عليك في التهجد الله ي
يفضحك على رؤس الخلائق الله يوريني فيك يوم اسود من الليل الله يبلاك بالسرطان الله يهد حيلك مثل ما انتي تهدمين بيتي 00 ومن هالكلام

وفعلا خاااااااااافت البنت واتصلت على الزوجه واعتذرت وقالت والله معد اكلم بس لاتدعين علي

ولما رجع الزوج استقبلته بأبتسامه عريضه وقالت له حبيبي 00 ادري انك تكلم فلانه وادري انك تسوي كذا وكذا وتراني مطنشه بكيفي

ومعطيتك جوك


لكن تذكر من دق باب الناس دقوا بابه وانا بنسى الموضوع لكن ان تكرر لا تلوم الا نفسك

واحفضني مثل ما احفظك زين 00

تقول زوجي تفاااااااااجااااااء واستغرب واستحى وطااااااح وجهه ولا قال ولا كلمه

وصار يخاف مني ويحسب لي اللف حسااااااااااااب

[دموع الورد]

يقهرووووني الحريم اللي هيييك من وين لهم برود هالاعصاب وبعدين المفروض تحط حرتها في ابو عين زايغه :mad:
يعطيك العافيه ابو تركي

[ابو تركي]

شاكر لك اختي دموع الورد على المتابعة

سوف انزل القصة السادسة واعتقد انها الاخيرة

وذلك عدم التجاوب فلا يزعل مني احد

تحياتي للجميع ...

[دموع الورد]

طيب واللي متابع وش ذنبه ... :confused:
لاتصير زعوووول ياابو تركي :(

[ابو تركي]

القصة السادسة
ترويها وحدة وتقول فيها .. وحده من صديقاتي موظفه وعندها

راتب محترم 00خطبها واحد مطلق وعنده ولد 00 وكان دايم يقول لها لاتصيرين مثل زوجتي السابقه انها كانت تصرف كثير

وتطلب كثير وعشان كذا طلقتها

ثأترت البنت المسكينه وصدقت كلامه 00وصارت تصرف من راتبها وتوفر راتب زوجها عشان لاتصير مثل زوجته السابقه

ومرت الايام وهي على ذا الحال

تقولي البنت كان مصروفي ومصروف بنتي ومصروف البيت واثاث البيت والايجار والكهرباء كله علي

اما زوجي راتبه يرسله لولده وكانت طليقته كل يوم تتصل جب كذا وهات كذا ولدك يبي كذا ولدك محتاج كذا

المهم تقول الصااااااعقه اللي صعقت قلبي لما فوجئت ان زوجي بيرجع طليقته اللي كان يشتكي لي منها ومن تصرفاتها ومن

صرفها وبعزقتها للفلوس

وانا اللي ماكلفت عليه بريال ماقدرني وراح للي مشقيته على قولته

تقول البنت انصدمت وكنت بموت من القهر 00لكني بدل ما ارجع لأهلي واعطي زوجته الثانيه مجال انها تهدم بيتي قررت

اني اقعد في بيتي وراتبي بدل البعزقه صرت اوفر منه وخليت الاجار والكهرباء ومصروف البنت على ابوها 00 وكل شهر

اكتب اغراض البيت اللي ناقصه وارسلها له يجيبها غصبن عنه

تقول يابنات ندمت اني ماسويت كذا من اول 00 صار زوجها احسن من اول

سبحان الله الرجل مخلوق عشان يتحمل التعب والمسؤليه عشان كذا هم قوامون على النساااااااء ولما الرجال مايلقى من يتعب

عشانه يروح يدور له احد يتعبه

واللي ابيكم تفهمونه من كلامي انو لازم الزوجه تحمل زوجها مسؤليات البيت مثل الصرف والمصروف والايجارات

وخير الامور الوسط لا تبهذله بالطلبات ولا تريحه بالمره يعني في حدود المعقول
هذا مو كلامي انا هذا كلام الا تروي القصة لا يزعلون الشباب ههههههههه

[دموع الورد]

ههههههههههههه
يعطيك العافيه ابو تركي

[ابو تركي]

شاكر مروري اختي دموووووع الورد

تحياتي لك

[متلثمة بشماغ حبيبها]

اف اف اف هذا قصص ولا بالخيال
والله لو وحدة ثانية تنجن

[متلثمة بشماغ حبيبها]

يسلمووووووووووووووووووووو على القصص ابو تركي
تحياتي

[ابو تركي]

القصــة الاخيـــرة

قصه تموت من القهر 00
وحدة حرمه جميله جميله جميله بكل ماتحمل الكلمه من معنى ونظيفه ومرتبه يعني بالعربي مثااااااليه وكان زوجهاااااااا يموت فيهااااااا يبوس التراب اللي تمشي عليه

غير كذا هم مره اغنيااااااااااااااء كانت تشتري الملابس الخاصة بــ 800 واكثر قمصان النوم بالالف والالماااااااااااس يضوي ضوي

والبيت اللي هم فيه قصر قصر كانوا عاااااااااايشين احلى عيشه ومرت الايام

وجاء واحد من بلد عربي يشتغل عندهم بالشركه وطبعا جاب اخته وامه وقعد يلمح لزوج الحرمة انه يتزوج اخته ومع كثر المحاولات والاغراءات رضخ الرجال

تقول الحرمة نغزني قلبي وحسيت بشي وشفت زوجي متغير علي تقول واروح وامسك السواق طبعا سواقهم كان صغير في العمر وكان يدل

بيت العروس العربيه اللي بيتزوجها زوجها

المهم تقول سكت ولابينت لزوجي شي واروح وامسك السواق وامسح فيه البلاط

واضربه واكفخ فيه تقول قلت له اللحين تعلمني وش السالفه زوجي كل يوم وين يروح يسهر

انت اللي توديه وتجيبه 00 علمني اللحين والا اسفرك بلدك

تقول مسكين قعد يبكي وخاف وعلمني بكل السالفه وقال انو عمي بيتزوج اخت المهندس

اللي يشتغل عنده
تقول بغيت امووووت من الغبنه والقهر اعنبوا بليسك وش قصرت معك فيه

معيشتك بعز ابوي وااااااااخرتها تخوني طيب انا اوريك

تقول مسكت عبرتي وكتمت غضبي ولما رجع زوجي قلت له شرايك نعزم فلان عندنا هو اهله

شكلهم طيين خلهم يزورونااااااااا

وفعلا قالهم الزوج تعالوا تعشوا عندنا وقالهم ان انا اصير اخته لانهم لو شافوني وشافوا جمااااااااالي ماراح يوافقون يزوجنه بنتهم وقالهم ان زوجته هي الحبشيه اللي تشتغل عندي شفتو القهر.... المهم

وفعلا دخلو الضيوف تقول واقوم اتكشخ واكشخ عيالي ويوم وصلوا وجلسوا

هزئتهم ومسحت بكرامتهم الارض وقلت لهم انا اسوي فيكم الخير وانتو تبون تخطفون زوجي ولفت على زوجي ومسحت بكرامته الارض وقالت

هذي اللي تبي تفضلها علي

المهم يابنات غسلت شراعهم

قامت ام العروس تبكي وتبوس راسي وتقول لي اسفه سامحينا والله ماعرفنا انك زوجته هو قالنا انك اخته وان خدامتك هي زوجته


تقول قعدت تبكي وتترجاااااااااني اسامحهااااااااااااا وانا رفضت وعلى طول سفرتهم

وزوجها تقول تمنى الارض تنشق وتبلعه وقام يترجاها ويترضاااااااها ويبوس رجولهااااااا

وبالموت رضت عليه هذا وهو يحبهااااااااا ويموت فيها جاته نزوه وفكر يتزوج عليها

.

اخيراً اخواتي كل هذه القصص لها خلاصة يجب ان ينتبه لها البنات وهي كالاتي :


نصيحه لا تقصرين على نفسك بشي وخصوصا غرفه النوم غيري المفرش حطي فواحات اشتري مخدات تراها مملكتك دلعي نفسك وزوجك

مدامك تملكينه كله قبل تملكين نصه

ترا ما يطير الرجاااااااااال الا الملل وسوء التصرف وهمجيه التعامل و غياب الفطنه والذكاء

وسذاجه المرأه تنفر الزوج

تدلعي وتكسري بالمشي والكلام وان فشلك ولا حطمك معليك قولي انت زوجي يحق لي اتدلع


ولكن لا تدلعينه مره ولا تهمشينه مره 00خير الامور الوسط

وان رحتي معه لسوق او مطعم وشفتي احد ييطالع فيه وهو يطالع في احد

لا تنفعلين وتنافخين عليه

لا امسكي نفسك وقولي حبيبي تعاااااااااال شوف او امسكي يدينه او وشوشي بأذنه

المهم حاااااااااولي تشغلينه

والله العظيم بنات هذي الايام يخوفون حسبي الله عليهم معد يستحون الوحده تطالع في الرجال

بعين قوية حسبي الله عليهم

انتبهوا على رجااااااااااااالكم والله يستر علينا الوقت هذا صار يخوف

الوحده ماتثق حتى باقرب قريب

وادعوا وقولوا

الله يستر علينا وعلى رجاااااااااالنا ويخليهم لنا ولايحرمنها منهم ويسخرهم لنا ويسترنا معهم ويوفقنا ويسعدنااااااااا ويجعلهم

مايشوفون غيرناااااا

[دموع الورد]

المفروض ماتسامحه اي حب واي خرابيط هو لو كان يحبها مايناظر غيرها وبعدين مثل مافهمت انها معيشته بألاحلام ومع هيييك مو عاجبه لاوالله هذا طبع فيهم >>>>>>> مو كلهم بس الاغلبيه ..
يعطيك العافيه ابو تركي

[ابو تركي]

بشويش دموع لا يطق عندك عرق وش بلاك

متحمسة مرررررررررررررة

بعدين هذي قصص عشان الوحدة تعرف كيف

تتعامل مع زوجها ولا تخرب بيتها والله

يهدي شباب وشابات المسلمين

وتحياتي لك

[لحن الروند]

يعطيك العافيه أبو تركي
وأنا مع دموووع يحمد ربه ويشكر مفروض سفرته معاهم ههههه

[ابو تركي]

شاكر لك قطر الندى مرورك المميز

تحياتي لك

[متلثمة بشماغ حبيبها]

يسلموووووووووووووووووووو اخي ابو تركي على القصص الرائعة
تحياتي

[ابو تركي]

الله يسلمكم اخواني اخواتي شاكر متابعتكم ويعيكم العافية

تحياتي لكـــــم جميعاً

[متلثمة بشماغ حبيبها]

نتظر جديدك اخي ابو تركي

[ابو تركي]

تحياتي لك اختي اميرة الورد وشاكر مرورك

وعلى خير ان شاء الله

[لحن الجوف]

انا عجبتني اللي خلت اخوها يسحب البنت وكفختها الله وناااسه والله ذكيه
عاتي يتزوج وحده ثانيه الوحده اهم شي تقوم بزوجها وماتقصر معه بشي
واذا بيتزوج عليها بكيفه الله محلل له افضل من انه يسوي علاقات بالحرام :confused:
موفق بإذن الله ... لك مني أجمل تحية .

[ابو تركي]

بارك الله فيك اختي لحن الجوف وشاكر مرورك