مو تكبر ! بس أنا / يمكن كبرت !

[دموع الورد]

مو گثير اللي لأيامي .. جنيت
..................... مو قليل اللي من اْوهامي خسرت

ياما قلت انّي من الدنيا قويت
..................... والحقيقه: ما على القوّه قدرت !


قد خذيت أشياء لگن ما بغيت
..................... لَا رضيت ولَا بعد حتى شگرت

فـ المقابل ما گسبت إلـاّ لقيت
..................... شيّ يخنِقْ فرحة اللي به ظفرت

گلّ دربٍ تايهٍ به قد خطيت
..................... لين مثله صرْت لگن ما شعرت

تايهه .. مدْري وش اللي له سريت
..................... صامته .. ما لمْت حدّ ولا عذرت !

ياااه .. گم قلبٍ انا عنّه مشيت
..................... مـ انجبرت أرحل! وربي مـ انجِبَرتْ

بس أحس إني إلى البُعد اهتديت
..................... مو تگبّر ! بس أنا: ( يمگن .. گبرت )

والدليل ؟ أشيا گثير اللي نسيت
..................... وان بغيت أذْگر .. گرهت اللي ذگرت

إي گرهت أذْگر بگائي لا بگيت
..................... بسْ نسيت أنسى أنا گيف انغدرت

هذا گل اللي رفضته أو رضيت
..................... هذا هو اللي أنا منْه انگسَرت

هذا حال العمْر .. يمضي لو أبيت
..................... وآنا ما أرفض وَ لگن ما صبرت !

بسْ أببقى لا ذكرت الله وْدعيت
..................... أرجو انّي أبتسم لو مـ انتصرت

يا عسَىْ يزهى بياضي لا نويت
..................... يا عساي اْفخر بـ طيبي لا افتخرت

[كاكا]

قصيده في قمه الروعه وجمال الحس الراقي
ابيات تنم من شخص لايخفى من ذائقته الشعريه العاليه

[ابو تركي]

بسْ أببقى لا ذكرت الله وْدعيت
..................... أرجو انّي أبتسم لو مـ انتصرت

يا عسَىْ يزهى بياضي لا نويت
..................... يا عساي اْفخر بـ طيبي لا افتخرت


يسلموا دموع الورد وما اروع ما نقلتي

يعطيك العافية

[موادع]

هذا حال العمْر .. يمضي لو أبيت
..................... وآنا ما أرفض وَ لگن ما صبرت !

بسْ أببقى لا ذكرت الله وْدعيت
..................... أرجو انّي أبتسم لو مـ انتصرت

يا عسَىْ يزهى بياضي لا نويت
..................... يا عساي اْفخر بـ طيبي لا افتخرت



مو غريب عليك اختي دائما متميزه

[دموع الورد]

اسعدني مروركم