كل الحروف ان صغتها مـا تكفيـك

كل الحروف ان صغتها مـا تكفيـك

اقبل هلال الصوم جيتك اهنيك وقت السحر ماودي الناس تدري

لا تطري الفرقى عسى الله يخليك فرقى الحبايب منكوي منه صدري

قلبي وعيني والمعاليق ترجيك رد النّظر لا ترخص اليوم قدري

هذي يديني ترتجف بين اياديك اعطف عليّ لا توقد النار بدري

انا وقلبي يالغضي في حراويك سلمت لك روحي وسلمت أمري

داعي الهوى يا مهجة الروح يدعيك لبي ادعاته قبل مالليل يسري

مالك اموازي قَلْ منهو يوازيك ياواحة ينبت بها كل عطري

ردي لي الفرحه تعالي اناجيك مقدر اكابر فاض بي اليوم صبري

ان كنت تغليني فنا والله اغليك يفداك قلب(ن) جره الشوق جري

منهو يسليني ومنهو يسليك ومن يحفظ الاسرار يا سر عمري

هذا قصيدي مولفه جيت أوريك بخط سطر وتبعه الف سطري

كل الحروف ان صغتها ما تكفيك لوبه حروف(ن) تنشرى كان اشري 0
كاكا">

المصدر: منتديات دومة الجندل

---

;g hgpv,t hk wyjih lJh j;tdJ;