من روائع الشعر النسائي

[العيون الساهرة]

http://www.m5zn.com/uploads/2011/1/20/photo/gif/0120111101521ffnnc9louss1.gif



أعِــــــــزائي...


تَحِـيَة لقـُلوبَكم العَـذْبه ..
هَـذِه الصَفـَحات .. أفـْرِدُهـا..لكم
لتضَـعواَ فـِيها





ما تجود به ذائقتكم من


روائع الشعر النسائي



هنا


سنجد مَا يُعـّبر عَن أحاسِيسَنا الجَـياشّة ..


و هنا


نريد ان نقـــــرَأ قـلبكَ
من خلال ذائقتك الشعريه



تحياتي لكم

http://www.m5zn.com/uploads/2011/1/20/photo/gif/012011110135grtsvrz6znjj642ci6g.gif

[شروق الشمس]

تم التثبيت لجمالِ طرحكِ

دمتِ بود

[قسوتي بحناني]

شـكــ وبارك الله فيك ـــرا لك ... لك مني أجمل تحية .

ربي يديك الصحة والعافية

[كاكا]

موضوع رائع ومميز ..


مشكورة ع الطرح المبدع

[العيون الساهرة]

الف شكر لتواجدكم العذب
بس وينكم الله الله
نبي تفاااعل

قوووي

:cool:

[العيون الساهرة]

من دنيتي ياكثر درس تعلمت
قسم المواجع صار هذا أختصاصي
حزني كما الكشكول واقراه في صمت
واخط من ذكراه في مرسم رصاصي

(غمضه)

[العيون الساهرة]

غيمة احزاني بددها المطر
والعلاج الصبر ..يا جرح الشعور
.
.
عقب حزن (ن) في خفا الروح استقر
عقب وقت(ن) كل ما شكيله يجور
.
.
ما بقا احزان ..ولله الامر
بالارادة .. تنجبر كل الكسور

الشاعرة
(غريبة الدار)

[العيون الساهرة]

أصبحت مثل الناس عايش بوجهين
وجه (ن) ضحك وجه (ن) بكاك وفضحني

(غريبة الدار)

[العيون الساهرة]

تخطي وادور من غلاتك معاذيرواضحك
وأنا اللي غارق (ن) في دموعي
كل الجروح الماضية دون تفسير
عشتك عذاب بكل صنف (ن) ونوعي

(غريبة الدار)


</i>

[العيون الساهرة]

لوني سئلت الروح ما لقي جوابه
عزاة ياوقت (ن) مضي دون مصلوح

قلب (ن) قفل عن كل مخلوق بابه
دونه ودون اللي يبي غربه الروح

قلب (ن) ولو جار الزمن ما خطابه
بينه وبين الفرح يا غربتي شوح

الناس ما تدري عن اللي سطا به
أضحك بوجهه وداخلي تنزف جروح

من زود حزنه طار منه صوابه
عاف الحياة وفارقت روحة الروح

اللي قتلني من صدوده وعذابه
يدري و أنا ادري عبرتي ترفض البوح

عطشانه واشرب صحاري سرابه
عزاة ما مرت ولا لحظة فروح

كان الزمن الي بدا وانتهى به
ما فادني؟ كني عن الحب منزوح

واعيش وقتي بين هم وكآبه
و أنا الغريق وفي البحر مركبي لوح

يكفي عذاب اضن ماهي طلابه
وش فايدة تجريح حسم (ن) بلا روح


(غريبة الدار)

[العيون الساهرة]

بكت عيني وياقشر الدموعـي على حراً يرى نفسه رفيعـه
ألا ياقل بين النـاس نوعـي قليل اللي زمانه مـا يطيعـه

(عيده)

[العيون الساهرة]

برقعوني وانا حر هـواه الهـداد
.................... واثلموا حد سيفي يوم سيفي شطير

(عيده)

[العيون الساهرة]

ماني اذا بي ميّل الوقت شكـاي
......................شكواي للي تملك الـرزق يـده

(وحيده السعوديه)

[العيون الساهرة]

كني بدو خالي ما به اونـاس
.................... عصفور بلله المطر عن مطيره

(عيده)

[العيون الساهرة]

أحــاول قــدر مــا أقــدر أروض فــرح مـقهور


وأرده عــــلــــى قــــلـــبٍ يــــبـــس فـــــــي مــشــاريــبـه


(همسه عنا)

[العيون الساهرة]

الله يـفرجها عـلى كـل مِـنظام


أقـولها لـك والـمشاعر صِويبه



حاول تناسى الجرح في بعض الأيام


لـحد مـاتنسى الـجروح العطيبه



يـمكن تـحقق فـي حياتك الأحلام


والشمس تشرق في العيون الغريبه

الشاعره (همسه عنا)

[العيون الساهرة]

ليت الدموع اللي تجي العين حزات
ترحم هدبها كل ماجت تهلي
وليت القدر يمحي زمانن لنا فات
وقلبي بلحظات الفرح يستهلي
كلن تعرض في زمانه لعثرات
قليل من يقضي حياته تسلي
ساعات نتعلم ونفهم وساعات
نعود في لحظه على طير ياللي
والحر يفهم دايما بالإ شارات
ولايطرد المقفين واللي مولي
وانا بفضل الله غدت لي منارات
في عالي الهامه ونا في محلي
أدرا عن النفس الزلل والإشاعات
نزهت نفسي في مكان امتعلي

الشاعره
اصايل

[العيون الساهرة]

كتبتـ أحزان في قلبي وعشت بهـالزمن مكسور

وداريت الدموع اللي تسامرني وأسامرها

أنا ما شفت في الدنيا سوى دمع وجراح وجور

وشفت الناس محتارة تناظرني وأناظرها

ومثل ما الغيمة تدوّر على دمع تشيله بحور

لقيت عيوني هالمـرة تدوّر عن مقابرهـا

عجزت ألقى بشر يقدر يحقق لي أمان بسور

وأكف الدمع عن عيني وهمومي أحاصرها





أماني العُمَري

[العيون الساهرة]

وشلون صار ((الحب)) بالسوق مسيوم...؟؟!!
وماتت تعابيره وخسّر نصابه..!
الله واكبـر راعــي الـحـق مضـيـوم
والصادقين اليوم صاروا غلابه ..
ياهاجسـي سجـل مـن الفكـر منـظـوم
حرفن من الأحزان عاش الكآابه
الحلـم ضـاع ومركبـه صـار مصـدوم
والـروح تعبـت مـن حـيـاة الغرابه
كـان العشـم باللـي بـه القلـب مفـطـوم
وفي آخر المشوار بدل جوابه.!!
قانـون جايـر لا مـبـاديء ولا سـلـوم
صاح الضمير ولا لقى له رقابه
الجرح ينـزف مـن مصابـه إلـى اليـوم
والعين حارت في رموز الكتابه
أكبر قهر لو صار الأحساس معدوم
وتجنوا احبابك وصارو ((اذيابه ))!
ذي قصتي قلبن جريحن ومهموم
مثل اليتيم اللي بليا قرابه
وشلون ؟!صار الحب (بالسوق مسيوم)
وماتت تعابيره وخسّر نصابه

(اشجان نجد)

[العيون الساهرة]

البارحه واليوم ماهي خفيه ..!!


المشكله بعدين من وين بأبداك..؟؟!!!


عجزت أميز من تكون الضحيه ؟!!


أخاف احســــــــــــــــبها واقيّد بالأشواك!


أفهم معاني بالخــــــــــــفايا جليه


أمشي على درب المـــــــــــــهالك بلياك...


ياقلب قاسي مايكفي بليه ..


دمعي يتحدر وأنت لاهي بدنـــــــــــــياك ..


إليا متى والروح صارت شقيه


ماعاد ينفعـــــــــــــــــــــــني كلامنّ بلا ادراك


ياصاحبي طبع المحبه عليّه


ياتصونها وإلا ترى القلب ينســــــــــااااااك



(اشجان نجد)

[العيون الساهرة]

http://www.jojo25.com/pic/data/media/24/t6.jpg
في هالزمن صارالوفا في متاهات
والحب أصبح بين (كذب ومحالي)
بودعك ياللي تنكرت بسكات
خلاص ببعد عنك وارضى أعتزالي
(اشجان نجد)

[العيون الساهرة]

انتـثر ليلي على صبحي حزين
وأشرقت شمسك وأنا روض وزهر
فاحت جروحي بعطر وياسمين
واشتعل حرفي بصدري ..من قهر
القلم ربان والمعنى سفين
والورق ضميان.. وأفكــاري نهر

(امسية)

[العيون الساهرة]

http://www.pic.m3m2.com/data/media/7/23.jpg

أنا مثلي صعب يفرح ومثلي للهوى ناسي
أشبّ الجمره بلحالي ،أدفّي باقي إتروحي
ولامنّي ذكرت السّعدِ رحت أبكي على افلاسي
أشقّ الدمعِ واسري به وليلي يحْــتضن نوحي
يسافربي مع حلمن ويرجع حاملن ياسي
وخيبة حظّي العثرة تنادي وييين بتروحي

[العيون الساهرة]

http://www.pic.m3m2.com/data/media/7/20.jpg
انا طفله كتبت اسمي علي هبّت هبوب رياح
حروف اسمي تبعثر بيت شعر ٍ للأسى عاري
انا صفحة من الماضي وتاريخ ٍ بدون ارماح
وأنا اللي في ميادين الحزن هزتني أعذاري
انا حتى عـدوي لا لقانـي/ حس فيني وراح
وعرف اني عرفت اني/ ( أشب النار في ناري)
كبرت بعين حسادي وجمري من رمادي فاح
وصغرت بعين إخواني بعد كبري لمصغاري
انا اللي عايشه في عالم ٍ همه بيوت أشباح
انا اللي نصفي الصاحي شكا من قل مقداري
انا الشهقة/ وأنا الونه/ وأنا اللي خاسره/ الأرباح
وهذي هي بقايا صمتي الخافي وأسراري
(ريناد)

[العيون الساهرة]

http://cdn.pimpmyspace.org/media/pms/c/ms/st/ti/lowers2324.gif


نفسي ( طموحه ) ولا يبست بلايلها


قناعتي (كنز) وقت الضيق الجابه


الناس من طيبتي شبّت فعايلها


الله عطاني (عقل) أنام واصحابه


اساير ايام عمري واتخايلها


الوقت يمضي وغيري ضّيع احسابه


ماكل من دوّر (الطـِيبَه )يحصلها


عكس (الرديه) تراها نار شبابه


ياكبر(غلطه) تجيني واتحملها


أحطها وسط صدرً يحفظ ادابه


احسها في خفوقي واتجاهلها


ماينكشف سرها .. صدري لها غابه


هذي صفاتي وغيري مايعدلها


أغوص (بحر) المعارف وافتح ابوابه


مير البلا في نفوس الشر مجبلها


ماهمها غير (قال) و(قيل ) و(قلنابه)


يالله ياخالقي منشي مخايلها


ياللي جميع الخلايق تاقف ابابه


تدلني صوب من يفهم رسائلها


ارفع به الراس دائم واتعزوابه

ريناد

[العيون الساهرة]

؟

ليه إذا جتني حظوظ اموفّقه قالولي ليه؟


وليه إذا صارت دروبي عُوْج ماحدّ التفت؟


ليه إذا راقت مشاعر اعبست لي هالوجيه؟


وليه إذا تقسى مشاعر هي نفسها اضحكت؟


ليه إذا حبي رجاني قالوا لا لا .. لا تجيه؟


وليه إذا حبي عصاني قالوا شفتي وانتهت؟


ليه إذا ضاعت حروفي بين همّ وبين تيه؟


ليه شافوني سليمه وعقلها فيه احكمت؟


ليه إذا ردّت حروفي والقلم تركض إليه..


ليه عادوني وقالوا هاذي مجنونه اكتبت؟


ليه اذا تسهر شجوني همّ زادولي عليه؟


ليه اذا تسهر عيوني بِرّ قالوا أسلمت؟


ليه إذا جاوَبْتُهُم بالحق قالوا سكّتيه؟


ليه إذا أسكت تعالى صوت كلمة مَفْهمَت؟


ليه إذا أمشي جموحه قالوا طولك وزّنيه؟


ليه إذا أمشي رزينه قالوا عني استكبَرَت؟


ليه أفكّر وآنا مالي غير الله ايهديه؟


(ليه) كلمه .. وهي كلمه .. استغربت واستنكرت!!

[العيون الساهرة]

ماهي بطوله تجرح البنت وتروح
ولاانت ببطل لاصرت تجرح بنيه
البنت مثلك يالردي عندها روح
لابآرك الله فالعقول الرديه
(اميره العتيبي)

[العيون الساهرة]

أضحك تقول البكا ماينزل بداري
وابكي تقول الفرح مادل صاحبها!
واشكي الين الحكي يخجل من اسراري
واسكت ولي كلمةٍ تغري مخالبها


(هيفاء التميمية)

[العيون الساهرة]

في مجلس القلب جا ..{ شيخ الحزن .. وارتكى
يقدع عروقي .. وابهر له بدمي دلال



هي جت على جرح ؟؟.. عادي كل جرح انتكا
وش صار مادام شرب الدم أمسى حلال



جافيت انا الناس مبطي بس مو من ذكا
أصلا غباهم من اول ما ترك لي مجال


كلٍ حكابي وشاهد طيبتي ما حكا
قلت إن جفوني .. معي سجادتي والجلال


مليت يا صاحبي طول الصبر والبكا
كني عجوز توفى لي ثماني عيال


حتى الفرح يوم شرف .. زارني مضنكا

والله مدري من اللي قال له بس : تعال


جاريت وقتي على انه من حياتي شكا
وانا احمد اللي قسم حظي على كل حال


هي جت على جرح .. عادي كل جرح انتكا
و بنت الكرم ما تشح بدمها للدلال
و بنت الكرم ما تشح بدمها للدلال
و بنت الكرم ما تشح بدمها للدلال


لــ آلشـاعــرهـ : عبيــــــر بنت آحمــــــــد ..http://www.q8yat.com/images/ehdaa_smilies/eh_s(17).gif

[العيون الساهرة]

قبل أمس كنْ َيمّ الألم داخلي هاج
مارس على عيني طقوس إسوداده
قمت آتلفت للبياض أبغى مخراج
ما شفت غير أسوار ظلم و نكاده
حتى السما قفرا و ِكنْ ليلها داج
تحجب مجرّاته سحايب سواده
مرّيت بديار الفرح قلب محتاج
شكل إبتسامه أو بعض من سعاده
ناديت: منهو يبيعني فلّة إحجاج؟
يكسب على الخاطر جميل و سياده
لا ردّ لي صوتٍ و لا بارق إبهاج
و لا نصفني في صداه إرتداده
(هنادي الجودر)

[العيون الساهرة]

لا ترخصين النفس يابنت تكفين
بعض البشر مايستحق الموده
يلعب على كل العذارى بحبلين
والدرك الاسفل يا العزيزه مرده
(الراسيه)

[متلثمة بشماغ حبيبها]

يسلمووووووووووووووووو على الكلمات الرائعة
ويعطيك العافيه

[العيون الساهرة]

منوووره بس وين مشاركاتكم ؟؟
:(

[العيون الساهرة]

http://www.5starsphoto.com/gallery/files/13-black.jpg

هي لحظتي حزن يادنيا ترويته
وفي دنيتي هم ياعالم مخاويني
والحزن وقفة شموخ ولا تفاديته
والهم كتلة عذاب وطاح بيديني
شاعرة الريح

[العيون الساهرة]

(نفس الطريق اللي معه جيت بسكوت,,
برجع معه واللي يجيني يجيني)
ناديت من قلبي وفي عالي الصوت"
ولا سمعني غير دمعي وعيني...!!!
واحترت مدري ليه حلمي بتابوت,,,؟!
وليه القلوب الصادقه ماتبيني..؟؟
أخاف أنا اشكي واكتشف شي مكبوت..!!!
وأخاف احسبها واكذب سنينيِ؛؛؛
خذها وسطرهاعلى علم مثبوت$$
ولو جاك راع المرجله قل:نسيني!
صارت حياتي بين يمكن ولا يفوت ؛؛
ونسيت في موكب حضورك حنيني...!
من هو بداأول حياته بلا موت..؟؟
العمر وإلا إحساس قلبن فطيني

[العيون الساهرة]

ألتمس للصاحب اللي بدّله جور الزمان
ألف عذر ولا تعاتب وان تعذر فاعذره