الـوصل غايه والقصـايد ، وسيـلة

[موادع]

الحب شايب : والفراق .. إبنـه العـاق !
والـوصل غايه والقصـايد ، وسيـلة

أثر المفـارق لـه علاقه بالأخـلاق !
ويقصـر طويله صـدر راعي الـطويلـة

مافيـه أشـّر من الهـواوي ليا ضـاق
من ضيقـته حتى الطفل ، يشتكي لـه

ياللي غضبت .. وكانت حلـولك .. فراق !
الغيـض ولعـه ، والمجـادل فتيـلة

إبليـس للفتـنه .. وللشـر سبـّاق
يجيـك في صورة .. رذيل و رذيلـة

العيـن ، ما يغـدي بهاا كل برااق
والأذن ، ماكل الحـكي .. ترتخيلـه

راعي الكلام / يـزود الطاق ب الطـاق
يحكي بشخص ، وياصله ويحكي له

خص ٍ ليـا ، صار الحكي بين عشـاق
مـاله سـوا : مالـك دخـل والفشيـله

لـو شفت وش قيمـة غرامـك بالأعمـاق
ماطـعت لـو لامـوك فيني قبيـلـة

مـاهو تضـّيق صدرك ، وتركز السـاق
كـني ، كفـرت وقاتلن . لي قتيلـه

ياللي خـدودك .. قطنه .. وعودك دقـاق
والـوجه يا حلـوه وياحبـني له

عليـك ماضني بتحتـار الأذواق
إلا ليـا كانه هبيـل وهبيلـه

صغير وتشيـل حملٍ ، ما ينـطاق
وشـلون عافرت الحمـول الثقيـلة

وأنا أحسبنـك طيـّب وقلبـك رقـاق
يامـدّرس ، فنـون القسـاوه لـ جيله

رح والشقـا ، على الهـواجس والاوراق
ياللي عقب فرقـاه شوقـه بديلـة

أشتـاق وأدري ، منت راجـع لـو اشتـاق
ميـر العـوض بالذكريـات الجميـلة

[ريم الفلا]

مبدع دائمآ بطرحك

استمتعت بحرفك

تسلم يمينكـ وصح لسان شاعرها.

احترااامي لك

[موادع]

يسلمك ربي أختي


شاكرا تواجدك الجميييييييل


كل الود والاحترااااام