رحتي مثل دمعه على ( خد شايب )

[ابو تركي]

مالـ آلحياهـ سلوم بدو وتقاليد

آيامها .. فيها الفرح والمصايب

تعبت منها يوم ضاقت بي ( البيد )

وعن باقي الرحله / عقلت الركايب

هذا مكاني كن في رجلي القيد

يا جايب الأخبار ويش انت جايب

يامسافره كم قلت لك : ماني بعيد

عن ( القبور المظلمه ) وَ ( النصايب ) !

شوفي عروقي ؟ كيف ابـ آهداء وابـ آهيد

مافيه .. عرق الا من الشوق .. [ ذايب ]

لو جت لي الدنيا على مثل ( ما آريد )

حرام / ما أسمع فيك مخطي وصايب !

أبيــك .. وآخر ما حسبت ؟ المناقيد

لو خاطر ٍ يضماك , ماهو بـ طايب !

ورده وحولك شوك يا شيخة الغيد

الا ومن دونك ( كبار النوايب )

الشوف يوصل لك ,ماتوصل لك ( الإيد )

ويوم اني اقصر عنك ماني بـ هايب !

ما اخشى على يمناي( شوك العناقيد ) !!

لكن آحنّك من [ نسيم الهبايب ]

كم قلتها فـ أذنك مرار وتراديد

يكفيني اللي صار لي من عجايب ,

وانتي ..تركتي للغياب المقاليد ,

غبتي وطيفك معي ماهوب غايب !

تفوح من بين الضلوع ( التناهيد ) ,

ويبين في وجهي وداع الحبايب !

جيتي مثل ضحكة طفل في ضحى العيد

ورحتي مثل دمعه على ( خد شايب ) !
الشاعر (مشعان البراق)

منقوووووووول

[دموع الورد]

رائع مانقلته ابوتركي يعطيك العافيه

[عزوز المدينة]

صح لسانك ويعطيك العافيه

[ابو تركي]

مشكورة اختي دموووع الورد على المرور

والشكر موصول لك اخي عزوز المدينة

بارك الله فيكم وتحياتي لكم