بســمة الغـاليــ ... !!!!

بســمة الغـاليــ ... !!!!

أحبتي أعضاء منتديات دومة الجندل ..
الله يسع ـد حياتكم .. في حياتكم ..
بماإننا نجتمع في موقع رمز رياضي ... وأغلب من يدور أوبالأصح ماينثر من نصوص بهذا الموقع .. أخذت شبه منعطف كلي للنزف الرياضي .. وحباً في تلطيف الأجــواء ومصافحة أهل القلـوب الخضراء .. بهذا النص العاطفي الأكثر من متواضع ..
آملاً إن يرتقي ولـو للقليل من أستحسانكم وأعجاب ذائقتكم .. الأدبية .. كما يشرفني أن أقرأ بردودكم أنتقاداتكم الهادفه والتي من خلال سناء نورها .. أوعدكم بالأخذ بها ...
.... ملااااحظة ...
أنتظروووو قريباً ..
.,... راؤول العرب11 ... في نص شعري ..
أرااااهن من خلال أبعاد رسالته .. بإنني وبإذن الله تعالى سوف أتشرف بكسب رضاكم
أنتظرووووووني .. فلن أتأخر عليكم ..
....

كتبت الشعر ماأدورعلى الشهره مع الشعـار

كتبت الشعر أدور بسمة الغالـي ورضوانـه

هاذيك اللي إذا زعلت زعلها شيـن ياستـار

يقوم ألهـا القلـم والبـوك والشاعروقيفانـه

هاذيك اللي إذا زعلت علي مأخلق لهاالأعذار

رضاها عند عاشقها قصيـدة نـزف وجدانـه

هاذيك اللي لها عندي غلا حب ووفاء مقـدار

هاذيك اللي لها عيني وأنـا بالنـوم سهرانـه

هاذيك اللي إذا جتني تضوي لي بنات أفكـار

ليـا نورتهـا مابيـن فرحانـه وخجـلانـه

توريني بنظرتها من أسرار الغـرام أسـرار

إلى قامت تسلهم لي بطرف عيـون نعسانـه

بحور الأرض كم يغرق عليها من الطمع بحار

وبحر الشعرمايصعب على الموعود بالدانـه

أدورها وراء حدود الخيال وهاجس الأشعـار

وألاقيها على شاطى بحـور الحـب غرقانـه

تنادينـي وأجيهـا والمسافـه بينـا التـيـار

وموج البحر ضد المركب اللي صرت ربانـه

إذا قربت أنا منها تحذرنـي مـن الأخطـار

وإذا بعدت قالت لي ترانـي منـك زعلانـه

وأجيها وأنتشلها وأزبن الصحراء وأشب النار

من ضلوعي وأدفيها وهي ترجـف وبردانـه

وقبل ندفاء تهب العاصفه والريح والأمطـار

وتطير بنار شوقي فالهـواء وتشـب ضيانـه

وأحط إيدي بإيديها وأشوف السيل دون الغـار

ولادري كيف أخذها من يديني عنـد بيبانـه

وأضيعها وألاقيها بعـد مـده بصيـفٍ حـار

تنادينـي وترفـع يدّهـا وتقـول ضميـانـه

وأسيل للضماء فيها من أشواقي بحر وأنهـار

وأخليها تخيّـل كـن روحـي ظـل رمانـه

وقبل ماأبل ريق الشوق بركان المفارق ثـار

فتحت العين أدورها لقيـت العيـن عميانـه

أناديها وأصيح أنتي يمين الصوت ولاإيسـار

ويجيني ردها ...لا... لا... ماأبيك تشم دخانه

هقيت إن القضاء جاها وقلت آمنت بالأقـدار

ورحت أكتب حكاية حب ثم ماتت على شانـه

يعزيني عليها اليآس ويبشرني بها الأصـرار

وأنشد ياعرب من شـاف للهيمـان هيمانـه

أسولف عن فتاةٍ يذكرون ألهـا بعيـد أذكـار

تنشد عن فتاً وسم الهـوى بأطـراف حجانـه

أظن أحدٍ على الطاري يجي من يمها بأخبـار

وأحن ألها حنيـن المغتـرب لديـار خلانـه

ويبون الوصف مني بس أنا في وصفها محتار

أنا وشلون أوصف خلقـة الرحمـن سبحانـه

ماأقول إلاّ هاذيك اللي عليها العيـن ماتختـار

إذا بانت علـى مـد النظـر للشـوف فتانـه

ولالقى من يخبرني وأقوم أواصـل المشـوار

وأحسد الطيـر جنحانـه لياستّـل بجنحانـه

وألاقيها على عهدي تغني لي(على التذكـار)

(على التذكار) أنا ماخنت عهد الحب لوخانـه

تسولف للقضاء عني تقول أبطاء عساه مجـار

ياليته قبل مايرحل عطانـي كـرت عنوانـه

وترفع يدها من فوق خـدٍ كـن فيـه أزهـار

وتمسح دمعة ٍطاحت علـى الخديـن تعبانـه

وقفت أقول أنا ماقلت لك بـإن الزمـن دوار

وجتني مـن فرحهـا ثوبهـا ترثـع بشلانـه

من الفرحه تعانقنا وغفينـا والدمـوع كثـار

أقول ألها أنا ولهـان وهـي تقـول ولهانـه

ولكم خالص تحياتي
أخوكمــ الدائمـ : راؤول العرب11
المهاجر

المصدر: منتديات دومة الجندل

---

fsJJlm hgyJhgdJJ >>> !!!!

يسلمووووو على الابداع الرائع

صح لسانك
دمت ودام قلمك
بأنتظار جديدك الشيق
تقبل مروري