الصـــمـــت

[ابو تركي]

آلصمت له عندي معزّه ومقدآر
في زحمة الأفوآهـ .. يآ مزين الصمت !!
لا صآر بعض البوح عند البشر عآر
لو يشتعل جوفي حشى ما تكلّمت
تعبت من قولة : (علآمك) و (وش صار )
وإن طحت ما ألقى سوى كلمة (سلمت)
وأعذآر أخلقها ولو مآلي أعذآر
مشّيتهآ مرهـ .. ومرآت مآ رمت !!
كذبة صبآح الخير / يآ صبح الأنوآر
عذري ليآ عدّت ... ليآلي ولآ نمت
أسهر طوآل الليل وضْيوفي أفكآر
وأقول لاْصحآبي : نعم توّني قمت !!
ما عاد فيني ألفت .. عْيون واْنظار
يكفي بأني من زمآني تعلمت
إن الصدر بيت / ن .. وسكّانه أسرآر
نيّام .. بس يصحون لآمن تألّمت
يصحون ويناظرهم الجآر و المآر
وش عآد ينفع سترهم لو تكتّمت ؟!!
آقدّم أقدآمي على درب الإصرآر
امشي ولكن للأسف ما تقدّمت
(النآر قدآمي .. ومن خلفي النآر !!)
والعمر يمضي بي وأنا ... ما تولّمت
يا لين ذآك الحلم في ... لحظه أنهار
وأنا مع لحظة سقوطه ... تحطّمت
اجروحي أكثار.. وتنآهيدي أكثار
لكن على كثر الموآآآجع .. تبسّمت !!
ثم أْلتزمت الصمت .. وعزومي أكبار
ولو يشتعل جوفي حشى .. ما تكلّمت


منـــقـــوووول

[عزوز المدينة]

والعمر يمضي بي وأنا ... ما تولّمت
يا لين ذآك الحلم في ... لحظه أنهار
صح لسانك اخوي

[ابو تركي]

صح بدنك اخوي عزوز شاكر مروك

تحياتي لك