قصيدة المطيريه ورد ذيب الشمري << مؤثره

#1 11-10-2010, 11:24 AM

السلام عليكم

الشاب مشعل الديحاني رحمة الله عليه في بداية كتابته للشعر ومن اشد المعجبين بالشاعر ذيب الشمري ويزوره باستمرار ويلتقي بالشعراء الذين يتداولون الشعر ويناقشون اغراضه بين نقد واستحسان وكل ما يتعلق في شؤون الشعر وكان مشعل الديحاني رحمة الله عليه عندما يعود إلى المنزل يقول لوالدته لقد كنت عند ذيب وسمعت من الشعر كذا وكذا وحضرت آخر محاوره وكان ذيب هو الافضل وبين الحين والآخر يكرر اسم ذيب وعندما انتقل إلى رحمة الله بسبب طلقه من شوزنه بالخطأ عند تنظيفه أمام والدته... وبعد ايام من وفاته ذهبت والدته برفقة ابنها طلال وشاء الله ان تستوقفهما الاشارة الضوئية بجانب ذيب الشمري قال ابنها طلال: يا ام خليفة هل تعلمين من هذا الرجل الذي في (الجيب) قالت: لا قال طلال: هذا ذيب الشمري الذي يذكره مشعل باستمرار وعنذئذ ثارت عاطفة الأم الجياشة وبعد عودتها إلى المنزل خاطبت ذيب الشمري في هذه القصيدة تسأله هل ما زال يذكر مشعل ام نساه...؟

يا ذيب يا ذيب الرجاجيل يا ذيب = اللي بعيد الدار واللي هنيه

يا ذيب انا بنشدك ما شفت لي ذيب = ذيب نصحته عن طريقه وعيه

ذيب يرد حوض المنايا ليا هيب = وطلعه مثل طلع القمر والثريه

يا لشمري يا ذيب يا منبع الطيب = ذيبي خذاه الموت ما هو بحيه

وانا بكيته لين راسي غدا شيب = وصبرت صبر ايوب غصب عليه

طرى على في يوم شفتك على جيب = يمدحك مدح بزود ما هو شويه

كانك عرفت شعيل ما به عذاريب = غير الشجاعه والكرم والحميه

يا الله وانا طالبك يا عالم الغيب = لا توفق اللي باعه البندقية

رد ذيـــــــــــــــب

يا ناشدتني عن شطير المخاليب = اللي سرى في ليلة خرمسيه
عليه انا مثلك جروحي معاطيب = وانتي تزيدين الجروح الخفيه
والذكريات اللي تشب اللواهيب = لو ما طلبناها تجينا هديه
اقدر اصحاب القلوب المصاويب = لو يحذفوني بالجحيم اللظيه
مكتوب جاني غير كل المكاتيب = مشاعر من عاقله واجوديه
بنت الرجال مكملين المواجيب = اهل المفاخر طيبين السجيه
جاني سؤال عذب الروح تعذيب = اشد من ضرب السياط القويه
واشد من ضرب السيوف المحاديب = وامسيت مستسلم ورافع يديه
اشعيل اعرفه دون شك ولا ريب = بالمعرفه ما هو غريب الهويه
لو هو صغير ولا مظاله تجاريب = بالطيب دايم عالي المعنويه
اطول عمار من البشر نوح وشعيب = كل بيومه واجهته المنيه
ولو كانت الدعوى فزوع ومطاليب = بين البشر ما نعتبرها قضيه
في لازمك تمشي طوال الاشانيب = ما يرجعون الا عليهم رضيه
ولو البكا والنوح وتشقق الجيب = يردلك نور العيون الشقيه
ارسل لك صفوف البنات الرعابيب = جميع وحده تدعي شمريه
يبكن ويلبسن الثياب الغرابيب = في لازمك مثل النحل بالخليه
لا شك ما تنفع جميع الاساليب = ادعي عسى الرحمن رب البريه
يجعل له الحور الكواعب معازيب = بين الحدايق والقصور البهيه
في جنة يصفى بها البال ويطيب = ويجمعكم الله بالنهاية سويه

المصدر: منتديات دومة الجندل

rwd]m hgl'dvdi ,v] `df hgalvd << lcevi