على كثر المواجع تبسمــــــت&&

على كثر المواجع تبسمــــــت&&

آلصمت له عندي معزّه ومقدار
في زحمة الافواه .. يا مزين الصمت !!


لا صار بعض البوح عند البشر عار
لو يشتعل جوفي حشى ما تكلّمت




تعبت من قولة : (علامك) و (وش صار )
وان طحت ما ألقى سوى كلمة (سلمت)



واعذار اخلقها ولو مالي اعذار
مشّيتها مره .. ومرات ما رمت !!



كذبة صباح الخير/ يا صبح الانوار
عذري ليا عدّت ليالي ولا نمت




اسهر طوال الليل وضْيوفي افكار
واقول لاْصحابي : نعم توّني قمت !!



ما عاد فيني ألفت عْيون واْنظار
يكفي بأني من زماني تعلّمت




ان الصدر بيت/ن .. وسكّانه اسرار
نيّام .. بس يصحون لامن تألّمت




يصحون ويناظرهم الجار والمار
وش عاد ينفع سترهم لو تكتّمت ؟!!



آقدّم اقدامي على درب الاصرار
امشي ولكن للأسف ما تقدّمت




(النار قدامي .. ومن خلفي النار !!)
والعمر يمضي بي وانا ما تولّمت




ا لين ذاك الحلم في لحظه انهار
وانا مع لحظة سقوطه تحطّمت




اجروحي اكثار..وتناهيدي اكثار
لكن على كثر المواجع .. تبسّمت !!



ثم أْلتزمت الصمت وعزومي اكبار
ولو يشتعل جوفي حشى ما تكلّمت






مما استوقفني

المصدر: منتديات دومة الجندل

---

ugn ;ev hgl,h[u jfslJJJJJJj&&

اجروحي اكثار..وتناهيدي اكثار
لكن على كثر المواجع .. تبسّمت !!



ثم أْلتزمت الصمت وعزومي اكبار
ولو يشتعل جوفي حشى ما تكلّمت

صح لسان الشاعر أختي الريم نقل رائع ومتميزه بنقلك الجميل

يسلموو خيييتوو


تقبلي مروري