سجل أفضل بيته سمعته ولا تبخل علينا.......؟

أنا لا جيت أبهديلك .. عيوني لك أبهديها
و إذا ما كفت عيوني فداك العين و راعيها
أنا عمري فدا عمرك .. أنا كلي تحت أمرك
لأنك أغلى شي عندي في هالدنيا و ما فيها

...

أنا من لي في هالدنيا عشانه أسهر و أحيا
ومن غيرك إذا شفته ينسيني بلاويها
أشوفك فرحه همومي و أجمل شي في يومي ...
و يكفي يوم أناظر فيك أرى نفسي و ألاقيها

أنا من كثر ما أغليك و أحبك حيل و ميت فيك
أبي بس تطلب عيوني و أقولك خذها مابيها
و تدري يا بعد هالناس كثر ما أعشقك ب احساس
أحس روحي تبي تسأل .. أنا ولا إنت راعيها

اهداء خـــــــــاص

يومٌ شفتكَ معتبرنيّ لكْ .. [ حبييبً ‘

قلت أجيّ ، واحّط لحروفكْ `ن ق ط `

مآ ( أحبكْ ) بسّ‘ مآودي تغيبْ ,

ب آسّمعَ أخبآركِ وآفرح لكَ `ف ق ط `

مآهو ذنبّي / كآن تحسّبني قريبْ !

ؤش آسّوي فيكْ تفكَيركْ ` غ ل ط ,’

ياضايق الصّـدر بالله وسّـع الخاطـر

كلمـه يقولونهـا لكـن مَحَـد يـدري

أن الفَرَح لانُوى من صـدرك يهاجـر

مافاد بَه لـو كنـزت المـاس والتبـرِ

والصاحب اللي بِفَن الجَرح هو شاطـر

يَجْرَحْـك ثـم يشتِكـي ويقـدّم العُـذرِ

اللـي غـلاه بحنايـا الـرّوح متناثـر

وأحتل حِدْبَ الضُّلوع ونام من بَـدري

أحور عيونه ، هَدَبهـا، كِحْلهـا آسِـر

أدعّج غَنَج لا لمحْته ينطِنِـخ شِعـري

جَنْدل جيـوش الغـرام وقادَهـا آمِـر

دَكّ الحصون المَنِيعَـه داخِـل الصّـدْرِ

طاغي بلحـظ العُيـون لزلّتَـه غافِـر

حتّى بحِلمي مليعيـن الجِـدَف يطـري

مِنشان عينه غَدَيْت اليوم أنـا شاعـر

وأسرَجت خيل القوافي ، شاش بَه فكري

لاني طلال الرشيـد ولانـي السّامـر

ولاني الاصمعي ولا بُحتري عصـري

القاف لي وَرْث ماجيتُه على الخاطِـر

دقدق ودمـدم ورمّـم فطرتـي بـدري

ياااااهيه لبّى عيونَـك لِـد لـي ناظِـر

آبي آروي عيون فارس قبل لاتسـري

ملعون ابو الشعر أن ما أَعْجِبَك كافـر

لآ أحرّمُه وأقطعُه وآتوب مـن كُفْـري

التِّبر = الذهب قبل الصياغه
دقدق = كسّر
دمدم = دفن
رمّم = اعاد بناء

دونكـ الدنيا عساها ماتدومـ
مالها في خاطري اي اهتمامـ

يشهد الله مسكنكـ وسط العيون
وانكـ اول من صحى فيها ونامـ

لوتبي عمري مع ايامه تمون
فدوتكـ عمري ولافيها كلامـ

حب يغيب وصاحبه مابعد غاب

وحب يدوم وصاحبه في غيابـه

وحب يذوب خافق مابعـدذاب

وحب يداوي صاحبه من عذابـه

أكتويت بحبــك ولازم أتـوب........لجل عينـــك كم تحمــلت المــلام

اللي يحبك يبي يدمح لك الزله
ومن يكرهك ما يدور غير زلاتك

من عيني اليمنى زما سيل هدار
ومن عيني اليسرى غدا السيل سيلين

والهم يتبع خطوتي بكل مشوار
من هامتي ينزف على أقدام رجلين

والنار شبت بي هنا داخل آوجار
داخل قفص صدري على راس ضلعين

تأججت نار الحشا فوق (سنجار)
ومن بعد (أجآ وسلمي) رأها الكفيفين

الموت حق وكل نفس تذوقه
مار البلا من ذاق موته ولا مات

الضيقه اللي تبتدي ب أخر الليل
تطلق ســراح الدمع من سجن عيني
احااااول اجمع دمع عيني بمنديل !
والقى مناديلي تموت بيديني !
من كســر ة الخاطر الى هدت الحيل
مسافةٍ بين المنيه وبيني !