*·~-..-~*( حياة العزوبية متعة ام عذاب )*·~-..-~*

[فيصل الشراري]

*·~-..-~*( حياة العزوبية متعة ام عذاب )*·~-..-~*
الصراحة أعجبني الموضوع وتمنيت تشاركوني الراي بالموضع وأتمنى يحوز على رضاكم


العزوبية
حياة العزوبية للشباب والبنات
كلنا نعيشها او عشناها سابقا ونتذكرها ونحن لها
هناك بعض من الشباب والفتيات يحنون الى حياة العزوبيه بعد الزواج
يحنون الى الحريه ..
يحنون الى اشياء كثيره لاحصر لها ...
ولربما جعلو يبكون على تلك الايام ويتحسرون على ارتباطهم ...
ولربما ايضا" اثنو غيرهم عن الاستعجال بالزواج ..
وفي المقابل نرى هناك الكثير منهم من يتمنى ان ينضم لعداد المتزوجين
في اقرب فرصه تسمح له ,,

شباب عاشوا حياة العزوبية ولهم فيها ذكريات
وتزوجوا وحنوا لها ويتمنون يرجعون لها لو شهر واحد وكذالك البنات

- انت عزابي ام متزوج / هـ ..؟؟
- وش رايكم بالعزوبية ..؟؟
- حياة العزوبية اريح ام حياة الزواج ..؟؟
- ماهي الامور التي تفعلها بالعزوبية ومتاكد انك ماراح تقدر تسويها بعد الزواج ..؟؟
- لو حصل لك شهر عزوبية بعض الزواج راح ترتاح ..؟؟

.
.
م
ل
ط
و
ش

[ساأعود لكم]

برأيي أشوف كل حياه لها مميزات :


وطبعا حياة الشباب تفرق كثير عن البنات اللي الاحظه ان الشباب اغلبهم اذا تزوجوا يتمنون حياة العزوبيه ,,


اما البنت / اذا كانت عايشه بحكر عند اهلها اكيد تتمنى وتحلم بزوج يطلعها من العيشه اللي موراضيه فيها عند اهلها .

اما اذا كانت عايشه بعز عند اهلها وتزوجت بواحد يحكرها اكيد تتمنى ترجع ..

وبالاخير الزواج نصف الدين لابد منه وله مميزات مهما كان .....


تقبل مروري وشكرا لموضوعك الجميل أتمنى الكل يتفاعل ويطلع اللي بداخله ..

[مارد]

راح أجاوب على الأسئلة

- انت عزابي ام متزوج / هـ ..؟؟
عزابي

- وش رايكم بالعزوبية ..؟؟
العزوبيه حلوه بس مافيها استقرار زي الزواج

- حياة العزوبية اريح ام حياة الزواج ..؟؟
ماجربت حياة الزواج اعتقد على حسب طبيعه الانسان واختياره
اذا بياخذ زوجه صالحه تقدره فبكل تاكيد الحياه الزوجيه بتكون افضل بالنسبه له
وطبعا الحال نفسه بالنسبه للحرمه!! اذا الرجال بيخاف الله فيها وبيحطها بعيونه فاكيد بتختار الزواج
اما اذا العكس فما اقول الا الله يعينهم هم الاثنين!!

- ماهي الامور التي تفعلها بالعزوبية ومتاكد انك ماراح تقدر تسويها بعد الزواج ..؟؟
النظام وين رايح متى تجي جب معك هههههههه
السهر :صعبه تسهر عند الشباب والمره جالسه لحالها

- لو حصل لك شهر عزوبية بعد الزواج راح ترتاح ..؟؟
اتوقع الموضوع زي اجازة الصيف نتمنها ونتتظرها بفارغ الصبر ولما تجي نعيشها يومين ونمل منها

مشكوره على رووعهـ الطرح ..

تقبل مروري واطيب تحيااتي ..

ودمت بود ومحبـهـ **

[العالمي]

تسلم دواس الحب على الموضوع

- انت عزابي ام متزوج / هـ ..؟؟

عزاابــي..

- وش رايكم بالعزوبية ..؟؟

حلوة ..

- حياة العزوبية اريح ام حياة الزواج ..؟؟

اكيد العزووبيــة اريح ماافيه كلاام..


- ماهي الامور التي تفعلها بالعزوبية ومتاكد انك ماراح تقدر تسويها بعد الزواج ..؟؟

الحين كل شي على كيفي..

السهر مع الشباب والرحلات..

ماافيه ارتبااطاات ..

مسؤليــاات ..

اشغاال ..

الخ .....نسيت بعد ماراح اتابع مباريات العالمي خخخخخخخخخخخخخخخخخخخخخخخ


- لو حصل لك شهر عزوبية بعض الزواج راح ترتاح ..؟؟
والله ما ادري لأني ماجربت خخخ

[مخترع المسطره]

بالعكس حياة العزوبيه ماتنفع ابدا

<<< عزابي مع اربعة بشقه :eek:

جب ورقة وسجل معي :confused:

اولا دايم اجي من العمل تعبان ادخل الغرفه اشغل المكيف واطفي النور انام خمس دقايق يدخل واحد ويفتح الباب بقوه ويشغل النور وياخذ حاجه من الغرفه ويلطع ويترك الباب فاتح والنور شغال طبعا صوت التيفي على العالي واصواتهم تفجر اذانيك يعني مافيه راحت بال انسى


ثانيا النوم والأكل الروتين اليومي متقلب مو ثابت يعني احيانا الغدا نتغدى الساعه وحده بكره نتغدى الساعه خمس المغرب وبعدها مافيه غدا مره

ثالثاً مافيه تعاون بيننا ونتعب من كثر مانقول كل اليوم التنظيف على واحد
لان الشقه اللي يعزكم زباله

والكثير الكثير والله لو بقول ماتكفي صفحات المنتدى حتى اعدد لكم مضار حياة العزوبيه


بينما المتزوجين

شي ثاني :rolleyes:

راحت بال وحياة مستقره وانتم عارفين

بس اكيد الواحد يجي يوم يتذكر لحظات حلوه بعد مايتزوج ويحن لها

لاكن لو جينا للجد وخيرناه ترجع لحياتك الأوله قال مستحيل


مشاركه مني لاتفوتكم حياة العزوبيه - :eek:صور

شوفو الحوسة بس كل شي جنبك ياسلاااااام

من دون تعب رح المطبخ ولا شي كل شي عند راسك :D
http://www.abunawaf.com/mix/store2/3z1.jpg

http://www.m7shsh.com/vb/attachments/866d1150913645-1410_p58838-jpg

http://www.7rkt.at/uploader/uploads/3188629cca.jpg

يعطيك العافيه دواس الحب

[أدوماتو]

مواضيعك حلوه يا خوي ،، اتمنى استمرار نشاطك وعقلانيتك وربي يحفظك ،،

شكلك والله اعلم ناوي تعرس ..

- انت عزابي ام متزوج / هـ ..؟؟
اغلب من في المنتدى عزااااااااب
- وش رايكم بالعزوبية ..؟؟
جميله لكن غير منظمه بالغالب

- حياة العزوبية اريح ام حياة الزواج ..؟؟

شوف ياخوي اعتقد ان كل مرحله من حياتنا الها ضرورتها بغض النظر عن ايجابيتها وسلبياتها ..
فالانسان الاعزب حياته العزوبيه ضروره يحتاجها عشان يبدى يبنى نفسه ليشاركه شخص آخر في حياته ..من الناحية الاجتماعية والماديه.
الزواج يكون متعه اذا عرف الشخص المتزوج الهدف منه ..
اما اذا صار زواج عشان احط حرمه ديكور فالبيت وشوفوني تزوجت ياهلي ..
هذا مايسمى زواج .. كأنه وظيفه بلا راتب خلنا نقول ..
مثل ماقلت قبل بأن كل مرحلها ضروريه في حياتنا من ضمنها العزوبيه والزواج وكلا المرحلتين لازم نفهمها صح عشان نعيشه صح ..

- ماهي الامور التي تفعلها بالعزوبية ومتاكد انك ماراح تقدر تسويها بعد الزواج ..؟؟
كثيره لا استطيع حصرها

- لو حصل لك شهر عزوبية بعض الزواج راح ترتاح ..؟؟

ماعتقد..
لأنك بالزوااج رااح ترتبط بشخص ..
وتتعود عليه ..
وعلى وجووده معك ..
صعب بعد كذاا انك ( تنفصل ) عنه ..

همسه : اذا رزق الانسان بزوجة ودود ولود ،، صالحة تصونه في بيته حاضرا كان ام غائبا فاعتقد ان ايجابيات العزوبية تلغى بالكامل بل وستندم على انك قضيت يوم واحد وانت اعزب ، وبكل تأكيد العكس صحيح !

قال الرسول صلى الله عليه وسلم : ( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء ) متفق عليه

مخترع المسطره عجل بالعرس وانا اول شهودك


نلتقي اخوتي لنرتقي

[فيصل الشراري]

أشكركم جميعا على التفاعل الذي زاد موضوعي
جمالا وحسنااا

تقبلووو شكري جميعا

‘‘البتووول_مارد_العالمي_مخترع المسطرة_ادوماتو‘‘