الليالي والوفـا والشـوق والدمـع الأصيـل

[نـايـف الـشـمـري]

الليالي والوفـا والشـوق والدمـع الأصيـل
روحت مع موكب الأحزان في ماض الليـال
والسهر ومعانق الأحـلام والـدرب الطويـل
السبب فيها هنوف(ن) في خفوقـي لا تـزال
أقبلت مثل الهوا لا عانـق أطـراف النخيـل
وأرحلت مثل الضمى لا صاح من خلف الزلال
ياوجودي يـوم أناظرهـا وتشـر للرحيـل
وجد من مالت سنينه مثـل ميـلات العقـال
مابقالـي منهـا ياكـود دمعـات(ن) تسيـل
يوم لفت ترتجـي وصلـي ولا جاهـا مجـال
الوفي لامن بكـا لابـد يبكـي مـن غليـل
دمعته لا روحت تروي حكايـات(ن) طـوال
في خفوقي تبكـي الأشـواق وأهاتـي دليـل
وفي عيوني تحكي الأحزان عن قهـر الرجـال
والله إني مابغيـت أنسـاك يالصبـر الجميـل
لين شفت إن التواصل بيننا شـي(ن) مُحـال
علميهـا ياسحـاب الهـم بالقلـب العليـل
كيف تتركني بحر الشمس من عقب الظـلال
وخبريها ياحروف الحب عـن عابـر سبيـل
واحـدن ماحبهـا ياكـود عفـه وإرتجـال
وذكروها في حياة البدو جيل(ن) بعـد جيـل
كيف كنا نستر العذراء ولا نخشـى القتـال
يابـري حالـي وياوجـدي ليـا زاد الفتيـل
وأستضاقت فسحة الأضلاع من بعد الـزوال
وياوجودي لا برق جرحـي وعبراتـي تخيـل
ولاحت أمزون المحاجر وأنتثر دمعـي وسـال
وياوجودي لا أرتويت الهم عقـب السلسبيـل
وجد أهات الكويتـي فـي نهـار الإحتـلال
وياوجودي يـوم أناظرهـا وتشـر للرحيـل
يوم لفت ترتجـي وصلـي ولا جاهـا مجـال

[مارد]

موفق بإذن الله ... لك مني أجمل تحية .

[نـايـف الـشـمـري]

شـكــ وبارك الله فيك ـــرا لك ... على ردودك يا اخ مارد ... لك مني أجمل تحية .

[أدوماتو]

صح لسانك اخي نايف الشمري


. لك مني أجمل تحية .

[نـايـف الـشـمـري]

مشكور اخوي ادو ماتوا واتمنى لك التوفيق شكرا على ردودكم بما ان ردودكم الي يرفع اهميتي بالمنتدى
تقبلوا تحياتي...

[المتفائل جدا]

في خفوقي تبكـي الأشـواق وأهاتـي دليـل
وفي عيوني تحكي الأحزان عن قهـر الرجـال
والله إني مابغيـت أنسـاك يالصبـر الجميـل
لين شفت إن التواصل بيننا شـي(ن) مُحـال


هلا بك يانايف ... شاعر مرهف ورائع يالمبدع

لا تبخل علينا بابداعك

احترامي لك

[نـايـف الـشـمـري]

المتفائل مشكور اخوي يالغالي( تموت المراجل وتحيا فيكم ****وتصير ميزتكم وانتم راعينها)
شـكــ وبارك الله فيكم ـــرا لكم ... لكم مني أجمل تحية .