مشغل نسائي مشبوه

[ابو سفيان]

مساكم ورد جميعاً
هذا موضوع مهم جداً وهو انه في احد أيام الاسبوع الماضي تم بالتعاون مع رجال الهيئة والامن العام
تفتيش أحد المشاغل النسائية بدومة الجندل وقد وجدو كاميرات فيديو موصوله بأضائات المشغل صغيرة الحجم
يصعب على أحد رؤيتها طبعا الكاميرات هذي تشتغل اتوماتيكياً عندما تضاء الأنوار
طبعاً اكيد مركبين الكاميرات هذي خوفاً من سرقة هذا المشغل العالمي لوجود تصميمات لمصممين عالميين عرب امثال
عبد المحفوظ - أيلي صعب- باسيل سودا
يعني تصميمات ناس زي هذولاء لازم الواحد يحافظ عليها وإلا وش رايكم صبايا وشباب
طبعاً احب انوه اني اعرف اسمي المشغل لكن صعب ذكرة ولو احد يقول منت متأكد أحب اقولة ياغزيزي مافي دخان من
غير نار وفهمكم كفاية حبايبنا
............ أحتراماتي للجميع

[ساأعود لكم]

أخي ابو سفيان ( ومايلفظ من قول الا لديه رقيب عتيد )

يمكن يكون صحيح كلامك ويمكن مجرد اشاعات سمعتها انت من غيرك من ناس دنيئه ..

ومع احترامي لمنطقتنا الحبيبه (دومة الجندل ) انا الاحظ اي مشروع يفتح فيها يخص المواطنين سواء مشاغل او حدائق او مطاعم او اسواق الا شيعوا عليه هالاشاعات والله تعبنا متى يتطور فكرنا وتكبر عقولنا ؟؟؟؟!!!!!!!!!


وياويل لو احد يقول انت مومن منطقة الجوف والا كان غرتي على سمعت ديرتك .

اقسم بالله اني جوفيه اباً عن جد ومن قبايل معررروفه ..


والله تعبنا من الدفاع عن ديرتنا وحنا اللي نخربها بيدينا ..

الحين الرجال اللي سمعوا خبريتك ان كانت مو صحيحه مراح يودوون اهلهم للمشاغل وبكذا تصير المشاكل
( يعني كسبت ذنب من غير ماتحس )


ابو سفيان لو كنت متأكد من خبرك 100% ماظن فيها شي تقولنا اسمه بعد ماتستأذن الأداره . عشان ناخذ حذرنا ..


واعذرني ان كان كلامي زعلك او فيه تجريح لكن احب الصراحه وعمر الراحه ماتنزعل منها ..

[ابو سفيان]

لا يا ستي الموضوع مهو لعب عيال ولا فيه مزح والمشغل هذا مو توه يفتح بالعكس من صغرنا نسمع عنه ونشوفه

وممكن الاشاعات وارده ومحتمله لكن ابي اسالك سؤال ليش الجهات المعنيه ماتسوي كل فتره حملات تفتيش على هالمشاغل

زي الحلاقين ومحلات الملابس والعطورات وغيرها ليش يوم الناس تبدا على قولتك بالاشاعات ينتبهون

واحنا كثير طالبنا بالامور هذي لكن للاسف واللحين وبكره وبالمستقبل اذا انا ماقلت شي بيجي غيري الف واحد يوضح للناس

وانا واثق انو في ناس سمعو بالموضوع هذا كثير

[ساأعود لكم]

لا مراح احد يجي بعدك لأني من طلعت على هالدنيا وانا اسمع بالأشاعات هذي يعني مو جديده .


طيب والحل ؟؟؟؟؟

ماظن لو سمعتوا مثلاً انه هالمشغل او الموقع او اي مكان عليه شبهه ومتأكدين بعد
انكم تروحووون للهيئه باعتبارها مختصه عن هالشي وتشوفون لنا حل ليش كل واحد يقول مالي دخل ..

يعني اغلبكم تسمعون وتمشون تتكلمون ومو دارين عن مصداقية هالسالفه..يعني بس خراب بيوت وكسب ذنوب

الشر يعم والخير يخص..

ايضاً اخي ابو سفيان هالكلام مو موجه لك وحدك ..

ألف شكر على اهتمامك بمنطقتك ..

وونتظر من يأكد لنا الخبر وقبل لايتكلم ابيه يتذكر ربه انه بيحاسبه على الكلام ان كان مو متأكد ..

[أدوماتو]

شكرا لاهتمامك اخي العزيز ابو سفيان

اتمنى تواجد لجان تفتيش على المحلات

بالنسبه للاشاعات فهي كثيرة فبعضها تودي لقطع الارزاق وهدم البيوت

نتمنى التأكد من هذه الاشاعه

واذا كنت متأكد من الخبر هناك جهات يتم تبليغها بالامر وسوف تقوم بالازم باذن الله

[التومي]

والله انا سمعت فيه بس ماادري هو صحيح او لا الخبر

[فيصل الشراري]

ما سمعت شي من اللي تتكلمون عنه

أتمنى تكون إشاعات ولا نشوف الأفكار والخزعبلات هذي بمنطقتنااا

[الريم]

هههههههههههههههههههههههههههههههههههههههههههههههههه هه
ماسمعت عنه اما على الاشااعات بااقوول الصرراحه بدوون زعل
انا مو من دوومه بس والله عشت بها ست شهوور ماخلوو ولابقووا لانه غريبين ماادري عاداتنا غيرر عاداتكم والا انتم مو من السعووديه
شيء عجيب ولاتزعلوون ياااهل دوومه بس فعلا عندكم اشااعاات والله لما كانو يجوونا بنات مو حرريم يسوولفوون سووالف عن بعض
عجيبه ماادرري حتى القصوور عندكم لها نظاام غريب ماادرري موحابه احكي كتيرر انتم اهل الديرره وادررى بها

[أحاسيس طفله]

حرااااااااااام عليكم هالإشاعات والله قطعتو ديرتكم بالكلام والهذره اللي مال أمها داعي ياكم قطعتو أرزاق
خليكم من الكلام اللي مايودي ولا يجيب وإذا عندك دليل فيه جهات معنيه مثل ماقالو أخواني وأخواتي إلا متى التخلف