مُختآرات لـ الشاعر [ سآلم سيّآر ]رآأإئعه ~ْ

مُختآرات لـ الشاعر [ سآلم سيّآر ]رآأإئعه ~ْ

:: جميع هذه القصـآيد تخلو من الموسيقى , مُجرد تأثيرآت بشريه !

نبدى

إستمـــآع

قصيدة كبريت الاصايل | ديوان الزبرجد ،، موقع الشـاعر سالم سيار | www.SalemSayar.com
شاعر و تنبض خلوته طهر و صلوات و عباد
ماقد تميع حشمة ٍ للي هدته قيادها

شامخ و ربي مانفتح صدره لك الا يالجياد
وماخلقت كفوف ٍ تدق في ظله عفن اوتادها

من لابة ٍ هي نارها تزفر و لا تنجب رماد
وشلون تطفي ياخبل لابه حطبها حفادها !!

غبت أتشرد بـ الورق أبني من جروحي بلاد
مثل العزاوي لاحرقت دم الهقاوي جدادها

في ناس تمشي بيننا فقر ودقايقها جهاد !
أف من شعور ٍ مافتح عينه وشاف جهادها

و في ناس نور وجيهها هو سر طاقتها السواد
بـ/ الوجه نور و بـ الصدر جثه عتقنا حدادها ..

و في ناس نور وجيهها من الرحم حتى المهاد
ما ترضع الظلم العفن لو الدهر جلادها !!

أشوف من فينا عثر و يقول اهي كبوة جواد !!
ابك الأصايل ما كبت إلا برداة أسيادها

لو الأوادم مثله و متعاند باثم العناد
كان القبايل ما سقت رحمه بصدر أحفادها

أشعل قصيده بـ المسى و أشم خيانات العباد
و أطفيها في جوع النسى و أبكي على أولادها


/



إستمـــآع

قصيدة الطيب | ديوان الزبرجد ،، موقع الشـاعر سالم سيار | www.SalemSayar.com

تضحك تظن الحزن أنك دفنتـه ..؟
أخفيت حزنك صح لكنـه بانـك..

ظنـك طعنك العمـر / والله طعنتـه ..
من قبل يكونك موت كونت كانك ..!

ساكنك جـوع و جوع غيرك سكنته
[ ماعشت نفسك يوم مره عشانـك ]

الطيب صنته لكن البخـل خنتـه ,
ماصنت نفسك لكن الطيب صانك ..

تبي الصراحه كل هـ الكون عنتـه
اسمك يسافر فيه و أنـت بـ مكانـك

ماتنعوج بـ أنذال و الطيـب صنتـه
لو تنعوج بـ أنـذال عـدلك شانـك

لاماسجنك الطيب والله سجنتـه
أطلعت كفك قبل يطلـع لسانـك

طيبك و صنته .. أعرفك كيف صنته
أن خان كفك قالوا الطيب خانـك


/



إستمـــآع

قصيدة يا بشر | ديوان الزبرجد ،، موقع الشـاعر سالم سيار | www.SalemSayar.com

بعنا فينا واشترينا ولا درينا بالثمن ..
الغدر منا وفينا لاتقول من الزمن !!

ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..

الوهم يكبر و نكبر داخل الاوهام هـم ..
الالم يكبر و نكبر .. داخل الالام غـم !

ليه كل كف جبرتنا لملمتنا و كسرت ؟
ليه كل كف حضنتنا شتتنا و ارحلت ؟؟

يعني هذي هي الحياة و لا يعني هذا حنـّا
لارحل عنـّا الضمير نهدي الايام .. آآآه ؟

من هدم نفسه بنفسه مابنى عمره صحيح
و الضعيف من النفوس يهدي عمره لا يريح ..!

لا اتلفت لا تنادي لا بشر حولك ولا حولك مبادي ..
لك مصير من المصير و لك جروح من الجروح ..

ولك حياة من الحياة ومن نصيب الآه .. آآآآآآه

ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..


إستمـــآع

قصيدة عساك بخير | ديوان الزبرجد ،، موقع الشـاعر سالم سيار | www.SalemSayar.com

عساك بخير ..

وش اول واخر جروحك.. وش اخر واول فراقي ؟!

يقولوا .. يقولوا من المسا تلملم بقايا نبرتي و تـــروح..
على اول ذكرى بالشارع نسينا كل سوالفنا عليه و كل مواجعنا..

وصرنا فيه ندورنا ندور من ملامحنا ملامحنا ..
تشتتنا تشردنا.. الين انا ندور في وجيه الناس..

تصوّر..

ولا قطره بوجيه الناس تشبهنا وتشربنا..
وارد ضاميك.. و بعد مثلي ترد ضامي..

واقول ان المسا كاسك.. و اصب عيوني لإحساسك..
وانا اتكسر معَ كل اغنيه تفتح هدبها والمح عيونك..

يا عون الله تلاقينا..

تصوّر ..

بـ أغانينا تلاقنيا..

عساك بخير..

وش أول واخر جروحك وش آخر وأول فراقي؟؟
يقولوا من المسا تلملم بقايا قمرتي وتموت..

نسيت أسأل ..


صحيح تمووت ؟؟!!


إستمـــآع

قصيدة الجراح | ديوان الزبرجد ،، موقع الشـاعر سالم سيار | www.SalemSayar.com

عسى مازعلتك البارح وزودت الجراح جراح ...
عسى ما مرت الدمعه على اهدابك من اسبابي ...

جرحتك من كثر شوقي وخليت الكلام رماح ...
و لا ادري شلون ياعمري طعنتك حيل بعتابي ...

بدون شعوور صدقني ترى كثر الغلا ذباح ..!
تعال وشوف بغيابك غلاك شلون سوابي ..,

حرام تغيب من عمري و تعطيني الفراق وشاح ..
حرام الدمع في عيني مناديله هي اهدابي ...

غيابك يشغل عيون الزوايا و امتلي اشباح ..
و انا انثر صوتك بقلب المكان واشعل ابوابي ..

تلفت للامل دام الرجاء في عمري الملواح ..
اناديلك و لو شرهت وصولك تقطع اعصابي ..

ابيك الجاي من عمري انا ما ابيك شي وراح ...
مدامك اجمل و اخر مدامك اجمل احبابي ...

ابي ارتاح يا عمري انا ادري هم تبي ترتاح ...
تعال و قبل ما افرح ترى تفرح بك ثيابي ...

احبـك احبــك .. يا بعد عمر الحزن والجرح والافراح ..
احبك احبــك .. كثر ما نامت عيونك داخل اهدابي ...



قصيدة الطيف | ديوان الزبرجد ،، موقع الشـاعر سالم سيار | www.SalemSayar.com

حبيبي لا يبكيك الفراق ولا يهد حيلك
أخاف الدمع من عينك , يجفف صورتي فـ بالك

تعال أحتاج اسولف لك عن الأيام واشكي لك
تجيني طيف ياعمري على جنحان شوقي لك

أخاف أرمش من عيوني و بعثر صورة وصالك
حبيبي لا تجيني قول وين أنت و أنا أجيلك

أبيك تقول وين أنت و على عيوني أنا أسعى لك
وربي فوق روس الشوك لخلي القلب يمشي لك

و أخلي ظلالي يسبقني قبل يحضني منزالك
ثواني بس أبتهندم من عيونك وبهدي لك

في عينك ضحكةٍ حتى تكحل عين عذالك
يقول الناس بغيابي يشب القلب و يضوي لك

حنيني و من وهج شوقه يميل القلب لا مالك
قضى دمعي من عيوني أبي من عينك أبكي لك

أبنثر من ورى عيوني دموع عيون ترحالك
وحتى الشوق من صبح الدرايش قام يهديلك

عصافير الرضى ترفرف على بيبان مدخالك
هنا ترمي صباح الخير قبل لا تروح و ادعيلك

و هنا تضوي مساء الخير في عيني من هلالك
أنا من الليل يقطفني شعوري لك و غني لك

أنا من الصبح يليلني الحزن من لون موالك
حرام الليل ماهو ليل أذا ماكنت في ليلك

و حرام الصبح ماهو صبح أذا ماكنت بـ ظلالك
تروح وقلت أحط روحي على كفي و أنادي لك

نزعت العمر من شفت الغلا بالروح نادى لك
بربك قول وش سوى الفراق بوجه منديلك ؟

تسيل ألوان طيفي فيه إلى من البكى سالك
حبيبي لا يبكيك الفراق و لا يهد حيلك

أخاف الدمع من عينك يجفف صورتي ببالك
تعال .. تعااال أحتاج أسولف لك عن الأيام و أشكي لك

و فض غيم الحزن و أنثر حنين الشوق بقبالك
تعال وحط في قلبي هموم الفرقى و أشيلك

لان القلب ماهو قلب أذا في نبضه ما شالك
قضى دمعي من عيوني أبي من عينك أبكي لك

أخاف أبكي على طيفك و ابعثر جيت وصالك


و سلآمتكم

المصدر: منتديات دومة الجندل

---

lEojNvhj gJ hgahuv F sNgl sd~Nv DvNHYzui ZX