المساعد الشخصي الرقمي

مشاهدة النسخة كاملة : لـعيون ابو مــعب على الحق جيناك ,, لبيـك ياحد الجنوبات لبيك


الشاعر/صالح الحرصان
10-04-2010, 11:39 AM
السلام عليكم ورحمة الله وبركاته,,,
.
اقدم لكم هذه القصيده بـالوطن اللتي القيتها في احتفال جامعة الجوف باليوم الوطني
واتمنى ان تحوز على استحسانكم,,؛
؛



يــاموطني كل عــام والروح تفداك
________ تفــداك روح(ن) دايم(ن) تحتمي فيك

اليـوم هذا تـــذكـر الناس ذكـــراك
_________ ذكـــراك للي يفتخر في طواريـــــك

بقيـــادة اللي للصعيبات فكـــاك
_________ فكـــاك جيش اللي عجــز لايــعديـك

ياخادم البيتين ماخاب مســـــــعاك
______ ياللـــي تسدد للمراجــــل مســــاعيك

نــقطع وتين اللي على الذل يبغاك
__________ يادارنــــأ حنا جنــــودك ونبغيــــــك

لعيون ابو متعب على الحق جيناك
____________ لبيـــك ياحد الجنوبات لبيـــــــــــك

آمـــر يابو متعب ترانا فداياك
__________ نجــــعل عدوك يرتجــف تحت رجليك

يــادارنا دامت على العز يمناك
________ حنـا ســيوف(ن) ســاطعات(ن) بــياديك

يــاموطني ربي من الشـر يرعاك
___________ الله يدمر من تعبث بأراضيــــــــــك

يـاديرتي والله ماني بشـــــــكاك
_________ مــــاشك في حــبك وانا منــــك وفيـك

اقــطف ثمارك وارتوي من صفا ماك
________ مــــاكني الا رملة(ن) في صحـــــاريك

اليــــوم جينا نوثق العهد جيــــناك
________ عهدن علينا يالوطن مــــــانخلييـــــــــك

يفـــداك شعري ياوطـن دوم يفداك
__________ لا والله الا شـــاعرك دوم يفديـــــك

العيون الساهرة
11-24-2010, 03:29 AM
صح لسانك
يعطيك العافيه

موفق بإذن الله ... لك مني أجمل تحية .

كاكا
11-24-2010, 03:33 AM
كلمات في غاية الروعه
يعطيك ربي الف العافيه ..~

عطرها بكفوفي
07-22-2011, 02:55 AM
يعطيك العااااااااافيه