احساس الغرام
09-24-2010, 01:33 AM
تحيـــة الى جميــع العيــارين والمقلعين والى عموم المنسمين في ارجاء المعمورة من نفود الصيــن شرقاً الى عماير امريكـا غرباً اما بعد : فمنذ ان دعست برجلي ارض هذا الصرح الحضاري العملاق أخذت عهداً على نفسي بأن اكون ابناً لكبيركم واباً لصغيركم يؤلمني مايؤلمكم ويسرني مايسركم << احد بايعه الحكم
ترى كل المقدمه المطرزة هذي عشان مالقى مشاركتي هذي بكره بالماصله << صريح
الزبـــده يالسامعــين << هم يقرونك يالخبل حبيت ان اروي لكم قصة حقيقية من بنات افكاري الله يستر عليهن وعلى كل بنات افكار المسلمين ان شاءالله وهي عبارة عن ثلاثه نفر روه بر بعدين مشكل << انقلب هندي قصدي ثُله من الشباب السعودي الطموح ارادوا ان يرفهوا عن انفسهم فقاموا بالذهاب في نزهــة بريــّة << تكفى اسكت
شخصيــات المسلسل :
الــرواي ( انا يامحاتسيكم ) شاب سعودي << طلع الهويه عشان نتأكد اجتزت الثانوية العامه بنجاح منقطع النظير بتقدير مقبول مع مرتبة الشرف وبصراحة مبدأي بالحياة انه اهم شي الاخلاق بغض النظر عن الدرجات ومنذ ذلك اليوم بحثت عن مأوى يضفني وماخليت جامعة او كلية ماقدمتها عليه حتى انهم حفظوا اسمي من كثر مراجعتي لهم وفي كل مرة اسمع هالكلمة ( خل اوراقك هنا واذا صار شي اتصلنا عليك ) قلت طيب يابو الشباب الاوراق مهيب مشكله بس الملف العلاقي ابيه حلا هو كل شوي شاري ملف ( اكثر الجامعات تلقى اول شرط من شروط القبول ملف علاقي لا ولازم يكون اخضر عشان الوطنية ) بعدما يأست واقتنعت انه مايبون خدماتي اتجهت للعمل الحر وعملت كــ ( بياع خضره ) صحيح الراتب مايكفي اسدد فيه فاتورة الجوال بس الحمد لله مستورة
ســــداح : شاب في مقتبل العمر يقضي اغلب وقته بالدوران في الشوارع حتى انه حفظ كم عدد البلكات في رصيف كل شارع مؤهله الدراسي اول متوسط عقدته الانقليزي فعلاقته بهذه اللغة كعلاقة جدتي بستار اكاديمي << امحق تشبيه ويذكر في مرة سأله مدرس الانجليزي واتز يور نيم رد عليه سداح قائلاً : شف ترى حركاتك ذي فاهمينها وكانك رجال كلمني بالعربي مهوب تقعد تسب تحسب اني ماعرف ابرز مايميزه النرجسيه .. يحسب انه فاهم كل شي بالحياة وهو بصراحة ماعنده ماعند جدتي
حـســـام : من اسمه تعرف انه هادىء الطبع دافــور بالدراسة الكتاب مايطيح من يده طموحه ان يصبح طبيب وهو الوحيد تقريباً في منطقة نجد اللي ماشاف البر على الطبيعة فهو لايخرج من المنزل الا نادراً الله يخليه لاهله ويوفقه يارب
ضيوف الشرف : الرجل الملثم ,,, السوداني راعي الغنم ,,, الرجل الاجودي ( شخصيات سترونها لاحقاً )
المخرج : يوسف شاهين << مايعرف الا هو
تابعـــونا بعد الـفـــــــاصل
لا تصدقون قال فاصل قال
خططنا نحن الثلاثة اللي هم انا وسداح وحسام ان نطلع للبر ونوسع صدورنا شوي في البداية حسام كان معارض بس سداح كرشه وقال متى تصير رجال وتماشي الرجاجيل 24 ساعه مذاكرة ماتمل انت ؟؟ وبعد الحاح الجميع وافق حسام انه يروح معنا مع تعهده بتحمل جميع نفقات الرحله مادامه ولد نعمه ... وسيلة النقل عبارة عن سيارة سداح وهي ددسن موديل 84 يتميز عن غيره انك ماتقدر تفتح الباب الا من برا ... المهم حمّلنا الاغراض ومشينا كانت وجهتنا الصمــان الله لايعوق بشر
كنت انا السواق وجنبي سداح اما حسام ذابينه ورا الين يصير رجال << حاقد عليه كان يسألنا حسام : طيب مامعكم كروكي للموقع رد عليه سداح : احد قايلك رايحين لقصر أفراح هذا بر يالخبل الشرهه مهيب عليك على اللي خلاك تخاوينا انت ونظارتك ذي حسام ضاعت علومه وانكتم بعد هذا الرد المقتضب من سداح المهم ركد سداح وشغل المسجل على بشير شنان وعيسى الاحسائي .. حسام مهوب معجبه الوضع يبي يسمع جواد العلي
المهم مشينا مع طريق الصمــان لين ماوصلنا الى طريق فرعي على اليمين قلت : ياسداح وين نروح الحين قال : رح مع ذا ( الطريق الفرعي ) قلت اخاف مهوب طريقنا قال رح معه ولا يكثر انا ابخص منك والكلمه كلمتي قلت ابشر << خاف
مشينا مع هالطريق الين جت لوحة مكتوب عليها نهاية الطريق بعدها طبينا الطريق الصحراوي وبعد 4 كيلو مادريت الا يد سداح فوق راسي وهو يقول اييييه بس هذا المكان اللي ابيه وقف وقف عندك << جاحد خوياه وقفت ونزلنا كلنا ونزلنا الاغراض وسوينا خيمتنا كل هذا الشغل علي بتوجيهات من القائد سداح اما حسام كلما قلت له سو كذا قال ماعرف يوم جاء الليل اخذ سداح العود اللي معه قام يعزف هو وصوته مدري من لاعب عليه وقايله صوتك حلو قلت : سداح مادامك فنان واحساسك مرهف اكيد مريت بقصة حب مادريت الا وذاك الكف قلت خير ان شاءالله عسى ماغلطت قال : لا بس انت هيضت الجروح اثر الرجال هواوي مادريت هالمملوح ذا يعرف يحب المهم قص لي قصة حبه مع بنت الجيران منيرة سألته طيب وش كثر تحبها قال : والله اني احبها اكثر من حبي لحلاو ابو بقرة << امحق رومنسية بس اللي ياخذ ولد عمها اللي حطم مستقبلي وأخذها من يدي ( تكفى يامستقبلك عاد ) شوي ويهل العبرات بس انا غيرت السالفة وش يسكته اذا صاح مدري هالشخص ماتعرف لردة فعله ابد
المهم راحت هاليومين وقضيناها بانواع الوناسة ويوم طلعت الشمس عزمنا على الرحيل << وش عشيتوه شلنا العفش يوم جيت اسوق الا سداح يعطيني ركبه قال : ابعلمك الحين وش اصول السواقه الحين اركب يالله انت وهالاطخم اللي معك ( قصده حسام ) وخذ تنطيل وعقد يابن الحلال ماحولك جمهور وشو له متحمس مدري المهم مادرينا الا السيارة تلف يمين ويسار ومن الدوخه مدري وش صار وقف سداح ونزل ورجع لنا يقول : شباب ترانا بنشرنا والمشكله مامعي اسبير قلت : منتب صاحي احد يمشي بدون اسبير قال : انا وشدراني كل مشاويري بالديرة واذا بنشرت اصفط لاقرب ورشه .. المهم توهقنا ماندري وش نسوي .. حسام قعد يولول ويصيح علينا يبي ابوه وامه رد عليه سداح : والله ان ماسكت لابرمك واخليك بدل الكفر اللي مبنشر اقل شي نستفيد منك وبينما نحن كذلك قلت : شباب خلونا نفكر وش الحل قال سداح ننتظر يمكن احد يمر ويساعدنا .. انتظرنا ساعتين بعز الحر وشفنا جيب مقبل علينا يوم قرب طبينا عليه ثم وقف ركبنا معه وبدا سداح يمدح بالرجال ويقول الدنيا بخير مادام مثلك وشرواك فيها اجودي وتحب الخير للناس .. انا كنت شاك بالرجال متلطم وساكت ولا تكلم بحرف واحد ... بعد شوي وقف الرجال سيارته فجأة قال : الزبده وش تبون وش اللي جابكم هنا رد سداح : حنا متعطلين ونبيك تودينا للرياض طال عمرك انت كريم وحنا نستاهل قال : هاه وش تقول اجل تبوني اوديكم للرياض وهو يطلع المسدس من جيبه ويحطه براس سداح شف انت وياه طلع كل اللي معك واللي يبي ينطق يكون آخر يوم بحياته انا لاشعوريا حطيت كل اللي معي مبلغ وقدره خمسين ريال .. حسام طلع اللي معه حتى الكلينكس اما سداح مسوي نفسه مهوب خايف قال : وش تبي تسوي فيني ان ماطلعت اللي معي رد عليه الرجال : شفت راسك اطيره واخليه لحمك تاكله الكلاب طلع اللي معك لأنهيك الحين طلع سداح العشرة ريال اللي معه وهو يتراجف عقب ما اخذ فلوسنا نزلنا من السيارة ولا شفنا الا غبار سيارته
المهم رجعنا ونحن نجر اذيال الهزيمه ونفكر بوضعنا هذا وش نبي نسوي بهالمكان الموحش كل الاكل اللي معنا خلص ماقدامنا الا ان نمشي يمكن يسهل الله مشينا ومشينا بعد فترة شفنا ذاك الراعي ويا غنمه قلنا يمكن هذا يساعدنا ويدلنا الطريق سألناه يازول وين حنا فيه قال : انا زاتي ماعارف انا فين قلنا طيب ماحولنا ديرة قريب قال : لا والله لاكين في محطه قريبه من هنا بعد دزعه كيلو ( تسعه كيلو بالسوداني ) الامر لله مشينا لين تصلبت ركبنا من المشي ولحسن الحظ لقينا هالمحطة اللي يقول فيها مطعم حنا هلكانين من الجوع والعطش بس جيوبنا فاضية مامعنا دراهم قال سداح : مالنا الا نطلب وناكل يمكن الله يسهل ونلقى من يدفع الحساب .. اكلنا والهندي حق المطعم كل شوي جاي يبي حسابه والله المشكله .. اخذنا شوي دخل رجال للمطعم وطبينا عليه اللي يحب راسه واللي يجر يده وهو مذهول وش هذولي قلنا اجلس ونعلمك
يوم جلس شرحنا له كل شي قال : مادام كذا ابشروا بسعدكم بعدما تخلصون من الاكل اركبوا معي انا دربي مثل دربكم ابروح للرياض عند جماعة لي هناك قلنا : الله يبارك فيك ويكثر من امثالك ... ركبنا معه ومشينا لين وصلنا للرياض وحلف علينا انه يوصل كل واحد لبيته
وهكذا عدنــا الى اهلنا سالمين معــافين نتطلع الى المستقبل بأبتسامه مشرقة ولن ننسى ماحدث لنا
ادري اني ضيقت صدوركم بهالحتسي لكن مادامني جديد وبقراطيسي تحملوني وان شاء الله اكون عند حسن ظنكم
قصه من تاليفي مشاركه مسابقة ملكة جمال المنتدى
همتكم ياشباب
ترى كل المقدمه المطرزة هذي عشان مالقى مشاركتي هذي بكره بالماصله << صريح
الزبـــده يالسامعــين << هم يقرونك يالخبل حبيت ان اروي لكم قصة حقيقية من بنات افكاري الله يستر عليهن وعلى كل بنات افكار المسلمين ان شاءالله وهي عبارة عن ثلاثه نفر روه بر بعدين مشكل << انقلب هندي قصدي ثُله من الشباب السعودي الطموح ارادوا ان يرفهوا عن انفسهم فقاموا بالذهاب في نزهــة بريــّة << تكفى اسكت
شخصيــات المسلسل :
الــرواي ( انا يامحاتسيكم ) شاب سعودي << طلع الهويه عشان نتأكد اجتزت الثانوية العامه بنجاح منقطع النظير بتقدير مقبول مع مرتبة الشرف وبصراحة مبدأي بالحياة انه اهم شي الاخلاق بغض النظر عن الدرجات ومنذ ذلك اليوم بحثت عن مأوى يضفني وماخليت جامعة او كلية ماقدمتها عليه حتى انهم حفظوا اسمي من كثر مراجعتي لهم وفي كل مرة اسمع هالكلمة ( خل اوراقك هنا واذا صار شي اتصلنا عليك ) قلت طيب يابو الشباب الاوراق مهيب مشكله بس الملف العلاقي ابيه حلا هو كل شوي شاري ملف ( اكثر الجامعات تلقى اول شرط من شروط القبول ملف علاقي لا ولازم يكون اخضر عشان الوطنية ) بعدما يأست واقتنعت انه مايبون خدماتي اتجهت للعمل الحر وعملت كــ ( بياع خضره ) صحيح الراتب مايكفي اسدد فيه فاتورة الجوال بس الحمد لله مستورة
ســــداح : شاب في مقتبل العمر يقضي اغلب وقته بالدوران في الشوارع حتى انه حفظ كم عدد البلكات في رصيف كل شارع مؤهله الدراسي اول متوسط عقدته الانقليزي فعلاقته بهذه اللغة كعلاقة جدتي بستار اكاديمي << امحق تشبيه ويذكر في مرة سأله مدرس الانجليزي واتز يور نيم رد عليه سداح قائلاً : شف ترى حركاتك ذي فاهمينها وكانك رجال كلمني بالعربي مهوب تقعد تسب تحسب اني ماعرف ابرز مايميزه النرجسيه .. يحسب انه فاهم كل شي بالحياة وهو بصراحة ماعنده ماعند جدتي
حـســـام : من اسمه تعرف انه هادىء الطبع دافــور بالدراسة الكتاب مايطيح من يده طموحه ان يصبح طبيب وهو الوحيد تقريباً في منطقة نجد اللي ماشاف البر على الطبيعة فهو لايخرج من المنزل الا نادراً الله يخليه لاهله ويوفقه يارب
ضيوف الشرف : الرجل الملثم ,,, السوداني راعي الغنم ,,, الرجل الاجودي ( شخصيات سترونها لاحقاً )
المخرج : يوسف شاهين << مايعرف الا هو
تابعـــونا بعد الـفـــــــاصل
لا تصدقون قال فاصل قال
خططنا نحن الثلاثة اللي هم انا وسداح وحسام ان نطلع للبر ونوسع صدورنا شوي في البداية حسام كان معارض بس سداح كرشه وقال متى تصير رجال وتماشي الرجاجيل 24 ساعه مذاكرة ماتمل انت ؟؟ وبعد الحاح الجميع وافق حسام انه يروح معنا مع تعهده بتحمل جميع نفقات الرحله مادامه ولد نعمه ... وسيلة النقل عبارة عن سيارة سداح وهي ددسن موديل 84 يتميز عن غيره انك ماتقدر تفتح الباب الا من برا ... المهم حمّلنا الاغراض ومشينا كانت وجهتنا الصمــان الله لايعوق بشر
كنت انا السواق وجنبي سداح اما حسام ذابينه ورا الين يصير رجال << حاقد عليه كان يسألنا حسام : طيب مامعكم كروكي للموقع رد عليه سداح : احد قايلك رايحين لقصر أفراح هذا بر يالخبل الشرهه مهيب عليك على اللي خلاك تخاوينا انت ونظارتك ذي حسام ضاعت علومه وانكتم بعد هذا الرد المقتضب من سداح المهم ركد سداح وشغل المسجل على بشير شنان وعيسى الاحسائي .. حسام مهوب معجبه الوضع يبي يسمع جواد العلي
المهم مشينا مع طريق الصمــان لين ماوصلنا الى طريق فرعي على اليمين قلت : ياسداح وين نروح الحين قال : رح مع ذا ( الطريق الفرعي ) قلت اخاف مهوب طريقنا قال رح معه ولا يكثر انا ابخص منك والكلمه كلمتي قلت ابشر << خاف
مشينا مع هالطريق الين جت لوحة مكتوب عليها نهاية الطريق بعدها طبينا الطريق الصحراوي وبعد 4 كيلو مادريت الا يد سداح فوق راسي وهو يقول اييييه بس هذا المكان اللي ابيه وقف وقف عندك << جاحد خوياه وقفت ونزلنا كلنا ونزلنا الاغراض وسوينا خيمتنا كل هذا الشغل علي بتوجيهات من القائد سداح اما حسام كلما قلت له سو كذا قال ماعرف يوم جاء الليل اخذ سداح العود اللي معه قام يعزف هو وصوته مدري من لاعب عليه وقايله صوتك حلو قلت : سداح مادامك فنان واحساسك مرهف اكيد مريت بقصة حب مادريت الا وذاك الكف قلت خير ان شاءالله عسى ماغلطت قال : لا بس انت هيضت الجروح اثر الرجال هواوي مادريت هالمملوح ذا يعرف يحب المهم قص لي قصة حبه مع بنت الجيران منيرة سألته طيب وش كثر تحبها قال : والله اني احبها اكثر من حبي لحلاو ابو بقرة << امحق رومنسية بس اللي ياخذ ولد عمها اللي حطم مستقبلي وأخذها من يدي ( تكفى يامستقبلك عاد ) شوي ويهل العبرات بس انا غيرت السالفة وش يسكته اذا صاح مدري هالشخص ماتعرف لردة فعله ابد
المهم راحت هاليومين وقضيناها بانواع الوناسة ويوم طلعت الشمس عزمنا على الرحيل << وش عشيتوه شلنا العفش يوم جيت اسوق الا سداح يعطيني ركبه قال : ابعلمك الحين وش اصول السواقه الحين اركب يالله انت وهالاطخم اللي معك ( قصده حسام ) وخذ تنطيل وعقد يابن الحلال ماحولك جمهور وشو له متحمس مدري المهم مادرينا الا السيارة تلف يمين ويسار ومن الدوخه مدري وش صار وقف سداح ونزل ورجع لنا يقول : شباب ترانا بنشرنا والمشكله مامعي اسبير قلت : منتب صاحي احد يمشي بدون اسبير قال : انا وشدراني كل مشاويري بالديرة واذا بنشرت اصفط لاقرب ورشه .. المهم توهقنا ماندري وش نسوي .. حسام قعد يولول ويصيح علينا يبي ابوه وامه رد عليه سداح : والله ان ماسكت لابرمك واخليك بدل الكفر اللي مبنشر اقل شي نستفيد منك وبينما نحن كذلك قلت : شباب خلونا نفكر وش الحل قال سداح ننتظر يمكن احد يمر ويساعدنا .. انتظرنا ساعتين بعز الحر وشفنا جيب مقبل علينا يوم قرب طبينا عليه ثم وقف ركبنا معه وبدا سداح يمدح بالرجال ويقول الدنيا بخير مادام مثلك وشرواك فيها اجودي وتحب الخير للناس .. انا كنت شاك بالرجال متلطم وساكت ولا تكلم بحرف واحد ... بعد شوي وقف الرجال سيارته فجأة قال : الزبده وش تبون وش اللي جابكم هنا رد سداح : حنا متعطلين ونبيك تودينا للرياض طال عمرك انت كريم وحنا نستاهل قال : هاه وش تقول اجل تبوني اوديكم للرياض وهو يطلع المسدس من جيبه ويحطه براس سداح شف انت وياه طلع كل اللي معك واللي يبي ينطق يكون آخر يوم بحياته انا لاشعوريا حطيت كل اللي معي مبلغ وقدره خمسين ريال .. حسام طلع اللي معه حتى الكلينكس اما سداح مسوي نفسه مهوب خايف قال : وش تبي تسوي فيني ان ماطلعت اللي معي رد عليه الرجال : شفت راسك اطيره واخليه لحمك تاكله الكلاب طلع اللي معك لأنهيك الحين طلع سداح العشرة ريال اللي معه وهو يتراجف عقب ما اخذ فلوسنا نزلنا من السيارة ولا شفنا الا غبار سيارته
المهم رجعنا ونحن نجر اذيال الهزيمه ونفكر بوضعنا هذا وش نبي نسوي بهالمكان الموحش كل الاكل اللي معنا خلص ماقدامنا الا ان نمشي يمكن يسهل الله مشينا ومشينا بعد فترة شفنا ذاك الراعي ويا غنمه قلنا يمكن هذا يساعدنا ويدلنا الطريق سألناه يازول وين حنا فيه قال : انا زاتي ماعارف انا فين قلنا طيب ماحولنا ديرة قريب قال : لا والله لاكين في محطه قريبه من هنا بعد دزعه كيلو ( تسعه كيلو بالسوداني ) الامر لله مشينا لين تصلبت ركبنا من المشي ولحسن الحظ لقينا هالمحطة اللي يقول فيها مطعم حنا هلكانين من الجوع والعطش بس جيوبنا فاضية مامعنا دراهم قال سداح : مالنا الا نطلب وناكل يمكن الله يسهل ونلقى من يدفع الحساب .. اكلنا والهندي حق المطعم كل شوي جاي يبي حسابه والله المشكله .. اخذنا شوي دخل رجال للمطعم وطبينا عليه اللي يحب راسه واللي يجر يده وهو مذهول وش هذولي قلنا اجلس ونعلمك
يوم جلس شرحنا له كل شي قال : مادام كذا ابشروا بسعدكم بعدما تخلصون من الاكل اركبوا معي انا دربي مثل دربكم ابروح للرياض عند جماعة لي هناك قلنا : الله يبارك فيك ويكثر من امثالك ... ركبنا معه ومشينا لين وصلنا للرياض وحلف علينا انه يوصل كل واحد لبيته
وهكذا عدنــا الى اهلنا سالمين معــافين نتطلع الى المستقبل بأبتسامه مشرقة ولن ننسى ماحدث لنا
ادري اني ضيقت صدوركم بهالحتسي لكن مادامني جديد وبقراطيسي تحملوني وان شاء الله اكون عند حسن ظنكم
قصه من تاليفي مشاركه مسابقة ملكة جمال المنتدى
همتكم ياشباب