~مجموعــــــــــــــــــه قصائد عن الرياض ~

~مجموعــــــــــــــــــه قصائد عن الرياض ~

*هذي بعض القصايد عن الرياض *
.
رحلت من الرياض ومقصدي كله.. عشان انساك
نسيتك؟ لاحشى واللي خلق راسي .. تنااسيتك

تناسيتك نعم لكن بقت في داخلي ذكراك
بقى في داخلي زولك.. بقى في داخلي بيتك

الا ياكيف أنا باسلى ليالي غربتي.. واسلاك؟
مدام اني ليا جيت لمرايه غرفتي .. جيتك

أشوفك في وسط عيني .. وأغمضها عشان امحاك
واشووفك داخل جفوني اذا غمضت ..ضميتك

اضمك واشتكي طيفك على طيفك بدون إدراك
وانا في غربتي ليتك .. تحس بحالتي ليتك

ورى عوج الضلوع القى بقايا ضحكتك .. القاك
واسافر لك وانا حيك.. واسافر لك وانا ميتك

نقشت أسمك على عرق الخفوق اللي فقد يمناك
واذا مر النفس صدري تذكرتك .. وحييتك

سنه مرت ..وانا قلبي يعيش بضيعته .. بحماك
بدون أسباب لا تسأل ليا مني تمنيتك

اهذري بك واغني بك (أنا اهواك أنا اهواك)
وأمرك تايه .. واذكرك لامني تعديتك

حبيبي طالبك تكفى ..سالتك بالذي سواك
وش اللي يمنع عيوني ليا جيتك وراعيتك

تحاكمنا على الفرقى بدون اسباب .. يامقساك
تخالفنا.. تعدينا الحدود .. ورحت خليتك..

كذا مامن سبب يشرح نهاية قصتي وياك
تكبرت.. وتكبرت.. وتحديت .. وتحديتك

تفارقنا ودمعات القهر تخشع على لاماك
وبلاي اني من دموع الوداع المر واسيتك

حبيبي والغضا كله ..مساحات..وسما..وافلاك
يضيق وغيبتك قشرا.. وانا جيتك وناجيتك

مدام ان الغياب اللي يداعب غربتي فتاك
اماانة لاتجاهلني .. وانا للوصل ناديتك

صحيح اني تجاهلتك وخليتك عشان انساك
ولكن والذي سوى عروقي ..بس تناسيتك

تناسيتك نعم لكن بقت في داخلي ذكراك
بقى في داخلي حبك.. بقى في داخلي بيتك....

****************************

الله يمسي ديـرة الخيـر iiبالخيـر

الله ينـورهـا ويـجـلا iiظـلامـه

عسى السحاب يمرهـا iiبالتباشيـر

يهـل مـن وادي لبـن للثمـامـه

قلت الرياض وانكشف سر iiهالبيـر

قلته وناحت وسط صدري iiحمامـه

قلت الرياض وطار من مهجتي طير

مشتاق لـه والقلـب زايـد iiهيامـه

ياسعود ياطول السفـر iiوالمشاويـر

ياسعود طولنا عن اهـل iiالشهامـه

وين الحبايب والاهـل iiوالمناعيـر

ودي بشوفتهـم ولـو بـه iiملامـه

اغراب والغربه هجـوس iiوتفاكيـر

وموج الهموم اليـوم زاد iiالتطامـه

شهريـن ماجتنـا ردود iiومعاذيـر

شهرين والهاتف سكت عن iiكلامـه

الله يصبرنـا علـى iiهالمقـاديـر

بفراقهـم لا مانعـرف iiابتسـامـه

يارب عجـل بالفـرج iiوالتياسيـر

يـارب رجعنـا لهـا iiبالسـلامـه

*****************

في الليالي الوضح ..

والعتيم الصبح ..

لاح لي وجه الرياض ..

في مرايا السحب ..

كفّها فلة جديله من حروف ..

وقصة الحنا طويلة .. فـ الكفوف

من نده عطر الرفوف ..

لين صحاه ..

في ثيابك يا الف ليله..

وفي الهبوب ..

انثنينا يا هبوب النعاس .. والحلم ..

ألف غصن من اليباس ..

فز لاجلك .. وانثنى ..

اكسري الاوهام كاس ..والمواجع فم

وان عشقتيني انا ..

ما ابي من الناس .. ناس ..

ما علينا .. لو طربنا وانتشينا

آه .. ما ارق ( الرياض ) تالي الليل ..

انا لو ابي ..

خذتها بيدي .. ومشينا ..

***
يا نصيبي من الصور .. والرسايل

ومن كل شمس قايمه .. ومن كل ظلٍ مايل ..

يا مكاني من البيوت ..

ومن الصحاري اللي .. فرقت فكري قبايل ..

وين احب الليله .. وين اهيم ..

اقبلي مثل ديم ..

أو غصون النار تنبت فـ الغضى ..

وبين ما خلى من النخيل الفضا ..

وما نسى الغيم ..

أقبلي .. يا بختري عيوني من الربيع ..

وطل وجهي من الشتا ..

ومثل صوتي من الهبوب ..

اقبلي مثل الرياض ..

من تعاريج الدروب ..

في ضلوع الوادي ..

وين حبيتك قمر .. فوق طين أجدادي ..

***
وين احب الليله .. وين أهيم ..

ارفعي طرقة الشيله .. عن سديم ..

وكوبٍ وهاج ..
ا
قطعيني بنصل طرفٍ سادرٍ وحجاج ..

شقيقيني يالهبوب العارضية ..

واهدمني سياج ..

لين أغني الهوى ما هو خطيه..

يالعفاف اللي تسربل بالبياض ..

كل ما قربت يدينا ..

ناض طير.. وجض ريم ..

ما علينا ..

آه .. ما ارق الرياض تالي الليل ..

انا لو ابي ..

خذتها بيدها .. ومشينا

****************

.. .... ..
الأرض لا مـن مرهـا الغيـث تحتـاس
بعد الضمـى تشـرب ويذهـب جهدهـا

من طيبها ينبت بها الـورد بـا جنـاس
وتجلـي عـن الصـدر المعنـى نكدهـا

يا حلو نبت العشـب مـن قبـل ينـداس
وشوف الرياض العامـره فـي عقدهـا

بعض الليالي وان غـدى ليلهـا نعـاس
تسري بهـا الذكـرى وترحـل وحدهـا

وبعض العلوم ان جات من ناس عن ناس
يزيـل هـم الـي همومـه سـردهـا

وبعض الكلام ان كان بالصدر هوجـاس
يـزداد بـه حرقـه وروحـه جلـدهـا

الناس يا اللـي تفهـم النـاس للنـاس
والـرب عالـم غيبهـا مـع بـددهـا

نـاسٍ صداقتهـم بالألمـاس تنـقـاس
ما هـي تضيـع المعرفـه فـي بلدهـا

الطيب فيهم ما عـرف طبـع الافـلاس
وقلوبهـم مـثـل الـذهـب تعتمـدهـا

وإلا الـردي نفسـه تبيعـه وينـحـاس
روحه وهـي روحـه يقـوم يحسدهـا

قلت الكلام اللـي كتبتـه مـن الـراس
قلبـي نجـوم الطيـب حافـظ عددهـا

المصدر: منتديات دومة الجندل

---

Zl[l,uJJJJJJJJJJJJJJJJJJi rwhz] uk hgvdhq Z

في الليالي الوضح ..


والعتيم الصبح ..


لاح لي وجه الرياض ..


في مرايا السحب ..


كفّها فلة جديله من حروف ..


وقصة الحنا طويلة .. فـ الكفوف


من نده عطر الرفوف ..


لين صحاه ..


في ثيابك يا الف ليله..


وفي الهبوب ..


انثنينا يا هبوب النعاس .. والحلم ..


ألف غصن من اليباس ..


فز لاجلك .. وانثنى ..


اكسري الاوهام كاس ..والمواجع فم


وان عشقتيني انا ..


ما ابي من الناس .. ناس ..


ما علينا .. لو طربنا وانتشينا


آه .. ما ارق ( الرياض ) تالي الليل ..


انا لو ابي ..


خذتها بيدي .. ومشينا ..

رائعه من روائع البدر
أحسنتي الانتقاء أختي

بانتظار جديدك

ألا ياهل الرياض أول غرامي
......................... تذوقته مـع خـل شــفوقي
عـلى يدكـم تعلمت المحبه
......................... وصـافي الحب فيكم يالشروقي
هواكم حل في ذرات جسمي
......................... وفي جسمي نشع كامل عروقي
غشاني كالكـرى حتى تمكن
......................... من أفكاري ومن روحي وشوقي
سما في عالي الأفكار عندي
......................... تكـامل فـيه رغبـاتي وذوقي
هوى بالي متى بالي يروقي
......................... إلا شـفتك ويرتــاح الخفوقي

اختيار رائع يعطيك العافية نجدية

دمتي ودام نبض روحك بيننا
احترامي لك

أختياااااار رائع دام نبض قلبك
ودي لك

أحسنتي الانتقاء أختي

بانتظار جديدك