نصيحة اب لابنه مالك

نصيحة اب لابنه مالك

يالله ياللي كل الاموات ترجيك *** ياواحدن ماخاب حيــّن ترجاك

يارب عبدن مامشى في معاصيك *** ولا يمشي إلا في محبتك ورضاك

يامرقبٍ بالصبح ضليت باديك *** مع واحدٍ قبلي خبرته تعلاك

ولّـيت يادهر ماكثر بلاوي *** الله يزوّدنا السلامه من اتلاك

ياللي على العربان عمّت شكاويك *** ولّيت يادهر الخطأ ول ماقواك

واليوم هالكانون غاديٍ شبابيك *** تلعبها الارياح من كل شبّاك

يامالك اسمع جابتي يوم اوصيك *** واعرف ترى يابوك بأمرك وانهاك

وصيتنٍ من والدن طامعٍ فيك *** تسبق على الساقه لسانه لعلياك

اوصيك بالتقوى عسى الله يهديك *** لها وتدركها بتوفيق مولاك

احفظ دبشك اللي عن الناس تغنيك *** اللي اذا بان الخلل فيك يرفاك

اجعل دروب المرجله من معاليك *** وادراج سيسها على العز مرقاك

لا تنسدح عنها وتبغاني اعطيك ***جميع مايكفيك ماحاصلن ذاك

احذر امر ليعا تبيها لتاليك ***ايضا وترخص عندها قدر ماواك

ادّب ولدك ان كان تبغيه يشفيك *** واستسعفه من بعد مرباه بآلاك

إما سمج واستسمجك عند شانيك *** ويفر من فعله صديقك وشرواك

وإلا بعد جهله تراهُ بيآذيك *** ولو زعلت امه لا تخليه يآلاك

احذر تضيع كل منهو ذخر فيك *** معروفه لا تنسآه واوّفه لعرفآك

ترى الصنايع بين الاجواد تشريك *** اذا طمعت بركزها لا تعداك

واوّف الرجال حقوقها قبل تعنيك *** لا تعتمد بالعفو فالحق يقفاك

وهرج النميمه والقفا لا يجي فيك *** واياك عرض الغافل ايآي وايآك

تبدي حديث الناس وفيه تشكيك ***وتهيم عند الناس بالكذب وشراك

واذا نويت احذر تعلم بطاريك *** كم واحن تبغيبه العرف واغواك

واحذر شماتة صاحبٍ لك مصافيك *** واذا جرالك جاري قلت لولاك

لا تحسب ان الله قطوعن يخليك *** ولاتفرح ان الله على الخلق بدآك

ان اشتهى حط الطمع في تواليك *** لو مالقيته يافتى الجود يلقاك

والضيف قدم له هلا حين يلفيك *** مما تنوشه يافتى الجود يمناك

اكرم قباله كنّها من شواديك *** وابذله المجهود مادام يعناك

احذر تلقي الضيف مقرن علابيك *** خلّه محبٍ لك صديق اذا جاك

واوصيك زلات الصديق ان عثا فيك *** ما زال يغطاه الشعر فاحتمل ذاك

راعه ولو ماشفت انه يراعيك *** عسآك تكسر نيته عن معادآك

لاتآمنه واطلب من الله ينجيك *** ويكفيك ربك شر ذولا وذولاك

شفني انا يابوك بامرك وانهيك *** عن التعرض بين الاثنين خذرآك

اذا حضرت طلابةٍ مع شرابيك *** اسع لهم بالصلح والآش يفداك

ابذل لهم بالطيب ربك ينجيك *** لاتجضع الميزان مع ذا ولا ذاك

اما الشهاده ادها ان دعوا فيك *** بين عمود الدين لاعميت اريآك

بالك تماشي واحدن لك يرديك *** طالع بني جنسكوفكر بممشاك

رآبع اصيل في زمانك يشاكيك *** لآشاف خملاتك عن الناس غطآك

واحذرك عن طرد الممقفي حذاريك *** عليك بالمقبل وخل اللي تعداك

ثم العن الشيطان للياه يغويك *** اذا تبعته لشرابيك ودّاك

اوصيك لا تشكي علينا بلاويك *** انت السبب طرفك عيونك بيمنآك

واعرف ترى اللي قد وطا الخلق وآطيك *** ولا انت اعز من الجماعه هذولاك

المسك ياراسي عن الذل واخطيك *** واحذر تكلم يالساني حذارآك

والطف بجارك ثم قم دون عانيك *** وافطن لما يعنيك عن ربعة اخواك

ياذيب وان جتك الغم في مفاليك ***فك حيث الرعايا تعداك

من اول ياذيب تفرس بايآديك *** واليوم جا ذيب عن الفرس عدآك

ياذيب عاهدني واعاهدك مارميك *** مارميك انا ياذيب لو زان مرماك

والنفس خالف رايها قبل ترميك *** ترى لها الشيطان يرمي بلا دراك

ومن بعد ذا لا تصحب النذل يعديك *** وعن صحبة الانذال حشآك حشآك

ترى العشير النذل يخلف طواريك *** وانا ارجي انك ماتجي دون آباك

والهقوة انك ماتجي دون اهاليك *** ولا ذكر عود الورد يثمر بتنباك

والحر مثلك يستحي يصحب الديك *** وان صاحبه عاعا معاعاة الادياك

لا تستمع قول الطرف يوم يلفيك *** بالكذب يقضي حاجته كل ماجآك

من نم لك نم بك ولا فيه تشكيك *** ولاقد ازرى رفيقك وازراك

عندك حكى فيني وعندي حكى فيك *** واصبحت كارهنا وحنا كرهناك

مخطآك ماصآبك لو كان راميك *** واللي يصيبك لو تتقيت مخطاك

مير استمع مني عسى الله يهديك *** النصح يامالك لك الله مولاك

عندي مظنّه ماتمثلتها فيك *** واطلب لك التوفيق من عند مولاك

المصدر: منتديات دومة الجندل

---

kwdpm hf ghfki lhg;

نصائح رائعه
يعطيك الف عافيه

آبيآت ج ـميله
يع ـطيك آلع ـآفيه

نصااايح رااائعه

يسلمووو يعطيك العافيه

المشاركة الأصلية كتبت بواسطة احلى البنات

نصائح رائعه
يعطيك الف عافيه

الله يعافيـــــــــــك ومرورك الاروع ;)

المشاركة الأصلية كتبت بواسطة الخاطف

آبيآت ج ـميله
يع ـطيك آلع ـآفيه

مرورك الاجمل

ويعافيــــــــك ربي

المشاركة الأصلية كتبت بواسطة كحيلان الجوف

نصااايح رااائعه

يسلمووو يعطيك العافيه

الله يعافيــــــــــــــك كحيلان كلك ذوق

>> شكرا لك على ذوقك الراقي ..والنصيحه الرائعه

احترااااامي

هلا وغلا باخوي كاكا اسفـــــــرت وانــــــورت