براءة الأطفال اصبحت نادرة الوجود !!

[دموع الورد]

كيف الحاال ان شاااء الله بخيـــــــر !!

ندخل في الموضوووع :

تذكروا أيااام زماان لما كنا صغار كنا نحب نلعب ولو نتزاعل نتزاعل عشاان لعبـــــة
ونتسامح بحلاوة ونحب الشقااوة وكلامنـــــا كله برائــــــــــــــــــــة ..
بس اش اللي صاير الحين ..
بالنسبــــــة لي ماعاد فيه أطفال الامن رحم ربي !!
وين اللعب وين الطفوولة ..
ايش صاروا يتكلموا فيه ... وايش يلعبوون...وكيف اسلووبهم ؟؟

أنا مرة شفت بنوته صغيروونه تزنن أمها تقوولهــا تعالي .. ردت عليها انقلعـي ماأحبـك
طفلة تقووول هالكلاااام!!
كلامهم صاار أكبر منهم

وألاحـــــظ انهم يحبوون يجلسوون مع الكبـــــاار ..

ماصاروا يحبوون أفلاام الكرتوون ..
أطفال يتابعوون مسلسلاات وأفلااام >> يرحم زمــــاان أول


المشكلـــة إن أهاليهم سايبينهم يسوون إلي يبوون ومايدروون ان هالأشيــــاء

راح تخربهم مستقبــــلا ..لأن طفل ويكوون متفتح من صغره مصيبــــــة !!
أحس ان مالهم ذنب الدنيــــــا صارت غيـــــر .. والناس هم السبب

بيدهم يصلحوونها بس نكلم ميين ؟؟؟
حراام ان البراءة تنهدم وهم لسى صغااااااار ..


نناقش مع بعض بالأسئله !
س/ من المسئوول ع اللي يصيـــر في هالبراءه ؟
س/ايش الفرق بين أطفال أول والحين بالنسبة لك؟
س/ نصيحـــــة .. وتوجههـا لمين؟

**
اتمنى الرد ع الأسئله & المناقشه !

[انسان هادئ]

ربي يعافيك ع الموضوع الرائع وكذلك المفيد
فعلا الاطفال في زمنا هذا غير مو مثلنا تماما
تغير الحال الى اسوا
.. انا بقول شئ ممكن مضحك او ممكن محزن
انا مره كنت في احدى المجمعات بالشرقيه
شفت ولد صغير طاق الكوبرا صغير مره ومعه ولد اصغير منه ماسكه بيده
يتمشون بالمجمع والله يغازل . قلت خلني امشي وراه << دخل مزاجي . يروح جنب البنت ويطلع الجوال
ويسولف ع البنت وهو ماسك الجوال كنه يكلم .< والله ضحكني حركات الكبير ما يسويها << وش ترك للي قبله ذا ..؟
فعلا الزمن هذا بعض اغلب الاطفال فقدوا الطفوله . الحين الطفل معاه جوال . لابتوب . 24 طالع من البيت ماكو رقابه من الاهل ... انا احيانا اروح ادخل موقع القيمزر العب اتفاجئ لما العب واسئل اللي العب معه كم عمرك اتفاجئ يقول 12 سنه والي 13 سنه .
انا والله جالس بجنب صديقي وهو يلعب قيمزر والله تعرف ع واحد عمره 9 سنوات ولا بعد يعرض بالكام ولما يسولف تحس اللي يسولف معاك رجل عمره بالعشرينات عاد قلنا مستحيل اهو اللي يكتب او يسولف في احد بجنبه والله لما فتح الكام وشفناه وهو يكتب ما صدقنا معقوله ذا الصغير يسوي هالاشياء هذي .
وكذلك شفت مقطع محزن ومخزي والعياذ بالله لطفل وطفله خلف الجدار سعوديين < مدري وش يسوون عاد افهموها ..
يعني الان الاطفال في هذا الزمن اصبحوا يشكلون خطرا ع حياتهم سبب ماذا سبب عدم الاهتمام يتركونهم يشاهدون الافلام المرعبه والمسلسلات الماصخه والافلام الكرتونيه المقاتله والخ . .. .
1-من المسئوول ع اللي يصيـــر في هالبراءه ؟
الوالدين اهم المسئولين عن هذا التصرف لان ماكو اهتمام فيهم ولا رقابه .
2-ايش الفرق بين أطفال أول والحين بالنسبة لك؟
اول معروف كنا محرومين من اشياء لكن كانت الحياة حلوه . ماكو جولات ولا لابتوبات ولا شئ بالرغم من ذلك الحياة ماكو احلى منها .
اما الحين لا كل شئ متوفر وهذا اللي ضيعهم . جوال , لابتوب < صغير ومعاه لابتوب , مسلسلات ماصخه , افلام مرعبه , الخ ..!
3-نصيحـــــة .. وتوجههـا لمين؟
انا اوجه نصيحه الى والديهم بان ينتبهو لهم ويحاولون يمنوعوهم من الاشياء المؤديه الى الهلاك .. وما يوفرو لهم اشياء مثل لابتوب وجوال ومدري شنو .. شوي شوي خطوه خطوه حتى لا يفقدوهم نهائيا ..
.................................................. .................................................. ........................................
اشكرك اخت دموع ع هذا الموضوع الرائع والمستحق المناقشه فيه وتشرفت بوضع قلمي ع صفحتك. ونتطلع دائما لخدمتكم ودمتي سالمه .. محبك / انسان هادئ .

[مزاجــي]

صحيح نادرآ ماتلاقينهآ زمان اول ولى وراح الحين الاجيال اختلفت والحين كل شي متوفر والحمد لله
وعلى فكره الدلع يخرب الطفل اذا كلش يبيه تجيبه لو مشكله حاول انك تقدر تمنعه بايات وسيله وعلى قولتك حتى تفكيرهم متغير والله مشكله
لكن الله يصلحهم


س/ من المسئوول ع اللي يصيـــر في هالبراءه ؟

تربية الاهل تسوي انطباع


س/ايش الفرق بين أطفال أول والحين بالنسبة لك؟

فررررق كبير يعني مثل مالاحظ على اخواني وانا يوم كنت بسنهم يعني فررق

س/ نصيحـــــة .. وتوجههـا لمين؟
اقول للاهل يعني ينتبهون لتصرفاتهم اذا غلطوا بشي يصححونها ويتجنبون الظرب لان كل ماظربت كل مازاد عناده يعني افضل طريقه للتربية من وجهة نظري الحرمان يعني من الطلعات للسوق يعني من هذا القبيل
ا

اهنيك على الطرح المفيد صراحه موضوع مميز
سلمت يداكـ لاعدمنآكـ
تحياتي

[ابو طارق]

والله لو تشوفون طلاب اول ابتدائي وش تقولون فيهم اطفال ينخااااف منهم بتصرفاتهم

واما بالنسبه للمناقشه

س/ من المسئوول ع اللي يصيـــر في هالبراءه ؟

والله المسؤول الاول هم الاهل اللذين يشاهدون القنوات الفضائيه دون الانتباه لمن يشاهدونه معهم ويقولون اذا مرو بمنظر غير اخلاقي

هذا طفل والله ماهو عارف وش السلفه

ما درو ان الطفل بمثابه المسجل يسجل اي شي يشاهده او يسمعه ويقوم بجمعه ثم تتصور لديه الفكره الكامله


س/ايش الفرق بين أطفال أول والحين بالنسبة لك؟
اول كنا نجهل الكثير ومن الصعب ان نستطيع ان نجد لما يدور في رؤوسنا اي جواب

الان الطفل اللذي عمره 7سنوات لديه مالم نستطيع معرفته الا بعد 18 سنه من عمرنا

والاسباب القنوات الفضائيه والانترنت والجوالات الكاميرة


س/ نصيحـــــة .. وتوجههـا لمين؟

اوجهها لاولياء الامور لا تترك الحبل على الغارب

ولا تعتبر ابناءك صغار واستح منهم قبل هم ما يفصخون الحياء معك

والمثل يقول

عرب وليدك عربه والنار من مقباسها



واشكرك على الموضوع القيم والمهم

[كن مثلي]

س/ من المسئوول ع اللي يصيـــر في هالبراءه ؟
المسؤل الاول هو الاعلام العربي والمسؤل الثاني المدرسه المسؤل الثالث الوالدين
الاعلام احدث فوضى في عالم تلقين الطفل المبادى اغلب قنوات المخصصه للاطفال
مخزيه لاتختلف عن مسلسل غرامي او مرعب او كومدي اعلانات مصخره اغاني هابطه للاطفال
وللكبار مهما حاولو انهم يرتقون بالطفل تجدهم هابطين بمستوى الطفل اكثر من ذي قبل

المدرسه وماادراك مالمدرسه في بعض العوايل شديدت الحرص على ابنائها وختلاطهم بالاطفال الاخرين يعد قليل تجد اغلب اختلاطهم من نفس العائله ولد عم او ولد خال لا اكثر تجده بريئ جدا حتى المشاغبات نادر مايعملها حتى لو له بعالم النت او بيده الجوال تلاقيي راقبه من الاهل وتعب يشكرون عليه
حاصرينه في دائره قريبه من عمره مايطلع منها
بس يخش عالم المدرسه الطباعه الطيبه كلهااااااا الي كانت فيه تخرب على الاخر بس لمدة شهر كفيله بتغير سلوكه واطباعه
وحصلت مع اقرباء لي سلوك اطفالهم تغير من اول شهر لهم بالمدرسه وصارو يعرفون اشياء ماكانو يعرفوها بالاول الحين خبره مابعدها خبره من معلم خبير
وتعب ست سنين من الوالدين في تهذيب طفلهم راحت في شهر الطفل يرجع من المدرسه ويلقن اخو اللي بعمر اربع سنوات حتى الالعاب الي كان يختارها تغيرت نظرته لها صار يختار العاب فيها اثاره اكثر ليه علشان صاحبه بالمدرسه يملك مثلها ويقول انها افضل الالعاب للسنه هذي والده غيرمكان دراسته بعد ماسال عن المدرسه واحوالها لكن هيهاات
امه تصرخ وتقول ابني ماكان كذا يالتني مادرسته والحين مايقدرون يغيرون اسلوبه بيوم ولليله يبقى لهم اشهر وسنين علشان يهذبون طفلهم الله يكون بعونهم
الاهل او الوالدين بعض الاهل تجدهم مهملين اطفل يخرج بالشارع مايرجع الا اخر المغرب مافي رقابه على التلفاز مافي رقابه على استخدامه للنت مافي رقابه بالجوال حتى دروسه مهملينها وان درسوه اهملونسو اهم حاجه تحبيبه للماده نفسها اهمال بتوجيه باختيار الالعاب اهمال بمتابعت سلوكه اثناء اللعب البلستيشن او شبيه لها اهمال في تنميه هوايه توجد لدى الطفل
اهمال حتى بمواعد نومه كل هذا ينعكس سلبا على الطفل
س/ايش الفرق بين أطفال أول والحين بالنسبة لك؟
في فرق شاسع الاطفال الامس كانو منغلقين من ناحية الامور الزواج والموت وحتى كالحقوق طفولتهم مايعرفو عنه شي وحتى النوم ينومون بدري الان صارو منفتحين اكثر يعرفون اشياء يعرفها الكبير عنادهم واصرارهم على اثبات انفسهم واعين بما يدور حوليهم يعرفون حقوقهم كالطفال ويطالبون فيها يعرفون يردون بكل ثقه حتى في امور ماتخصهم وسهر للصباح ووجوه شاحبه والله يستر على الجيل اللي بعدهم



س/ نصيحـــــة .. وتوجههـا لمين؟
الاعلام اتقو الله في ابنائنا اختيار مايناسب فلذات اكبدنا تعسا للتطور في انحلال اخلاق اطفالنا
المدرسه المفروض لو وجد طفل في المرحله الابتدائيه سلوكه اكبر منه
يعمله جلسات وتقويم نفسي و اعلام ولي امرهواطلاعه على سلوك ابنه وتاثيره على باقي الطلاب
توضع له خطط تترسخ فيه لانه سهل تكوينه بالافتره هذي
الوالدين طبعا الطفل لما انا ياامه ياابوه اشوف طفلي عقليته عقليه كبيره وساجذجه
المفروض اني اوجه والقي من حياته نت وجوال و تلفاز
اسجله في دورات عصريه بعد المدرسه
مثل تحفيظ القران
تعلم لغه
تعلم فروسيه
تعلم سباحه
في مجالات كثيره اقدر اكرسها للطفلي
وبكذا كل افكاره تتجه للصوب اخرتتجه في صوب التعليم وتلقي المهارات
التي تعم على الطفل والمجتمع بالف فائده

واخيرا كل الشكر للطرحك الذي هو اكثر من رائع
نتظر جديدك غاليتي

[دموع الورد]

اسعدني تفاعلكم

[لحن الروند]

في فرق بين زمان والوقت الحاااضر
حتى لو كانوا هيك الاطفال لكن مالهم ذنب هم
الذنب على الوالدين اللي خلوا الاعلااام يغير كل شيء باطفالهم

يعني لما انتشرت نوور ولميس والله مررا دخلت بيت عمي ولقيت بنات بناته وبنات ولده وبنته الصغيره
اكبرهم سبع سنوات كلهم جالسصين يناظروون سنوات الضيااع مندمجين وبقووووه
تركتهم ورحت للبنات وبعدها سمعنا صرااااخ عندهم جت بنت عمي عمرها سبع سنوات تقووول قبلها قبلها قبلها
شيء موو طبيعي الله يستر عليهم من هالزمن

وغير هيك اول اللي يربي شيء واحد
الوالدين يربووون اذا ماربوا المدرسه تربي
لكن الحين البيت والشااارع والمدرسه والتي في والخدامه الكل يشترك ويحشي بالطفل

[دموع الورد]

كل الاحترا م لكي لحووونه