من روائع الشعرالشعبي

[كحيلان العز]

بسم الله الرحمن الرحيم


من روائع الشعرالشعبي
الشاعر : سعد بن جدلان الأكلبي


لاضـاق صـدرك والليالـي تحدتـك
اصبر عليها والصبر زيـن لـو طـال
لا تنحنـي للوقـت وتـروح هيبتـك
وتموت بالحسرة ولـو كنـت رجـال
واحذر تـدور عنـد الأنـذال حاجتـك
لا تقضي الحاجـة ولا تستـر الحـال
واحذر تبين لأقـرب النـاس سدتـك
لو تزعله لحضه حكت فيـك الأجيـال
وان صرت ضيف الناس لا تطول مدتك
غالي تجي وتروح يـا طيـب الفـال
وإن كان همك بالزمـن بـس لقمتـك
الفـول برياليـن والخـبـز بـريـال
الشاعر: محمد بن فطيس المري

تدرون ليش أعمالنا راحت سراب
تدرون ليش النصر سيف الأولين
الأولين أعمالهم وفـق الكتـاب
قاموا عليه وباعو الدنيـا بديـن
وحنا غفلنا بين ما لـذ وطـاب
والنصر سيف ما يسله غافليـن

الشاعر : خلف بن مشعان



ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي به .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حـزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه
ورجلٍ .. كـلام اعـداه مايستفـزه
ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيه
ورجلٍ .. يزعّل من يحاول ، يـوزه
ورجلٍ تكـزه لا زم انـك توصيـه
ورجلٍ .. بليّا ما توصيـه .. كـزه
من لا فـرش للمرجلـه ماتغطيـه
ومن لايخز .. الناس .. محدٍ يخـزه
ان كنت تعرفني فهي .. عرفة وجيه
مو شرط لك بالقلب قدر .. ومعـزه

تحياااااتي