أموت ولا أتزوج رجل مطوع

[السنافي]

أموت ولا أتزوج رجل مطوع

ما أبي رجل ملتزم...

(لحيته تخوف...!!! )
أخاف انتِ اللي تخوفيه


(يا أختي الملتزم يعقد وما يخليني أروح وأجي على كيفي)


اعذار.. واعذار..


في البداية وقبل أن أقول وجهه نظري عن الكلام اللي فوق..


لماذا ترفض الفتاة الشخص الملتزم..!


قد يكون لديها اقتناع تام بأن الملتزم شخص ديكتاتوري

متسلط , ليس لديه مجال للمناقشة..

يظهر في بعض المسلسلات بصورة رجل متسلط متعصب وما عنده تفاهم

لو يشوف شي ما يعجبه يقوم يكسر ويخرب...


صوروا رجل الدين انه إنسان إرهابي... بخيل.. جاهل لا يفقه

ورجال الدين بكل صراحة ليسوا بتلك الصورة البشعة التي صورها ممثلينها في المسلسلات.

أكيد البنت تقتنع تمام الاقتناع أن الرجل الملتزم ما يصلح زوج

بمجرد ما تشوف تلك النوعية من المشاهد

فمن الطبيعي تخاف و تكره شي اسمه (لحيه)


بعض البنات تعتقد أن المطوع، ،الملتزم ::

لا يناسبها كزوج..لأنه متشدد ..لا يعطيها الحرية،،ولا الخروج


هذه نظريه خاطئة فكم أناس ملتزمون يعيشون قمّة الأنس والسعادة

مع زوجاتهم


يسافرون ،، يذهبون ،، يتنقلون يتسامرون ,,, ويكفي...

أن المطوع [[ الملتزم ]] إنسان يخاف الله

في نفسه وبيته وأهله ,,,

إنسان بار بوالديه...وكل إنسان باراً بوالديه تأكدي انكِ ستعيشين معه ملكه

..


~~~


ولكن سؤالي هنا ..~

لماذا رجل الدين إنسان غير مرغوب فيه ؟ !!

لماذا ترفض الفتاه كل ملتزم يتقدم لخطبتها برأيكم..؟

ماهو سبب انتشارالصورة السيئه عن رجال الدين..!

بانتظار كل رأي منكم لأنه الفيصل في هذا الموضوع


أخوكم

د . السنافي

[ساأعود لكم]

لماذارجل الدين إنسان غير مرغوب فيه؟!!
لان نادر تلاقي من يقدر الزواج وفعلا متشدد ومعقد
لماذا ترفض الفتاه كل ملتزم يتقدم لخطبتها برأيكم..
يمكن فيه عيوب التزامه مو كامل
ماهو سبب انتشارالصورةالسيئه عن رجال الدين..!
لأن طلعت موضه انه اللي يبي يتزوج يلتزم قبل كم شهر واذا تزوج بعد كم شهر رجع لعادته وتلخبط الملتزم مع السيء


انا افضل الانسان العادي اللي يصلي وعارف امور دينه صح,, افضل ...


العام تقدم لي واحد ملتزم ومن الخيره اني رفضت بعد الرفض عرفت بالصدفه انه يبي وحده ماتروح السوق ووووووو.. طيب وش المانع ماتروح السوق محتشمه ؟؟؟ يعني متشدد بأشياء كثيره والحياه ماتمشي بكذا ..

[السنافي]

انا افضل الانسان العادي اللي يصلي وعارف امور دينه صح,, افضل ..

هذا رايك يا البتول وبالمقابل هناك أراء أخرى ..تسلمين على مبادرتك .

[كن مثلي]

عن نفسي انا التمنى الزواج من ملتزم لكي يكون لي عون في ديني ودنياي وكل ماترجعت لقيت المعين الذي يهديني الى طريق الحق
بس بشرط واحد فقط
لايكون من متعددي الزوجات انا ماعترض على شرع الله بس الغيره لهادور راح تتعبني وتتعب نفسيتي
وانا انحبيت احد احب يكون معي انا وبس مافي اي احد ثاني في حياته غير اهله فقط مش انا نيه او حب تملك لا بس مثل ماتقول هو شي كبير في حياتي ومهم ولا استطيع المشاركه فيه

[a7la ledy]

يعطيك الف عافيه الموضوع مهم
ليه الوحده ترفض الملتزم بس بحجة لحيته
اذا كان يجمع الدين والاخلاق لامانع
ولكن الاهل لازم يسالون عنه اصحابه وحارته وجماعة المسجد للتاكد من جميع النواحي
واعتقد اللي ترفضه بحجة انه مطوع والسلام هذي سطحيه ومايهمها مستقبلها ومستقبل اولاده
وعموما المهم بالزواج الاخلاق والطبااااااع والالتزام المعنوي بالدين مو بس بالشكل
وبالنهايه الدين اخلاق

[التومي]

مشكور اخوي السنافي على مواضيعك الجميله .والله انا بنسبه لي الايام هذي مافي ملتزم الى القليل كلها موضه اللحيه ماهي طواعه واللتزام ديني بجد.ومااعتقد ان البنت إذا تقدم لها واحد ملتزم ترفضه

[موادع]

مشكور اخوي السنافي على مواضيعك الجميله .والله انا بنسبه لي الايام هذي مافي ملتزم الى القليل كلها موضه اللحيه ماهي طواعه واللتزام ديني بجد.ومااعتقد ان البنت إذا تقدم لها واحد ملتزم ترفضه



أنا مع أخي التومي في جميع ما قال والف شكر ع الموضوع

[pink]

بالعكس من قآل اننآ نرفض الرجل المطوع اصلا لو تجي وتسأل اغلب بنات مدرستي رح تشوف ان كلهن يبون يآخذون مطوع بعدين يالبتول مو كل المطاوعه كذآ بالعكس المطاوعه احس انهم طيبين وكذآ واذا جآني واآحد مطوع بوآفق يعني اذا رفض يوديك السوق تقدرين تخلينه يوديك أنتي وشطآرتك واللحيه ماتخوف عآآدي يعني لاهي زينه ولا شينه

اييه وبس :)

[حلــوة الحيــاة]

مشكور اخوي عالموضوع الرائع

أولاً ليش ماخذين فكرة عن البنت انها مالها رأي وكلمه توديها وكلمه تجيبها مع ان بالوقت الحالي البنات توعوا كل وحده لها شخصيتها المستقله وآراءها اللي مقتنعه فيها وما تتأثر بآراء الغير ولا بالمسلسلات زي ما تعتقدون

ليش ماتسألون ليه البنت ماخذه هذي الفكره عن الملتزمين يعني البنت ماتحب تعيش مع انسان يخاف الله فيها يعرف واجباته تجاهها ويعرف حقوقها عليه؟

المشكله اخوي مو بالبنت المشكله عند الشاب نفسه إذا فهم الإلتزام صح وطبقه بطريقه صحيحه بذاك الوقت تغير البنت فكرتها عن ( المطاوعه )

سبب انتشار هذي الفكره مو المسلسلات وبس سببها الرئيسي النماذج اللي نشوفها ونسمع عنها في حياتنا
تلاقي الشاب مرح وحبوب وعلى طول مفرفش بس يلتزم يتغير كل هذا وتصير التكشيره ماتفارقه وعلى طول مو عاجبه شي مايعرفون حتى طريقة النصح ينفرون الواحد من الدين

الملتزم الصح اللي يأثر التزامه على أخلاقه وتعامله مع الغير لأن ( الدين المعامله )

طبعا موالكل زي ماقلت بالعكس فيه ناس يحببونك بالدين ويكونون سبب لتقربك لله سبحانه

رأي شخصي واتمنى تقبله

[جولييت]

مشكور أخوي ع الموضوع الرائع

صحيح هالفكره كثير منتشره بين البنات

وأنا عندي أكثر من صديقه دايما يرددون هالكلام ووحده منهم

تقول (أنا أتزوج مطوع مايخليني أتابع مسلسلات وأسمع أغاني وألبس

ع كيفي ) وكلام سخييييييف كثير

أستغرب كيف الوحده تفكر بها التفاهه

ماتدري يمكن السعاده الي تدورها ماراح تلقاها بالمسلسلات والاغاني

تلقاها مع الي يحافظ عليها ويصونها

[شيهانه بكف صقار]

عنوان الموضوع جذبني اليه ......فاقول اموت لو لم اتزوج رجل مطوع



لماذا رجل الدين إنسان غير مرغوب فيه ؟ !!

لانه رجل دين وقليل من الناس من هم على استقامة




لماذا ترفض الفتاه كل ملتزم يتقدم لخطبتها برأيكم..؟

لانه بنظرها سوف يحرمها من ممارسة ماعتادت علية من ملهيات دنيويه
اما الفتاة المستقيمة فصدقني يااخي اضنها تكثر من الدعوات ليهبا عزوجل
زوجا مستقيماً ....وكلي قناعة بهذا :p

اطيب الامنيات

[السنافي]

أختي شيهانه مرورك على الموضوع شرف له .