حياة العزوبية

حياة العزوبية

حياة العزوبيه
============================== ===
تعريف العزوبية :-
هي المرحلة العمرية اللي يكون فيها الشاب منبوذ من جميع فئات المجتمع

مواصفات العزابي

2. مطفر
3. جائع
4. مديون من جميع الناس: الهندي راعي البقاله، مغسلة الملابس، راعي المطعم لو يشوفه يقلبه دجاج شوايه
5. مضطهد
6. مريض
7. الملابس: الله لا يوريك
8. الريحه: لاتسألون عن هذي

شقة العزابي :
1. الصاله: تلفزيون // ثلاث روس معسل // ترمس شاهي // سطعش بياله منكبه // اثنين وعشرين جريده // خمس دفاتر(مو للدراسه) لااااااا
2. غرفة النوم: مرتبة نوم (يسمونها بالسرير) // فنايل مرميه // ثياب وسخه // مسجل // 200 شريط 75% جلسات // اكياس مطاعم (شاورما + هارديز + كنتاكي ....... الخ)
3. المطبخ: سته او سبعه اكياس بخاري // عشره عشرين علبة تونه // كورن فليكس>>هذا بالغلط اكيد احد جايبه له هههههههه // اكياس ليبتون << نص المطبخ ليبتون

مشاكل العزاب:
أكثر كلمه يسمعها العزوبي هنا هي ((((((ممنوع)))):
أ/ إحتفالات العيد (ممنوع مافيه احتفالات يعني طول السنه نفس الوضع واذا تبي تحتفل رح للبر لحالك والا طق راسك بأكبر جدار
ب/ دخول الملاهي((((((ممنوع))))) طيب ليه يعني هم اللي بيكسرون الصحن الدوار والا حاطينه للعوايل بس
ج/ دخول الأسواق(((((ممنوع)))))) وهذي مره مقهورين منها الشباب ليييييييه يعني يقولون حنا اللي نبي نكسر المحلات والا نبي نقضي البضاعه عن العوايل
-----يقولون انكم مزعجين داخل السوق------ فيه رجال أمن داخل السوق وأي واحد يحاول يزعج يطردونه برا ----- يعني حلها سهل

العزوبي والقطة:
القطه بفتح القاف وهذا مصطلح في معجم العزوبين يعني رسوم الاشتراك
يعنى بالعربى خمسه مع بعض كل واحد يدفع 20 ريال يصيرون 100 ريال
القطه هي كلمه تسبب الحساسيه للشاب الاعزب وهناك أنواع متعددة من القطه منها:
1. قطة الشقه (وهذه غالبا ماتكون قاصمه للظهر) يعني يبيع ملابسه عشان يكمل المبلغ
2. قطة الاكل (وهذي لايسمح لك بتناول اي طعام أوشراب الا بعد دفع قطتك فيها )
****كل حياة العزوبين قائمة أساسا على القطة*****
أكل, شرب , نوم , ملابس ,كتب ,طواقي ,شمغ ,حتى ؟

العزوبي والسفر :
السنه فيها 365 يوم لا يعيش الاعزب مبسوط فيها سوى 20 يوم
بالعربي يعني 345 يوم وهو يجمع الريال فوق الريال عشان اذا جاء الصيف يقدر يسافر للخارج
عاد العزوبي هنا منقطع مايشوف الا الديانه والا الدكاتره اللي مضطهدينه والا مديره في الشغل
اللي حايس مريره ,,, ولو يكح جنب عايله قالوله أنت تغازل بناتنا ولا يدري عن شي أسمه حنان
وأول مايوصل برا ويشوف العيشه ما يصدق وتضيع علومه --- وحده تقوله أحبك يصدقها ويأمنها على
كل شي ومايدري من بكرا الا وهو مطفر عالحديدة وضاعت فلوس 345 يوم ولا معه حق التكسي للمطار



وماقوووول غير الله ....... الله يكون بعون كل العزابيين

المصدر: منتديات دومة الجندل

---

pdhm hgu.,fdm