المجالس النسائيه وماادرك مالمجالس النسائيه..

[مهره بلا فارس]

السلام عليكم ورحمته الله وبركاته
اليوم لكم عندي حديث ممتع شيق لائق لائق مائق عن المجالس النسويه وماادراك مالمجالس النسويه
هناك انواع عديده وكثيره ومألوفه ومتكرره في جميع المجالس .. والمجالس النسويه لاتحتاج منا الى تعريف
لانها <اوردي> معرفه روحها بروحها ويالله ننطلق الى اولى الانواع :

*تاخذ المجلس لها لوحدها وكأن مافي المجلس الا هي !!ولاتعطي فرصه للحديث لغيرها .. تقولون راديوا على اذاعه بنقاليه مخلوع زر الصوت وضايع بعد !!عندما اعود للبيت بعد كل اجتماع يكون فيه مثل هذا النموذج ارجع تعبانه نفسيا وبطني يوجعني .. عندي كلام يحوس ويفحط فيه ومكبوت والكبت يولد الانفجار ..
*صامته ولاكلمه <عكس المدون اعلاه>وتدور بعيونها وتسمع وتجمع المعلوماتولاتسرب أي معلومه تقولين جهاز تصنت وتحظر العزيمه وتجلس ساعتين وتطلع , ماحركت براطمها كأنهن ملصقات بصمغ درجه اولى ولاتحسبون ان طبيعتها الهدوء لا بدليل ان اخبارك من الغد تجدينها منشوره على صفحات النيوزويك وبالتفصيل الممل وتكون طبعا هي المراسله ..
*عصبيه ونفسها في طرف خشمها : هذا النوع خطير جدا عند التعامل معه ويرجى الاحتراس من تصحيحاي معلومه تنطبق بها يعني لاتتميلح تقول لاااامو اليوم كذا واليوم كذا لانك ستواجه لوحدك سيلا من الشتائم والسب من النوع الاصلي تتخلله كلمات محرجه ولاذعه من جنس: انتي وش عرفك بهذي الامور؟!! كل راس مالك ناموسه توها طالعه من البيضه ... الخ!!
*حساسه وفائقه الحساسيه زعوله تفكر في كل كلمه وتعتقد ان كل كلمه هي المقصود هبها !! تظن بالناس ظن السوء , سؤالها الدائم والسرمدي !! <وش تقصد هذي> ؟؟!! العيشه معها هم والسلامه منها غنيمه ..
*مصلحه اجتماعيه على غفله !! كل مشكله عندها لها حل, تقولين تبيع في حراج عندها حلول للمشاكل الزوجيه, ومشكلات الاطفال,وكيفيه التعامل مع المراهقين , والتعامل مع الخدم والسائقين , والمشكلات الدراسيه وخدمه العمل والعمال ونظام التامينات الاجتماعيه وكيفيه خياطه ثقب الاوزون وعندها حل لمشكله صلع النسر الاصلع واخر حلولها .. علاج بخر فم الاسد ؟!
*خفيفه دم ضاربه فيوزاتها من اولماتدخل المجلس تقطع مصارينك من الضحك !! حتى قبل تتكلم ,وكل ماتعلق على شي تحس ان احد يدغدغك حتى لو تطلب كاس ماء اوتتحنحن او تكح اموت من الضحك !! من كثر الضحك احيانا ادمع ويوجعني بطني مجلسها متعه وماتملين من سوالفها

*راكده وتبيع ثقل وكلامها كله فوائد وموزون وناصحه ومثقفه طبعا هذا ان من العنقاء والفقع , والعرسان في هذا الزمان

اعذروني على الاطاله بس حبيت ان تستمتعون معي بهالانواع الخياليه <النسائيه>

[السنافي]

وكل الأنواع السابقة يجمعهم شيء واحد الا وهو ( الغيبة ) الا من رحم ربك .
تسلمين يا مهرة وان شاء الله تجدين فارسكِ .

[شيهانه بكف صقار]

لا يختلف اثنان لوجود مثل تلك المجالس بكثرة في اي مجتمع .....وبالمقابل لاننسى مجالس الذكر التي تقام وبكثرة في كل مكان هنا فالحلال بين والحرام بين .

شكرا مهرة