بلاد الواحدي

بلاد الواحدي

قــال بونـاصـر الشـعـر يـنـادي صـحـابـة
=نادي الشعب كله في المدن ثـم لشعـاب
اثـبـتــوا واسـتـعــدوا كـلـكــم لـلـحـرابــة
=كل من اعتدى اعطوة في الراس خلاب
وفرضوا عا لوطن اسـم الحـذر والرقابـة
=راقبـوا سائـر الايــام يــا قــوم انـجـاب
كافـحـوا عــن وطنـكـم كلـكـم يــا شبـابـة
=واحضروا عند سود الكير لا شب شباب
راجـعـوا كــل مخـطـي ويـعـرف صـوابـة
=مـن تعـدى عليكـم لمخولـه بـا لصـواب
يـا اهـل جـردان يـاذي ضارييـن الحرابـة
=مثل ما امس هدوا يـا رجاجيـل لسـلاب
هــكـــذا هــكـــذا لاتـغـلــبــون الــغــلابــة
=الشرف في نخرها يـا معاصيـر لشنـاب
يا الهياصم زمـام الـراس ونتـوا عصابـة
=يا اسود الخلاء ونمـار شجعـان وذيـاب
يا الفهيدي صلاب الـروس حـل الصلابـة
=طاب سوق اللعـب شـواع فيهـا ورتـاب
ويـن نعمـان ذي كـانـت لـهـم كــل هـابـة
=قال جيش العوالق منهـم ليـس مهتـاب
بان ذا الصوت لا قد شـي لكـم بـه طلابـة
=والميازيـن تـوزن بيـن صـادق وكــذاب
وين حبـان ذي عـا لضمـد حطـوا زهابـة
=ضمدكم دي نطح ضمدة وروح بلا زهاب
فيـكـم الــروح يــا مـنـفـذ بـلـدنـا وبـابــة
=يا لله اليوم يـا مطلـوب يـا فاتـح البـاب
يا هل لسود زبـون السـوق ونمـار غابـة
=غيبوا خصمكم خلف القمر حيث ما غاب
يـا الغسيلـي زمـام الغيـل ونتـوا خطـابـة
=سنوا سيوفكم وقضوا على كل غصـاب
يــا لمـاطـر عــزم يــا خوتـنـا والـقـرابـة
=وين شجعانكم يا الصبر يا حصن غلاب
ويـن لـسـرود مــا فيـهـم رايــت انقـلابـة
=با شعور الوطن تظهر ويظهر لها حجاب
يـا البواعيـض حيـد الملـح تعـوي ذيـابـة
=با دروب السلاح الزين ورصاص ينذاب
حن وقت الشرف بـن الشقـر فـي شعابـة
=كلمتي واضحـة غتـوا عليهـا بـا لنيـاب
ويـن جيـش السليمانـي دهشـنـي غيـابـة
=ما حظر عندنا ايش اخرة ايش لسبـاب
ويـن عظمـي وخرخـوري رجـال المهابـة
=والقشاعير شيبتهـم بغيتـه مـع الشـاب
والجويـري وذي بـا لعيـن لـي بـة طلابـة
=والحسيني وبن شبشب في النار مشهاب
خاب من ما حضر سعف النمـر والذيابـة
=كلكم صوتوا من ما حضر سعفهم خاب
وطـلـع الخـبـر بـلـغ كلمـتـي ونــت نـابـة
=قلهم عـا لجمـال السـود حطيـت لقتـاب
حافظوا عـا الشـرف والميـح زرو طنابـة
=ماتقـع عافيـة لمـا يقـع حـرب وحــراب
يــا رجــال السـعـيـدي بـــادرو بـلاجـابـة
=وين شجعان هل منصور مطلق وعصاب
ويـن جـاء لحـمـدي ذي مايـهـم الحنـابـة
=والوبيـري وسعفـة قلهـم سوقنـا طــاب
ساعـة المجـد يـا حميـر لمـن بــا يجـابـة
=واكسبوا مجد هذا المجد من كان كساب
جدنـا قـد حضـر عهـد النبـي والصحـابـة
=جدنا الحميري زاوم عمـر بـن الخطـاب
عاد هـل بابحـر مثـل المطـر فـي سحابـة
=جيشهم جم كم با عد واجد بـلا حسـاب
جيش لبحور كـم مـن هيـج يرشـخ بنابـة
=عند كسر الشرف لازم يروحون قصاب
والمشاجـر قسيـم السيـل دي فـي ركـابـة
=كلهـم يركـبـون الهـجـل يـبـدون ركــاب
وهـل ميفـع وقـوم البيـر او مــن يشـابـة
=ودخل الراس واعط الجهوري مني كتاب
قلـهـم شـاحـن المـركـب وحـنـت قصـابـة
=مركب الشعب يا محسن وله اربع قصاب
شحنـتـه كلـمـة الايـمـان وحـنـا حـجـابـة
=شعبنـا فـي سبيـل العـز للـروح جــلاب
واشكر الشعب في الحوطة ويحيا شبابـة
=دي تبـرع مـن الراشـن بعشريـن قـلاب
رحمـه الله عليهـم مــا قــراء فــي كتـابـة
=دخنوهـم بعـود اخضـر وكـاذي وغـزاب
عرجـوا بــي عـلـى عــزان ســد الغـرابـة
=قلهـم شعبنـا قاضـي عـلـى كــل عـيـاب
يـا سلاطيـن شعـب الواحـدي يـا احبـابـة
=اوبهوا من كلام الهون لو لصبح تـراب
انتـوا سيـاد هـذا الشعـب وانـتـوا قطـابـة
=وان رضيتوا فلا نرضى ولو كنتم اقطاب
شاعـر الشعـب خاطبـكـم ولـبـوا خطـابـة
=نفذوا كل ما في الخـط هـذا مـن خطـاب
مـن يحـب الوطـن يخـرج ويفـدى تـرابـة
=الف تحت الثرى ما همني غيب لا غاب
نادي الشعب عن هـذا الوطـن بـا النيابـة
=من بلد حجر لا عرما الى وادي نصـاب
من حسد او عتـب مـا همنـي مـن عتابـة
=ليس ابن الوطن من كان حاسد وعتاب
يعـتـبـر خـائــن بـــلادة ولا فــيــة ثــابــة
=او قلـيـل الارادة او كـمـا الطـفـل لـعـاب
تـــم قــولــي ولـكـنــي تــرقــب جــوابــة
=يا حماة الوطـن بـا منكـم بـدع وجـواب
الف صلـوا علـى الشافـع لنـا مـن عذابـة
=النبي دي سكـن طيبـة وآلـه ولصحـاب
وكــل مــن قـالـهـا لازم يـحـصـل ثـوابــة
=كرروهـا بـهـا تلـقـون غـفـران وثــواب


منقوله ... قصيدة للشاعرالكبير شاعر بلاد الواحدي محمد صالح باسردة .

المصدر: منتديات دومة الجندل

---

fgh] hg,hp]d