آخر 10 مواضيع
|
|
|||||||
|
|||||||||||||
|
|
||||||||||||
| ۞ الـقـصـص و الـروايـات ۞ خاص بالقصص القصيرة والمطولة والحكايات |
 |
|
|
|
|
أدوات الموضوع | انواع عرض الموضوع |
|
#1
06-16-2009, 05:31 AM
|
||||||||
|
||||||||
الفرق بين ورعان النسيم والنظيم,,وورعان العليا والسليمانيه ؟؟؟؟؟؟
<div>الفرق الشاسع بين ورعان حي العليا والسليمانيه (الهاي هاي) وورعان حيالنسيم والنظيم بالرياض ..!!
(ورعان العليا والسليمانيه بالرياض) في الصباح حيث يبدأ يوم هؤلاء الورعان عندما يستيقظ على صوت الكناري اللي بغرفته , بعدها يتوجه للحمام يتروش ويفرش أسنانه ويطلع من الحمام تستقبله المربيه بالمنشفه وتصبح عليه يروح يغير ملابسه وياخذ شنطته وينزل لغرفة الطعام ويصبح على أمه وأبوه وأحلى بوسه ياخذها منهم ويفطر ذاك الفطور طبعا عباره عن كورنفليكس أبو ديك وبيضه وحده بس!! وكاس عصير وشوية زبده مع العسل على خبزه بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصه (ورعان حي النسيم والنظيم) هؤلاء الورعان مايصحوا من النوم الصبح إلا بعد ما يطلع الواحد عين أهله ولازم جميع أفراد العائله تمر عليه عشان تصحيه وكل واحد وطريقته الاب: قم جعلك الهزل ..!! الأم: قم جعلك الجدري ..!! الأخ: والله إذا ما تقوم لافقع وجهك ..!! أخته: < تسوي نفسها بتدلعه> : يالله قوم وأعطيك شنطة أخوك تروح فيها للمدرسه ..!! بعد ما يقوم يمر الحمام على السريع ويغسل وجه وبعدين ياخذ أقرب كتب عنده ويربطها ويجيك مدحدر يدور الفطور ويتفاجأ أنهم ما حطوه ..!! بعد ما يجي الفطور وهو كالعاده فول شكشوكه وخبز تميس + حليب ..!! يبدأ الورع بالأكل وشوي إلا وهو حاذف أخوه بعلبة الهندسه ..!! عشانه سحب صحن الفول من عنده وشوي الا وهو مسدد بقس عنيف يمشي مليوووووووووووون لأخوه الثاني!! لأنه سرق فسحته..!! أبوه يتكلم معه يا ورع أركد وأفطر وعين خير أنت وش بلاك؟.. وراك مدرسه يرد الورع عليه: انت ما تشوف سعيدان سارق فسحتي ..!! أبوه على طول يصدق ويصـــــــك سعيدان كف صدقي ..!! المهم بعد ما يخلص الفلم اليومي يروح الولد للسياره يلقى أخوه فاتح الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه ..!! (ورعان العليا والسليمانيه) بعد المدرسه يرجع الورع ويلقى المربيه في استقباله تاخذ الشنطه وتوديها لغرفته بصحبته يغير ملابسه ويغسلو جهه ورجليه ويستريح له ساعه في أنتظار افراد العائله عشان يتغدى وبعد الغداء الرايق يروح لغرفة الجلوس ويشرب شاهي للتهضيم , ويحلي بقطعة كيك وبعدين يروح لغرفته ينام له ساعه قبل العصر. (ورعان النسيم والنظيم) الورع منهم يجي من المدرسه وثوبه قالب لونه بني> ولا دخل البيت رمى الشنطه بالصاله وفصخ ثوبه ووينك يالشارع > وهاتك ياللعب كوره بذي القايله وعاد الشارع مولع من الحراره وهم عادي مررره ولا كأنه فيه شيء واهله ما يدرون ..!! في هذه الأثناء يرسل أبوه كتيبه من اخوانه للبحث عنه ولا لقوه وجابوه للبيت قام يصيح طقوني وسحبوني قدام الناس > المهم يحطون الغداء غيره ما فيه ..!! يتغدى الورع الكريم ويصــــــــــــــــــك بعدها لتر لبن بعدها يجلس ساعه فاتح فمه يحتري من يوديه يغسل له يديه ..!! (ورعان العلياوالسليمانيه) ورعان العليا والسليمانيه لاجاء العصر جابوا دروسهم وشافوا وشعليهم من واجبات وحلوها وحضروا دروس بكره بمساعدة الماما والبابا بعدها يروح لغرفة الألعاب ويجلس على البلاي ستيشن 3 وخذ لعب لمدة ساعتين تقريبا يعني الى وقت ما بين المغرب والعشاء بعدها تطلبه أمه مع بقية أخوانه عشان يجتمعون ويشربون العصير ويسولفون سوالف رايقه (ورعان النسيم والنظيم) يجي وقت العصر وهو نايم > يقوم قبل المغرب وياخذ دروسه وواجباته > ويروح عند أخته ويتحايل عليها بكل ما أوتي من قوه علشان تحل له الواجبات واذا قالت لاياويلها يا سواد ليلها..!! بعد كذا أنواع الدجه مع ورعان الحاره ومن هم على شاكلته ما يخلون هندي الا وسرقوا سيكله ..!! مايخلون شارع فيه تفحيط إلاومروا عليه وخذ إزعاج ووجع راس لخلق الله ..!! ولا رجع البيت > تلقى راسه مفلق من جميع الاتجاهات والشرطه تدوره وجارهم مسوي أعلان عليه مطلوب حي أو ميت ..!! وأهله مساكين مايدرون عنه ..!! (ورعان العليا والسليمانيه) بعد مايتعشى الواحد منهم ويمسي على أهله يروح لغرفته ويجلس على النت ساعه أو ساعتين إلى موعد نومه > بعدها يغير ملابسه , وتجي المربيه وتحكي له قصه اللين ينام تغطيه وتطفي النور ..!! (ورعان النسيم والنظيم) لا رجع البيت ما يدخل مع الباب لا ينط منفوق السور علشان ابوه ما يمسكه..!! وعلى طول لغرفته ويسكر الباب ويطفي النورو يطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه مع الناس ومع جارهم ومع الشرطه ..!! وفي أثناء ذلك يستغل الفرصه ويدز للمطبخ وياخذ منه جبن > وخبز ويرجع لووووووووووكره (( غرفته )) ويقفل بابالصندقه > ويتعشى من ذا الجبن والخبز الين يدوخ > لا وأزيدكم من الشعر بيت ما ينام إلا وهو متلطم ..!! منقول المصدر: منتديات دومة الجندل hgtvr fdk ,vuhk hgksdl ,hgk/dl<<,,vuhk hgugdh ,hgsgdlhkdi ?????? 
|
|
06-18-2009, 04:45 AM
|
#4 | |
|
عضو
|
بسم الله الرحمن الرحيم
السلام عليكم ورحمة الله وبركاتة:- الله يعطيكم العافية على هذا المرور واتمنى ان القصة حازت على رضاكم وانتظروووو الجديد ودمتم بحفظ الله اخوكم \ نصروي |
|
|
|
|
| مواقع النشر (المفضلة) |
|
|
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
