طفله ترفع الضغط ولو مش ضحكت لا تضع رد

[أحترت أسمي نفسي]

طفلة ترفع الضغط ولو مضحكت ما ترد على القصه!!!!!

بسم الله الرحمن الرحيم


وبه نستعين


والصلاه والسلام علي اشرف المرسلين

سيدنا محمد عليه الصلاه والسلام



التلفون يرن ...



الطفلة : الوووو



الامراة : الووو مرحبا



الطفلة : اهلين..



الامراة : وين الوالدة ؟



الطفلة : ما فش عندنا وحدة والدة..



الامراة : له له عيب عليك... لا سمح الله الله يخليلكم اياها..



الطفلة : شو لا سمح الله ما لا سمح الله.... بقوليك مافش عندنا والدة....



الامراة : اه ... كم عمرك يا شاطرة؟؟



الطفلة : وشو عرفك اني شاطرة...



الامراة : تضحك وتقول .. مبين عليك خفيفة دم..



الطفلة : انت الي خفيفة دم...لا تقولي عني هيك...



الامراة : مبين عليك زغيرة؟



الطفلة : انا اطول منك......



الامراة : طيب يلا اعطيني ماما...



الطفلة : ليش هي امك عنا؟؟



الامراة : خلص نادي امك...



الطفلة : مافش عند امي نادي..



الامراة : الله يصبرني...



الطفلة : يصبرك مع شوك ولا بدون شوك؟



الامراة : تصرخ " اعطيني حدا كبيرررر"



الطفلة : كبير , بالحجم ولا بالطول ولا بالعمر..



الامراة : اعطيني واحد برميل احكي معووو..



الطفلة : استغفر الله العظيم بدك تحكي مع برميل.. بس البرميل جماد..



الامراة : هسا باجي عندك.. اعطيني حدا كبير...



الطفلة : تجيش عندي لانو عندي صاحباتي بلكي لما روحو جيتي بكون احسن...



الامراة : طيب بس لو اشوفيك لاعمل منك بطاطا..



الطفلة : بطاطا مسلوقة ولا شوي بالفرن؟



الامراة : احسنلك اسكتي لانك زعلتيني..



الطفله : مين الي زعل تيني وليش التين اصلا بزعل؟



الامراة : بكفي زودتيها عاد ..



الطفله : وين عاد الى بيته ؟



الامراة : اه الى بيته .. مبسوطة..



الطفلة : الصراحة مش مبسوطة .. في اشي مزعلني..



الامراة : خليه يزعلك بلكي فقعتي زي البالون..



الطفلة : شو لون البالون الي بلكي فقعت زيو؟؟



الامراة : تصرخ باعلى صوتها.. " وين الوالــــــدة ؟؟؟ "..



فتاخذ الام التلفون من الطفلة ..



وتقول الووووو.. مين معي..



الامراة : ول علينا .. شو هالبنت هاي اطلعت لي قرن براسي..



الام : قرن ايش , قرن الغزال ولا قرن موز..



الامراة : زي دايما رايقة وبتحبي تمزحي .. لا اطلعتلي قرن ثور ...



الام : شو حجمه الثور؟



الامراة تغلق السماعة.. وتذهب الى بيت صديقتها.. ترن الجرس...



فتقول الام للطفلة : روحي شوفي مين على الباب...



تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول فش حدا على الباب في وحدة وراه..



فتقول الام : خلص خليها ترن على الجرس قد ما بدها..



الطفلة : اي جرس؟ جرس المدرسة؟؟؟



الام : لا جرس الدار..



الطفلة : جرس دارنا هاي ولا الدار الجديدة الي بدنا نبنيها..



الام : لا جرس دار الجيران..



الطفلة : ليش في عند الجيران جرس وحول واركب على الفرس..

وعلى هالموال ..... ليل نهار

ارجو ان يكون الموضوع نال اعجابكم

[مارد]

ههههههههههههههههههههه

والله تطفيش

رفعت ضغط

المفروض تولع فيهم

شكرا على هذة المشاركة الجميله

[oOoسكيبoOo]

يا ليل الليل ..........اه بس لو امسكها والله لخليه بدك ما بدك هههههههه
يعطيك العافيه على المشاركة الرئعه وفالك التوفيق

[I الـعـمـيـد I]

ههههههههههههههههههههههههههههه


البنت طالعه لأمها


وبصراحه يعجبوني الاطفال اللي لسانهم طويل


والله يعطيك العافيه

[عاشق الانتر]

حلوههههههههههههههههههههههههههههههههههههههههههههههه هههه هههههه

[فاقد حنان]

هههههههههههههههههههههههههههههههههه

[المحترم]

ههههههههههههههههههههههههههههه

[االعااشق]

ههههههههههههه