اكتشــــــــــــف برد الفضايــــــح &&

[الريم]

كلمات رائعة تحمل بين طياتها الالم و القهر .. الممزوجة بصدمات ..


و تكتسي خجلا من فضيحة حلت فتركت قلوب دامية و عيون حائرة و نفوس مضطربة !!










ما فيه أثقل في حياة الأب من غلطة بنيّة
و ما في شيٍ قِد تساوى بالقهر كثر الشماته


و المصيبة لو يجي هالوقت و عيونه خفيّة
و نظرة ٍ فيها التهايم من ورا اغلى بناته


و اكتشف برد الفضايح بين طياته الدفيّة
و البذور اللي تروّت ما تبشر في نباته


و انكسر بيد المذله في حياةٍ عنجهيه
و لعبةٍ غصبٍ شربها و انشبت باقصى لهاته


ما درى موتة كٍيانه من ورا بنت رديّه
و ما هقى سودِ البلاوي من وجودٍ في حياته


واحسافة و انتهى الرجّال و اطعونه قوية
و انصدم باللي تمرد و انطلق يكسر وصاته


و انتهى يشكي بناتٍ حطموا ذيك الوصية
و انفجر كل شي تعلق بين حلمه و امنياته


و ابتدى يصرخ و يلعن طيبة النفس الرضيّه
و انجبر يفهم و ياعي كيف لا فاته فواته


يا بنات الذل توبوا و اعرفوا حجم الخطيّة
و اذكروا عود تَهَقوا عدّل الدنيا بعصاته


و ارحموا امٍ تهاوت من ورا دمعة عصيّه
قدّروا اخٍ ترجى خير في سمعة خواته


يا كثر منهو تصوّب و انشبت فيه الشظيّة
و يا كثر منهو تمنى يطلب الله في مماته


اعذروا شاعر توجه يَقصد النفس الشقيّه
يرحم الله من يفرق بين ذنبه و حسناتِه,







للشاعر : مبارك العنزي


صح لسان الشـــــــــــــاعر

[راع الجوف]

صح لسان الشاعر
وتسلمي على النقل

[موادع]

يا بنات الذل توبوا و اعرفوا حجم الخطيّة
و اذكروا عود تَهَقوا عدّل الدنيا بعصاته

قصيده مؤثره أختي الريم تقبلي مروري