قصيده غزلــية طريفة [الأرشيف] - منتديات دومة الجندل

مشاهدة النسخة كاملة : قصيده غزلــية طريفة

الشاعر/صالح الحرصان

07-09-2010, 07:56 AM

السلام عليكم ورحمة الله وبركاته
اقدم لكم قصيدتي واتمنى ان تحوز على اعجابــكم
___________________________

الزين والله بالبنات المزايين
ماهو بزين البل ياهل التجاره

ياللي عشان البل تدفع ملايين
الزين ماهو في وصوف الهداره

الزين زين العنق والخد والعين
والزين ساير بالعذارى مساره

الوجه كنه زهرتن بالبساتين
ابيض ولاكن فيه حمر الوقاره

تخطف بنظرتها قلوب المحبين
والرمش الاكـحل لاعطاك الاشاره

في جسمها تاتيك كل القوانين
متوازن الكتفين والاستداره

في مشيها تاخذ شموخ السلاطين
كنها امير(ن) سايرن للاماره

اليا حكت تنطق بهمس الشفاتين
مبتسمة(ن) كنها تسوق البشاره

ماهي من اللي هاويات الدكاكين
ممزوجة(ن) مابين زين وشطاره

خسران ياللي هايمن بالبعارين
البل ماتملك عوامل اثاره

ياناس شوف البل يجلب طواعين
ماهو بشوف اللي شبيه المناره

حب العذارى ماشين بالشرايين
لاشفتهن قلبك يدق بجداره

تستاهل النسوان كل الملايين
المهر فيهن مايجيب الخساره

واختامها كلمه ولاتقبل اثنين
الزين يكمن بالعذارى مساره

كاكا

07-09-2010, 08:43 AM

ابيات في منتهى العذوبه
يدل على احساسك وجمال مايكنه قلبك
رااق لي جداا ما وضعته بين ايدينا

شاعر مميز ومبدع ~

الباب

07-09-2010, 10:23 AM

صح لسانك وسلم بنانك على القصيدة الرائعة :d

الشاعر/صالح الحرصان

07-09-2010, 06:53 PM

صــــــــــــــــح كـــــــــلكم

ABO RAKAN

10-15-2010, 05:12 AM

ابدعت ياعزيزي
لاشللت يداك ولك كل الاحترام

ماضي وانتهى

10-15-2010, 07:56 AM

قصيده جميله وزنا وقافيه ولكن فيها من الكسور

وياليت تبين لنا معنى وصوف الهداره

عشقي ملاك

10-15-2010, 12:13 PM

ابيات في منتهى العذوبه
يدل على احساسك وجمال مايكنه قلبك
رااق لي جداا ما وضعته بين ايدينا

شاعر مميز ومبدع ~

ابو طارق

10-15-2010, 12:39 PM

يعطيك الف عافيه

وصح لسان الشاعر

والله يقويك

ابو تركي

10-24-2010, 08:22 AM

ابدعت اخي صالح

لا عدمانك اخوي وبإنتظار جديدك

دمت متميزاً

عطرها بكفوفي

07-22-2011, 03:09 AM

يعطيك العااااااااافيه