كنتي بنتٍ تسوى في عيني " رجال " !!

[موادع]

http://el9ane3.jeeran.com/photos/113157_l.jpg


:

إتصالك .. إهتمامك ..و الوصال
وشخص " تايه " بين أفكارك وبالك !

مدري هي أقدار .. وإلا الحظ مال
من رمى الثاني على درب المهالك ؟

رغبتك .. في إغتنامك لل عيال
وقلب حالم قال لك : عمري حلالك ..

وعين شاعر يعشق أنواع الجمال
يستمد أبيات شعره من [ جمالك ] !

قصه كانت شبه .. أفلام الخيال
ويكفي إنَّ الجو في قلبي صفالك !

تذكرين شلون تمشين ب عدال
والمرض فجأه ! تجرأ لك وجالك ..

ومن يحبك يمسح دموعك وقال :
ليتني ..أتعَب وأمرض لك بدالك !

يااااه يا ذيك السوالف والليال ..
كان قلبي طير و .. أجواءه خيالك !

كنت أقول أبعد عن عيونك ؟!
- مُحال !
ولو وقف في دربنا عمّك وخالك

كنتي بنتٍ تسوى في عيني " رجال "
من كثر طيبك ومن وافر خصالك !

لين ما رحتي وتركتي لي سؤال :
من قدر يغريك في كذبه / وطالك ؟؟

في جنوبك كنت والعالم شمال ..
[ إنِّي خيَّرتُكِ ].. وإخترتي شمالك !

كان أسوء ظن و أسوء إحتمال
تحسبين حساب من جاك وعنالك !

إنهدم من غلطتك , قصر الرمال
وإنهدم كل الغلا فيني ... كذلك !

ما يفيد الحين لو قلتي : تعااال
قلبي من راسه ومن دنياه شالك

ما أبي منِّك بعد هذا .. إتصال !
إتركيني وإقطعي عنِّي وصالك !!

ماااات شاعر ..! والمشاعر لا تزال !!
وما أظن ينفع بعد موتي سؤالك ..

والنهايه , شوفي يا بنت الحلال
لا حبيبك [ تَمْ ] .. وما شفتي عيالك !

:
:
http://www.mothhelah.com/vb/images/smilies/04.gifفديتني بسhttp://www.mothhelah.com/vb/images/smilies/04.gif

[لحن الروند]

راااقت لي حروووفك

دووم متجدد

دمت كنبع الماء الصافي

[موادع]

اشكر مرورك اختي قطر

[دموع الورد]

من أنفاس لا تهدأ .. يبدأ الحديث
وحين يعلم أنه إليك ..
يلبس حلة القصيد .. وصوت النغم

*
*
*
إليك أكتب .. واصابعي ترقص على لوحة المفاتيح
تعلم انها تكتب لك ..

*
*

إليك أكتب ..
فلا تترك القلم يتعذب ...

أعجبتني ابياتك موادع

[كاكا]

أبيات رائعه ..
وكلمات نابعه من القلب ...
دائما مايكون لقلمك عزف منفرد .. وأسطر عذبه ...
تقبلي إطلالتي المتواضعه ..
على روعه اختيارك

[عزوز المدينة]

شـكــ وبارك الله فيك ـــرا لك ... لك مني أجمل تحية .

[موادع]

شاكرا مروركم المميز اخواني دمتم بحفظ الرحمن