شفتڪ بعد غيبه وحاولت احاكيك ~

[دموع الورد]

شفتك بعد غيبه .. وحاولت احاڪيك
مهوب من قلبي ولا من جراته !!

بغيت اقول فلان و ازريت آحآكيك
وڪني سمعت اسمي مع الالتفاته

فزيت من نومي وانا اقول لبّيك
وآثرك رويا .. في منامي وجاته !

صفقت كف .. وقلت : يا حلم يشويك
جدّدت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سوى سواته

مهوب محزني .. على حاجةٍ فيك
إلا ,, " إن قلبي شايف ٍ بك غناته " !!

ڪن الطيوف تقول : وشحال غاليك ؟
وآقول : راح .. وما بقى الا غلاته ..

( لو ان ما جاني من الهم ياتيك
كان المصلي ما حفظ وش صلاته ) ...

مريت شارعكم .. وصادفني آخيييك
واللي قطع كبدي .. حلاتك حلاته ...

بغيت الخبط من دعاياه ,, وادعيك
واسمك وقف بين " اللسان ولهاته " !!

وبغيت اجيب العيد ,, وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك !!
والى مشى خطوه عثر في عصاته ..

مشكلتي / إن قلبي يحبك و يغليك
ومشكلتك / انك شخص عايش حياته !

ڪثر الجفا .. " نار " .. وحطبها تغليك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري .. ڪلها بين اياديك
العمر فدوه .. لكن القلب " هاته " !!

وإن ما بغيت ترد قلبي ما اوصيك
" احسن عزاه .. الى دريت بوفاته


.
.


(حمد الـــبريدي المري)



رـآقت لي و ـآتمنى تـــروق لكم ..

[كاكا]

صح لسان شاعرها

لاهنتِ على الاختيار الذووووق

وتسلم يمينك دموع الورد على الاحساس الجميل...

ودي ..

[البارز]

كلمات قي غاية الروعة


وقبلها حسن الاختيار منك



ذوق رفيع المستوى في صياغة الكلمة والاحساس المرهف



وانا كذلك راقت لي ودمتي ودام جديدك

[العابر]

http://im7.gulfup.com/2011-07-12/1310481870441.jpg

[موادع]

قلبي وعمري .. ڪلها بين اياديك
العمر فدوه .. لكن القلب " هاته " !!

وإن ما بغيت ترد قلبي ما اوصيك
" احسن عزاه .. الى دريت بوفاته

أبيات راقت لي أختي

أحسنتي الانتقاء

ربي يعافيك على هيك ابدااااع

[دموع الورد]

شاكره مروركم الراقي

[ريم الفلا]

يا اللي شريت البعد .. ما غاب طاريك
حتى لو ان البعد .. سوى سواته

قصيدهـ في قمة الروعه

الله يعطيكـ ألف عافيه

احتراااامي لك

[دموع الورد]

الاروع مرورك

[عطرها بكفوفي]

يعطيك العاااااااااااااافيه

[دموع الورد]

الله يعافيكي