المساعد الشخصي الرقمي

مشاهدة النسخة كاملة : معقول باقي من الشهر خمسة أيام .!؟

موادع
08-25-2011, 10:11 AM
معقول باقي من الشهر .. خمسة أيام ؟؟
معقول .. راح اربع وعشرين ليلة ؟؟

شفتوا أجل ..؟؟ .. مرت بنا مثل الأحلام
مامن جديد .. وكلّـن .. يعيش جيله !!

اللي معانا العام هـ العام ... ما صـــام
منهو .. ضمن مستقبله ... وش يجيله ؟؟

في جيلنا .. مادامت لـ جيش صدّام ....!
وفي جيلهم .. وين أبرهة .. وين فيله ؟؟

كذا الحياة .. تمرّ عام ٍ ورى عام !
كم فرّقت ... بين الخليل ... وخليله !!

شف الليالي .. كم تقضـّـت بـ الأعوام ..
وحنـّـا نقول أن الليالي ... طويله

ياهوه .. صحصح عندنا لك .. خبر هام
نصّ الأماني .. في الحقيقة .. قتيــــله !!

دنياك هذي .. حزن وجروح .. وأوهام ..
ومالك على دنياك .. مكر وحيــــله !!

كم واحد ٍ .. ودّع حبيبه وسط خام ..
وعلى حبيبه .. حدّر الدمع ... سيـــله !!:'(

بكى فراقه .. !! .. مرّت أيام مانام !!
بكى .. وروحه من فراقه عليـــله .!!

لكن .. نسى .. إنه كذا .. بعد أيام ...
نفس الأيادي .. يمّ قبره تشيـــــله !!

يارب عفوك .. قبل تلتف الأقــــدام ...
يوم الخليل .. يخون .. عشرة .. خليله !!

ويارب ثبـّـتنا .. على دين الإســـلام ..
واللي خذاه الطيش تهدي سبيـــــله !!

أقولها .. والعمر .. لو طال مادام .
وإعرف سنين العمر دايم .. قليله ..!!
ريم الفلا
08-25-2011, 10:22 AM
كلماااات رااائعه كروعتك

الله يتقبل مناااا الصيام والقيام وصالح الاعمااال

الف شكر لك على هالانتقاء المميز

احترااامي لك
خفايا الروح
08-25-2011, 12:28 PM
كلمات رائعه وفي الصميم
وانتقاء جيد
سلمت يمينك
مارد
08-25-2011, 02:08 PM
الله يتقبل مناااا الصيام والقيام وصالح الاعمااال


خسااااااااره

ربي يتقبل منا

مودتي
مارد
08-25-2011, 02:08 PM
الله يتقبل مناااا الصيام والقيام وصالح الاعمااال


خسااااااااره

ربي يتقبل منا

مودتي
العيون الساهرة
08-25-2011, 02:31 PM
ويارب ثبـّـتنا .. على دين الإســـلام ..
واللي خذاه الطيش تهدي سبيـــــله !!
امين
الف شكر لك وصح لسان القايل ولاهنت
موفق بإذن الله ... لك مني أجمل تحية .
موادع
08-25-2011, 03:18 PM
أشكر كل من أنار متصفحي ووضع بصمة إعجابه

كل الود والاحترام
دموع الورد
08-26-2011, 02:16 PM
انتقاء جميل ومميز
صح لسانه الشاعر والناقل
موادع
08-30-2011, 02:48 AM
صح بدنك أختي

شاكرا مرورك الجميل


احتراااامي