عاشق سراب
11-21-2010, 02:03 PM
كل بنات الحـيّ ضايقهـن وجـودك
ودّي أعرف هالقساوه وش سببها ؟!!
فيهن اللي تشتكـي حُمـرة خـدودك
مانفعهـا توتهـا مـدري عنبهـا !!
وفيهن اللي ماتبـي تقـرب حـدودك
ماخبرنا الشمس أحدٍ قـد قربهـا !!
وفيهن اللي غاضهـا أكثـر بـرودك
كل مازادن وقالن : مـن عربهـا ؟!!
وأن مشيتي وأنثنى بشويش عـودك
كل نخلة حـبّ يتْساقـط رطبهـا !!
وكل ماهبّـت علـى الخفّـاق نـودك
كل صوره مرّته غيـرك شطبهـا !!
علّميهن وشهو فرقك وشهو زودك ؟
النسا لاتتعب أكثـر مـن تعبهـا !!
وعلّميهـن ليـه ماتـذبـل ورودك ؟
بسمتك وشلون ثغرك ماشربهـا ؟!!
وعلّميهن ليـه ياحلـوه صـدودك ؟
واثقه ماهمّـك النـاس وعتبهـا !!
شامخه يافيك مـن سيـرة جـدودك
كل عذرا ضيّعت جنبـك حسبهـا !!
أسم أهلْك وصيت جدّانـك شهـودك
شيخةٍ تفرق عن البيض بنسبهـا !!
كـل مابـك أنتـي للعليـا يـقـودك
مهـرةٍ ماغيـر خفّاقـي جذبهـا !!
من حسن حظّي ومن لطفك وجـودك
صارت الدنيا معاك اليـوم أبهـا !!
كل مافينـي علـى كيفـك ومـودك
قبل تطلب روحـك ملبّـي طلبهـا !!
جيتلك مدري متى تصدق وعودك ؟!!
لي حياةٍ معـك ربّـي قـد كتبهـا !!
لايهمّـك عـاذلـك والا حـسـودك
مالقوبك عيب , قالوا : شف هدبها ..
يجرح المشتاق / وتدّاويه سـودك !!
زيّ منهو صدّق الكذبـهْ وكذبهـا !!
لو يغـارنّ الصبايـا مـن وجـودك
قلت : روحي غيرها منهو نكبهـا ؟!!
وإلا هن أصلاً يموتن مـن ردودك !!
غيرة الأنثى محد يعرف سببهـا ؟!!
مما راق لي
ودّي أعرف هالقساوه وش سببها ؟!!
فيهن اللي تشتكـي حُمـرة خـدودك
مانفعهـا توتهـا مـدري عنبهـا !!
وفيهن اللي ماتبـي تقـرب حـدودك
ماخبرنا الشمس أحدٍ قـد قربهـا !!
وفيهن اللي غاضهـا أكثـر بـرودك
كل مازادن وقالن : مـن عربهـا ؟!!
وأن مشيتي وأنثنى بشويش عـودك
كل نخلة حـبّ يتْساقـط رطبهـا !!
وكل ماهبّـت علـى الخفّـاق نـودك
كل صوره مرّته غيـرك شطبهـا !!
علّميهن وشهو فرقك وشهو زودك ؟
النسا لاتتعب أكثـر مـن تعبهـا !!
وعلّميهـن ليـه ماتـذبـل ورودك ؟
بسمتك وشلون ثغرك ماشربهـا ؟!!
وعلّميهن ليـه ياحلـوه صـدودك ؟
واثقه ماهمّـك النـاس وعتبهـا !!
شامخه يافيك مـن سيـرة جـدودك
كل عذرا ضيّعت جنبـك حسبهـا !!
أسم أهلْك وصيت جدّانـك شهـودك
شيخةٍ تفرق عن البيض بنسبهـا !!
كـل مابـك أنتـي للعليـا يـقـودك
مهـرةٍ ماغيـر خفّاقـي جذبهـا !!
من حسن حظّي ومن لطفك وجـودك
صارت الدنيا معاك اليـوم أبهـا !!
كل مافينـي علـى كيفـك ومـودك
قبل تطلب روحـك ملبّـي طلبهـا !!
جيتلك مدري متى تصدق وعودك ؟!!
لي حياةٍ معـك ربّـي قـد كتبهـا !!
لايهمّـك عـاذلـك والا حـسـودك
مالقوبك عيب , قالوا : شف هدبها ..
يجرح المشتاق / وتدّاويه سـودك !!
زيّ منهو صدّق الكذبـهْ وكذبهـا !!
لو يغـارنّ الصبايـا مـن وجـودك
قلت : روحي غيرها منهو نكبهـا ؟!!
وإلا هن أصلاً يموتن مـن ردودك !!
غيرة الأنثى محد يعرف سببهـا ؟!!
مما راق لي