لبيه صوتٍ يستحي لا تكلمت

[كحيلان العز]

بسم الله الرحمن الرحيم ..,’


هي ذاتها .. هي نفسها .. تستقطبني ابياتي لها ...
لماذا ... علل .. كيف .. لا أدري..!!

إلــى الأبـيــآت

لبــّيــه صوتٍ يستحي لا تكلمت ...

و تقول كن الشمس جوى خدوده ..

مشمش يذوّب صخرتي ما تحكمت ...

يصــعب عــليّــه لو أجاري نــفوده ..

عطرٍ يسيح بداخلي لا تسلهمت ...

و اسرع سكوني يوم اسابق جموده ..

لبيه قلبٍ يحتوي حكــمــة الصمت ...

ينسف جـدار الــروح حــتى يــزوده .. !!!

ما يعرف التاريخ من داخله عمت ... ؟؟!!!

ضميت قلبه .. وين ألاقي حدوده ؟؟

ناديت روحه يا هواي و تلعثمت ...

مدري انادي ضحكته أو ردوده ؟!!

يا شيخ قلبي عذبه لو تكرمت ..

حبه و سبه و انتهي في عضوده

ضمه و غمه .. علّمه ما تعلمت ..

بوسـه و حوسه عانده في عنوده

لبـّيه شمعٍ ينـتـثـر ما تلملمت ..

من وين بأرجع و الوعد في حيوده ..؟!!

ولهان صوتك عذبه دووم ما دمت

محفل ضلوعي يحتفي في حفوده

اعلان للعذال .. ( يا عاذلي نمت ؟؟ )

ابشر بنوومة مووت ما فيه عوده

ما همني لو قمت أو نمت أو قمت

محجوز قلبه و الختم من وروده

إشعار سابق ارسله ما تكتمت

وسّع خيام الحب و أقبل وفوده

ما كنت عاشق لين فيني تحتمت

فيني اغاني مع شهاده و جوده

قرّب و ناظر شوف باسمك توسمت

وسمة ذهب منحوت في وسط عوده


تــمـــت ..,’


الشاعر :: عبدالرحمن التميمي::

[شخطة قلم]

صح لسانك

شكرا كحيلان الجوف على الابيات الجميله

[موادع]

شـكــ وبارك الله فيك ـــرا لك ... لك مني أجمل تحية .

[كحيلان العز]

مشكورين على المرور