عسى يكبــر ويذكرني ويسمِّي بـ " إسمي " : إعيالـه

عسى يكبــر ويذكرني ويسمِّي بـ " إسمي " : إعيالـه

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..
أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .
رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه
تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه
وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه
ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله
كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله
أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه
لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله
وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!
شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه
وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .
في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله . !!
من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه
أبيات في الصميم ... آمل أن تحوز على رضاكم...

المصدر: منتديات دومة الجندل

---

usn d;fJJv ,d`;vkd ,dsl~Ad fJ " Ysld : YudhgJi

شروق الشمس

ذائقه رائعه واختيار موفق

تسلم الايادي

ودمتي مبدعه

مرورك أسعدني وإطرائك شرف لي


دمت متألق وبانتظاار جديدك

تمنيت البشر مثله . . . وكل من حولي أمثاله . !!
من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه

يسلمووووووووووووووووووووووووووو ابيات رووووووووووووعه عساك على القوه شروووووووووق

قصيدة ابداع اختي شروق الشمس

دمتي مبدعة دائماً

بإنتظار جديدك المميز

دمت ودام احساسك

عشقي دومة الجندل

سلمك الله

ابو تركي الحربي

قمة الإبداااع ردودك حفظك الله

دموع الورد

دمتي بود