قصيدة وانا اشوف عيني وكر حر تحت بومة

قصيدة وانا اشوف عيني وكر حر تحت بومة

يقولون ما للعبد بد عن المقســــوم .. .. . وأنا أقول صح ويقنع العبد مقسومـــه

عسى الله يعين اللي توافد عليه إهموم . .. . هموم تخلي طبلة الراس منجومــــه

ترى والله انه مايكدر عليك النــوم . .. . سوى كلمة من بعض الاصحاب مسمومه

إليا جت من الغالين وإلا الرخوم رخـوم .. .. . ولا أمحق من الغالي إليا شانت علومـه

ضعاف الروابع تبتلش والقروم تشـوم . ... . ولاهي بلا شيمة ٍ من الشيم مليومـــــه

ولا أزين من القاع الخلى والوجيه سلوم . .. . ولا رفقة بعد طول الايام ملغومـــــــه

ولا ألذ من عشرة شريف من أقصى القـوم .. .. . يبادلك فعل الطيب معناه وسلومـــه

ولا شفت في جو الصداقه غبش وغيـوم . .. . عطيت الدروب اللي مع الارض مرسومـه

ولا مثل عز النفس لو مامعك مطعــــوم . .. . وعن أهل الشماته خل الاسرار مكتومــه

معي لو سمحت شوي عقب عداك اللــوم . .. . أبعطيك عن بعض الرجاجيل معلومــه

ترى اللاش لو وقف معك في حياته يـــوم . .. تشوف الردى متبين فيه من يومـــه

وأنا أقول لو إن في وجيه الرخوم وســوم . .. .عرفنا نميز قيمة النذل بوسومـــــه

علشان نجلس مع رجال الوفى و نقـوم . .. ونبعد من اللي عند الاجواد مذمومــه

وأنا أسمع مع أهل التجربة في الحياة علوم . .. بعضها صحيح وبعض الاخبار موهومـه

يقولون وكر الحر ما يعتليه البـــــوم . .. وأنا شوف عيني وكر حر تحت بومــه


منقوووووووووول

المصدر: منتديات دومة الجندل

---

rwd]m ,hkh ha,t udkd ,;v pv jpj f,lm