معقوله لهالدرجة الجهل يالقناه الاولى

[العيون الساهرة]

السلام عليكم ورحمة الله وبركاته

اليوم جالسة اتفرج على القناه الاولى واذ يتكلمون عن الجوف ومرض الزهايمر فيها وضروره النظر في هالمرض بالهمنطقه هذا طبعا شيء جيد جدا
لكن اللي لفت انتباهي الصوره اللي حطوها للجوف تدرون وش حطوا
حطوا صوره لجوف اليمن ........... على بالهم انها جوفنا :D :D
صراحه ضحكت وبنفس الوقت اتضايقت معقوله قناه السعوديه ما تعرف مناطق المملكه لدرجه اتنزل صوره
لليمن والحديث كان عن جوف السعوديه
ابي اشوف رايكم بهالموضوع :eek: :cool:؟؟؟؟
وياترا سبب الجهل بالمنطقه ايش؟؟؟؟؟ مع العلم اني شاهدت هذي الصوره بعدة منتديات يحطونها ويتكلمون عن الجوف و والاثار و مارد بس طنشت لانها منتديات (عادي يعني ) مع انها منتديات تشجع السياحه بالمملكه !!
بس الصدمه اشوف القناه الاولى بعد تنقل صوره غلط


قولولي هذي جوفنا ولا لا ؟؟!!!
بديت اشك خخخخخخخخخخخخخخخ





http://www.almotamar.net/photo/05-10-22-699766148.jpg


العيون الساهره
عذرا على هذي الصياغه العاميه بس كتبنا على عجاله :cool: :p

[مذهله]

موغريبه يالعيون الساهره
الجوف منطقه مهمشه ماحد داري عنها
غيبي عشر سنين ترجعين تلقينها بنفس الشكل
مع ان المفروض العكس
الجوف تعتبر بوابه بما انها بالشمال اغلب دول الخليج والمناطق الثانيه لما يسافرون للشام يمرون فيها
والقناه الاولى خلها تتعدل اول بعدين تدور الصور الي تعرضها

موضوع بجد حلووو
بس رديت على عجله
تشكري على اهتمامك وحرصك

[مزاجــي]

طرح رائع عادي طبيعي هالشي لانها مو معروووفه انا صار معاي هالشي بالرياض انسالت من وين انت قلت من الجوف ناظرني باستغراب
قلت عسى ماشر قال المنطقه اول مره اسمع فيها والادهى كذلك قال هي بالسعوووديه هههههههههههههههههه تقطعت ضحك قدامه

يعني معقووووله مادرس جغرافيا المملكه ؟؟؟؟؟؟؟؟
المفروض يدرسونهم كل منطقه وبالتفاااصيل بعد لكن مهمشه هالمنطقه حتى اسثمارات مافيها لا ملاهي لامطاعم عالميه حتى اسواق مثل الناس مافي



موضوعك متميز تشكرين عليه
لكن هذا الواقع للاسف :(

موفق بإذن الله ... لك مني أجمل تحية .

[السنافي]

هذا الي يحز في نفوسنا ويصيبنا بالصداع يا العيون الساهرة ونعاني منه يا أبناء المنطقة من زمان وهوأيضاً ما دفعني لكتابة موضوعي المثبت على الرابط التالي :
http://www.d-aljandal.com/vb/showthread.php?t=7077

[لحن الروند]

مووو غريبه ان الجووف تكووون موو محط اهتمام الغير والاعلام
بس يحز بالخاطر انها قناه سعوديه والاولى بعد

كثير لما تقولين انا من الجووف على باله انها جووف اليمن جوف اليمن اشهر من جوفنا
برمضان بمكه ركبنا مع سواق يودينا جده سال اخووي قال انتم من وين قال اخووي الشمال وين حايل ولا تبووك قال لا الجوووف رد بتعجب قال مر على اسم الجووف بس ماعرفته

[كاكا]

والله شئ مخجل صرااحهـ

والقناه الاولى " عليهم طلعاااااات "

[عشقي دومة الجندل]

الله عليك رووووووووووووووووووووووووعه يالعيون اطروحاتك وملاحظتك وهذي بالفعل مي جوفنا جوف اليمن وبكرا تلاقينهم يجبون القريات اللي في سلطنة عمان مو قرياتنا وهكذا مثل ماقالت مذهله

((مع ان المفروض العكس
الجوف تعتبر بوابه بما انها بالشمال اغلب دول الخليج والمناطق الثانيه لما يسافرون للشام يمرون فيها
والقناه الاولى خلها تتعدل اول بعدين تدور الصور الي تعرضها

موضوع بجد حلووو
بس رديت على عجله
تشكري على اهتمامك وحرصك))


ماادري ليش هااللامبالاه وعدم الاهتمام في منطقتنا يسلمووووووووووووووووووووووووووو العيون طرح راااااااااااااقي بقووووووووووووووووه وملاحظه قويه وفي محلها منك ياغلاهم

[العيون الساهرة]

فعلا فعلا اختي مذهله منطقه الجوف دائما مكانك سر
شاكرة مشاركتك وتفاعلك دمت بخير

[العيون الساهرة]

يعني معقووووله مادرس جغرافيا المملكه ؟؟؟؟؟؟؟؟هذي المصيبه انهم يدرسون المناطق :( بس على الفاضي !!!!!!!!!! هذا اذا ماحذفه الاستاذ حتى يسهل الاختبار عليهم :mad: :confused:

على فكره بقهرك اكثر بعض الاجانب يعرفون المنطقه اكثر من اهلها وانا صادفت كم دكتوره من مصر والسودان كان عندهن معلومات طيبه عن الجوف
لانهم يدرسون الجوف وكانن يسألن البنات عن منطقتنا بس لا مجيب اقصد حتى اغلب اهل الديره يجهلون تاريخ المنطقه بلا فخر :cool:


اقتراح لماذا لا يكون هناك نشاط للمسئولين عن الاثار كجوله في الجامعات والحديث عن المنطقه عن طريق الشبكات مثلا :cool:


اسعدتني مشاركتك

[العيون الساهرة]

حياك الله مشرفنا السنافي وجودك اسعدني جدا
موضوعك مميز وقيم وانا مع جميع الاسباب اللتي ذكرت وأأكد ان سبب العقبه الحقيقيه في تطورنا ( البلدية ) والحكومه
ومن هنا رساله لجميع المسؤلين على رأسهم
صاحب السمو الملكي الأمير فهد بن بدر بن عبدالعزيزأمير منطقة الجوف فقد استبشرنا خير بقدومك لتنهض بمنطقتنا وتحييها
وكذلك ظننا

كما انها رساله للمواطنين للسعي لتطوير المنطقه والتوقف عن تدمير الاماكن العامه وتخريب الاثار
وتذكروا ان

كلكم راعي وكلكم مسئول عن رعيته

[العيون الساهرة]

قطر الندى اضافتك تأكيد هام للموضوع شاكرة مشاركتك وتفاعلك

[العيون الساهرة]

والله شئ مخجل صرااحهـ

والقناه الاولى " عليهم طلعاااااات "


فعلا شيء مخجل خاصه قدام اليمنيين قمه الاحراج وش يقولون وهم يشوفون السعوديين

حاطين صوره لليمن ويتكلمون عن السعوديه :confused::rolleyes:

[العيون الساهرة]

عشقي دومة وجودك يهمني
ويسعدني حقيقه شاكره تواجدك العذب والعاطر :)

[دموع الورد]

لاتعليق :confused::confused::confused:

[العيون الساهرة]

لاتعليق :confused::confused::confused:


!!!!!!!!!!!!!!!!!!!!!!!!!!!!!!

:confused::confused::confused: شكرا لمرورك بدون تعليق ;)