ابيك تكون .. وسط العزى بابتسامه

[لحن الروند]

بعد موتي ...
ابيك تكون .. وسط العزى بابتسامه
ماابيك تهل الدمع بغيابي
ولاابيك تقول راح الغالي ..
لوكنت غالي ..!!

ابيك تقول راح ومابقى له غير الدعاء
ابيك تكمل ايامك
ابيك تذكرني بافراحك

وانتبه ..

لاتنزل دموع من عينك
ابي خدك من صفى روحك
مفتّحـ ..!

ابيك بينهم لاخذوني
وسط قبري ودفنوني
ابيك تكون موجود ..
لاخر لحظة .. من ايامي ..

ابيكـ
تجمع رمال بيدينك وتسكبها على قبري ..
ومن قلبكـ تودّعني

ابيكـ
لابدو علي صلاتي .. تذكر ربكـ
ثم تقول ..

ياربي هذا غالي .. لاتحرمني من جمعة وياه بجناتكـ ..!!!!

ابيك تلم يدينك وتمسح بباطن كفوفك .. خدودك ..
ابيك تكون آخر من يروح عن قبري ..
ومابي اوصيك لاراحوا
اصرخ باعلى صوتك
ياربي والله غالي .. كيف بتحمل فراقه
ياربي ..ارفق به .. وثبته في سؤالهـ !


ولاوصيك ..
لابدت ايام العزى
توقف على بابي
وتستقبل اخواني
وتخبرهم ..
كيف اهواك وتهواني
وقولهم قصتي وياك
بس تكفى لاتخبرهم باقي اسراري .!!

وان انتهت بثالث ايامها .. خذ شماغكـ ولفهـ بين احظانكـ
واذكرني يوم كنت تلفني به .. لابردت ..
وتنفخ بيديني لجل تدفي .. احاسيسي .. بهمساتكـ ..!

واياك تنسى ..
وتمسح رقم جوالي ..
خله محفوظ ..
ولاحسيت بالضيقة
ارسلـي اخر اخبارك
تطمن بتوصلني

ولاتضيق حتى لو ماجاك ردي ..!


وان يوم ضاقت بك الدنيا ومافيها


تذكر اني بقبري لحالي ...
وتعال لملم باقي شتاتكـ على رمالي

اجلس تربعـ


وعطني باقي مرسالك لو تبي تبكي ابكي انا اليوم ماني قبالك
خبرني وش صار بدنيتك بعدي .. وكيف هم معكـ عقبي ..
وهو قلبك ذكرني ..؟ ولانساه طول بعدي ..!

ابكي
اصرخ
نادي
ادعي

سوي اللي تبي
تطمن انا اسمعكـ ولحكيك منتبه
ولو مارديت
اعذرني
انت تعرف اسباب صمتي وسكاتي ..!

المهم
خلك معي .. وكل ليله زورني
و لاتنسى .. تجمع باقي اوراقي

ومابي اذكركـ
تدعي ربك كل يومـ .. وتذكرني بخير ..
وتنسى كل خصام مني

وماتذكر الا فرحتي
وكيف اني بدنيتي ..عطيتك قلبي ودموعي وفرحتي ..

هاذي وصيتي ..
لامـــت
افتحها واقراها وارجع ثاني اطويها

وخبيها بمخباتكـ

بعد ماتحفظ كل مافيها ...!!!!!!!!!

[ابو طارق]

كلمات جميله ورائعه وتقطع القلب

بس اقول

اذا نفذ الوصيه هذي

ولاوصيك ..
لابدت ايام العزى
توقف على بابي
وتستقبل اخواني
وتخبرهم ..
كيف اهواك وتهواني
وقولهم قصتي وياك
بس تكفى لاتخبرهم باقي اسراري .!!

يبي يدفنونه بالبر ويروح فيها

انتي ناويه تنكبينه

والف شكر لك

[موادع]

طرحت الحب في قلبك
وذاك الصدق في وصلك
بها الدنيا ..... غرام الكون من اجلك
دخيلك ذكر العالم
بلحظات مضت واياك
وعمر كان من فضلك
احبك حس في روحي
و عند الموت دخيلك .......... بس كفني وودعني بدعوه صادقه
عسى ربي هناك بدار احبابه يجمعنا


لا حرمتي من غوآليك يآلغلآ
طرحك أثآر أعجآبي بشده
احترااامي

[لحن الروند]

حيااكم ربي
مرووركم زاد متصفحي اشراقا

[كاكا]

ابداااااااااااااااااااااااااااع

صح لسان قايلها ولاهنت
مميزه
وكلماتها لامست مشااعري
اشكرك قطرالندى لهالانتقاء المميز
ولذائقتك الراائعه

[ابو تركي]

يعطبك العافية اختي قطر الندى

سلمت يمينك ودمتي رائعة بالطرح المميز

[لحن الروند]

شااكره لكم مرووركم الرااائع كالعااده

[دموع الورد]

ماننحرم من ابداعاتك يالغلا

[لحن الروند]

فديتك دمووعه تسلمين عالمروور الحلووو

[دلوع امه]

طرحت الحب في قلبك
وذاك الصدق في وصلك
بها الدنيا ..... غرام الكون من اجلك
دخيلك ذكر العالم
بلحظات مضت واياك
وعمر كان من فضلك
احبك حس في روحي
و عند الموت دخيلك .......... بس كفني وودعني بدعوه صادقه
عسى ربي هناك بدار احبابه يجمعنا



لا حرمتي من غوآليك يآلغلآ
طرحك أثآر أعجآبي بشده
احترااامي

[لحن الروند]

حياااك يسلموووو عالمرووور