بعض انواع الخيام

بعض انواع الخيام

بسم الله الرحمن الرحيم

أول شي نبدا به هو خيمة البيرق

لازم تحط الأوتاد قبل ما تبنا.

هاذي قبل ماتحط الحدايد الداخلية

وهاذي الخيمة مبنية

بالنسبة لخيمة البيرق تجي مقاسين !!
3×3 سعرها 850
4.5 × 4.5 سعرها 1250

وهذي صورة للي مقاسه 4.5 × 4.5 وزي ما تشوف شكلها ممتاز ووسيعة
تاخذ خمسة ينامون بالراحة

وهذي مادري أيهن لكن يوريك انه يمديك تفتح حدا البيبان ويطلع شكلها حلو ...

على العموم مميزات هالخيمة
1.القماش تنزاني.
2.مقاومه للماء لان شكلها هرمي تقريبا.
3.ثابته جدا بالرياح .
4.دافيه لانها محكمة الاغلاق ارضيتها منها وفيها لا وابوابها تصير تور .
5.تنطق وتنفك بسهوله. لمن يتنقل كثير بالبر.
6.بالنسبه لعمرها باذن الله انت وطريقه استعمالك والتخزين الصح.
7.شكلها مميز وخطير مره.
8.لاتحتاج لقطع غيار وان احتاجت ممكن احد الاضلاع وتعرف ياكثر الحديد .
...................
هذي خيمه تفصال
ومواصفاتها هي :
1) اول شي تفصيل ما هي جاهزة.
2) نوع الرواق تنزاني درجة 2 علشان الوزن مبطنة من الداخل بقماش عادي مهب عازل بس القماش التنزاني نفسة يعزل حوالي 60 % من البرودة .
3) مواصير الخيمة تفك وتركب مع اربع زواية ولا يوجد عمود في الوسط.
4) مقاس الخيمة 4*4 والابواب حسب الطلب وانا واضع 2 .
5) تقدر ترفع اي جهة تبيها بدون اي مشكلة لانة يوجد سحاب في نهاية كل زاوية.
6) تتكون من 3 قطع رائيسية: كيس للمواصير و كيس للزواية مع المناسيب وكيس القماش كامل.
7) اما عن الامطار راعي المحل يوكد لي عدم دخول الماء لان القماش ضد الماء وكذلك شكل الخيمة مسطح من الجوانب يعني ان شاء الله مايحتاج .
8) السعر 2000 ريال اذا تبي مواصير الالمونيوم لانها خفيفة اما الحديد 1800 ريال بس عيبها الثقل والفرق بسيط لان الحديد غويلي هالايام

++++++++++++

+++++++++++++

هذي خيمة حلوة وصغيرة

شراع باكستاني 18 مبطن قماش سوري

شغل المرباع بعنيزه

اطول ماصوره متر ونص وكل نوع من المواصير والوصلات مصبوغ بلون عشان سهوله التركيب
الخيمه وهي ملفوفه اصغر من الفراش ومقاسه 3 في 2 وسعره 500 ومدري اذا عندهم مقاس اكبر

هذي مادري وشي لقيته ضايعه بالانترنت وحطيته بالموضوع لكن يقولون انه زينه
للنوم وضد المطر

:) :) :)

م/ن

المصدر: منتديات دومة الجندل

---

fuq hk,hu hgodhl

يعطيك العآآفيه آخوي ابو عصآآم

وتسلم يمينك

يعطيك العافية

اشكر مروركم واضاءتكم لصفحتي

مشكور على الموضوع انواع الخيام وتحياتي لك

اهلا وسهلا كن مثلي الحمد الله على السلامه بعد هالغيبه

اسعدني مرورك بصفحتي جدا

موفق بإذن الله ... لك مني أجمل تحية .

يعطيك العافيه ابو عصام
لكن وين تنباع هذوول عزمت اشتري وحده