اذا عشقي جنون يبقى الجنون عين العقل

[ابو تركي]

إذا عشقي جنون يبقى الجنون عين العقل

... وش آخر سواليف الهوى معكم ...؟! تدرون ...؟!
أنا عشقت البارحة
والبارحة ياصار شيء ...!!
البارحة بس [ انا ضحكت]
والبارحة بس [ انا بكيت ]
والبارحة بس [سهرت لين الصبح ]
اثر الهوى مجنون ...؟!
سمعتهم يقولون
( إن الهوى مثل الربيع
ينبت على شفاه المحبين ..
وإذا ضحكوا طاح الكرز )
و سمعتهم يقولون
( إن الهوى مثل العطر
يفوح بانفاس العاشقين .
. وإذا حكوا فاح العطر )
وسمعتهم يقولون
( إن الهوى مَلْعُـوْنْ ابو ..
وهو سبب موت العاشقين ..
وإذا عشقوا ماتوا قهر )
و يقولون ويقولون
ويزيدون ويعيدون

لكن انا الحين بقووووول
والحين أنا فعلاً عشقت
وانا اللي خلوني أقول
تدرون وش معنى الهوى ...؟!
( ... موت وحياة ... )
وانا عمري القديم ...
وقلبي القديم ماتوا جميع البارحة
والبارحة انا حييت
بعمرٍ جديد
وقلبٍ جديد
وعشقٍ مثل طعم العسل ...!!
وأثر الهوى عين العقل
وهم يقولون الهوى دايم جنون ...!!
وحتى إذا عشقي جنون ...
يبقى الجنون عين العقل ...!!
واثر الهوى كله عبث ...
( لكن يجي منه فنون )
الله على العشق النظيف ...!!
عشقت لي قطعة قمر ...!!
بنت ... مو بنت بس ...!!
وربي يـآ هي كل البنات
كلها احاسيس ... وغلا
كلها وله
زرعت على شفاهي الدلال
إذا ضحكت ... تبكي
ياربي عليها
وإذا بكيت ... تمووووت
وعساني انا قبلها أموت ...!!
وإذا لمست كفي بعض كفها شهق
بسم الله عليها
وقمت اهذي ...!!
واقولها أحلى قصيد
وإذا انتهيت... ارجع واعيد
إلين تنام ...!!
تدرون البارحة وش قلت لها ...؟!
البارحة قلت:
تكفين ودي تزعلين ...!!
وإذا انا غالي عليك لعيوني تكفين ازعلي ...!!
تدرين ليش ...؟!
بصراحة خافت
... وقالت...
( ليش...؟! )
قلت لها:
ابي اتلذذ وانا اطلب رضاك
وربي لـ سوي كل شيء ..
إلين ماترضى علي ...!
وحتى إذا صار ورضيتي ...بـ ارجع بعد وازاعلك
...واعود أطلب لك رضاك ...!
واسوي كل اللي تبين
بس ازعلي خليني انعم بـ الزعل ... وانعم إذا ترضين
وربي جنون ...!!
شفتوا الهوى وشلون ...؟!
حتى في وقت الزعل يحلى الهوى
ويحلى بعد إذا رضيت ...!!
ياربي وش هالحظ الحلو ...؟!
احس انا فعلاً حييت ...!!

[صمت الذكريات]

حيييل رووعه الاحرف التي نثرها احساسك هناا ..

كم كان انتقائك لتلك المعزوفة عذبا يفوق الوصف ..

مميز كعادة قلمك .. وجمال طرحك ..

لاحرمنا تواجدك بنثرناا وبوح الخواطر ..


وبأنتظار جديدك الانيق ..


لروحك جنآئن من الجوري ..

[موادع]

رسمت لوحة مشاعر جميله
/
استنشقتها بكل راحه وصدق
/
كنت رائعا جدا
/
هنيئا لك
/
وعساك على اللقوه
/
كنت هناااااا أرتشف من تلك الإحساس

[ابو تركي]

حيييل رووعه الاحرف التي نثرها احساسك هناا ..

كم كان انتقائك لتلك المعزوفة عذبا يفوق الوصف ..

مميز كعادة قلمك .. وجمال طرحك ..

لاحرمنا تواجدك بنثرناا وبوح الخواطر ..


وبأنتظار جديدك الانيق ..


لروحك جنآئن من الجوري ..
شاكر لك مرورك الذووق اختي صمت الذكريات
لك مني ارق واعذب التحايا
في حفظ الرحمن

[ابو تركي]

رسمت لوحة مشاعر جميله
/
استنشقتها بكل راحه وصدق
/
كنت رائعا جدا
/
هنيئا لك
/
وعساك على اللقوه
/
كنت هناااااا أرتشف من تلك الإحساس
كم اسعدني مرورك الذووق اخي موادع
لك مني ارق واعذب التحايا
في حفظ الرحمن