يا لبى قلبه كل ما قال لبيه

[ابو تركي]

يآلبى قلبه كل مآ قآل " لبيـه
ويالبى صوتهـ كل ما قال :لي هاهـ




بالحالتين ان ترجمت شفتهـ / إيه
أضيع من كلي وادورني ما القاهـ



يشل عقلي كل ما جيت أحاكيه
وأنسى أني أصلاً كنت في شي أبغاهـ



أذوب في حرفهـ وصوتهـ يحليه
.. واللي يجنني إذا حرّكـ إشفاهـ



وتعانقت من نشوة الشوق/ والتيه
وش حيلتي غير التناهيد والآهـ



يضماهـ سمعي وانتظر لين يرويه
. والمشكلهـ حتى وهو يمي أضماهـ



حُبهـ مثل طيرٍ يبي بيت يأويه
وانا ادري انهـ داخل القلب مأوآهـ



وحدهـ بقلبي دوم محدٍ يسآويه
وانا بقلبهـ طول هالعمر أملاهـ



الشوق محدٍ غير صوتهـ يدآويه
ويجذ نار الغيض فيني من اقصاهـ



صوتهـ مطر في جيتهـ في تجليه
تطفي عذوبة قطرتهـ شوق مضناهـ



صوتهـ صدى تغريد طيرٍ يغنيه
صوتهـ نسيم الصبح في طلعة ضياهـ



صوتهـ نغم تطربني رقة اغآنيه
صوتهـ عليه أدمنت ودوآي من دآهـ



صوتهـ هدير الموج لامر شآطيه
وانا بشوقي كل ما الريح وداهـ



يذهل شعورهـ مسمعي كل مدعيه
.. كني على ضفة بحر يحتري ماهـ



أرقب طيوفهـ كل ما زارني فيه
ويدق قلبي كل ما مر طرياهـ



وان حظّني وقتي بشوفهـ اداريه
عن كل مخلوقٍ يضرهـ وانا معاهـ



ما ودي حتى الشوكـ تلمس برجليه
واغار من نسمهـ / تداعب محياهـ



والود ودي وسط عيني أخليه
والحفهـ رمشي وبالعين أدفاهـ



يعيش بي حلمٍ سرقني بيديه
واعيش بهـ واقع مَلكـ كل ما جآه



لين أوصل بشوقي لحدهـ واناديه
واحاول القاني وانا ضايع وياهـ



ويرد لي من رقة إشفاهـ | لبيه
واضيع من ثاني وانا اقول لهـ هاهـ !

[دموع الورد]

اتيت لامتع عيني

بعذب البوح وجميل الكلام

اتيت وقد شدني النور المنبعث

من هنا

لاخلا ولاعدم

[ابو تركي]

انرتي متصفحي اختي دموع الورد

بهذا المرور الراقي جداً

لك مني ارق التحايا

في حفظ الرحمن

[الاكحل]

يالبى قلبك ابو ترتي

[مزاجي الجوف]

صح لساآن شاآعرهاآ
قصيدة راااائعة بكل معاني الروعة
كلماآآت راقية جدـآ ربي يحفظك على ماجلبتي لنا
يعطيك العافية...ومن رقي الى رقي
ودي وتقديري

[البارز]

صح لسان شاعرها

وانتقاء رائع ابو تركي --


تقبل تواجدي ولا تحرمنا جديدك

[ابو تركي]

مشكورين اخواني على المرور الرائع

في حفظ الرحمن

[شموخ~انسان]

يعطيكـ العافيه خيو ابو رتركي ...



فعلآ ابدعت فديتكـ....





تقبل مروري

[ابو تركي]

الله يعافيك اخوي شموخ انسان

شاكر لك مرورك الراقي

في حفظ الرحمن