"آخر مطعم" شخصية تفتخر بها دومة !!

"آخر مطعم" شخصية تفتخر بها دومة !!

بسم اله الرحمن الرحيم

الحمد لله والصلاة والسلام على رسول الله ؛؛؛؛ أما بعد :


والله من شدة الفرحة والفخر والاعتزاز بالنفس ما أدري من وبن أبدأ كلامي ....

&&&& المهم عاد &&&&

هذا وأنا متجه إلى خارج حدود المحافظة يوم أمس ولما كنت أفلل السيارة بنزين من محطة المحطة عند المخرج الغربي للمحافظة >>> ساقني التطفل لدخول "آخر مطعم" وهو المطعم الوجود في المحطة وبيني وبينكم ساقني الجوع لأني طلعت وما تغديت ورحت أبطلب لي غداء .

نرجع ونقول &&&& المهم عاد &&&&&

يوم دخلت للمطعم وأشم ذيك الريحة اللي تدخلت لنافوخي من لذتها ،،، تصدقون إني شبعت من الريحة بس ،
دخلت وقلت بالحرف " يا معلم " ويجيني هكالرجال الملتحي (له لحية) يبلغ من العمر 55 أو 60 تقريباً وقال لي " هلا حياك تفضل وآمر " ولله أقرب مالي وجهي زي البندورة (يعني الطماطم) من الخجل !!!!

شكلكم تقولون وش فيــــــــــــــه من طلع الرجال ؟؟

الرجال واحد ما اعرفه ولا عمري شفته لكن يشهد الله علي إني حبيته ودخل قلبي من أول ما شفته وانا كنت أحسبه احد اليمنيين هاللي يضبطون لك المضغوط وهالحركات لكن الرجال طلع سعودي من أهل سكاكا ويعيش في المدينة المنورة ومقيم في دومة الجندل من اجل العمل في المطعم .
فوالله يوم شفته وسألته أنت من وين ووشلون تجرأت وعملت في هالمطعم ؟؟ وهذا اللي قالي بالتفصيل :

" والله يا ابن الحلال ، إني مرتاح آخر راحة لأن الطبخ من أكثر ما أحب وفيه رياضة لي لأني أروح وأجي واشتغل وكذا ، ويقول حنا معتقداتنا وتفكيرنا اللي يروح ويتسلف ويمد يده هذا شي عادي لكن اللي يشتغل بذراعه ويسعى ورى رزقه مهما كان الشغل هذا أكبر عيب " .
وقال مقولة شهيرة اعتبرها هي المفتاح والحل لكل هالمسألة .... قال :

[ اهلنا وشبابنا يحتاجون من يعلق الجرس ]

بمعنى من يفتح لهم الطريق فقط ويبدأ بنتطبيق مثل هذه المشاريع ، سواء مطعم أو ورشة أو حلاق أو غيرها وغيرها .

بعضكم الآن يقول هذا أبو حسن يسوي له دعاية والبعض يقول أكيد وراه مصلحه
سموها مثل ما شئتم ، ولكن يعلم الله إني وأنا جالس اتكلم معاه قلتله والله أن شاء الله راح اكتب عنك في منتديات دومة ، لأني فعلا أحس بالفخر والاعتزاز لما قابلته وهنأته من أعماق قلبي على ما يقوم به .

>>> هذا مرادي وهذا ما نقلته لكم ، انتظر أرائكم يا أعضاء <<<

المصدر: منتديات دومة الجندل

---

"Nov l'ul" aowdm jtjov fih ],lm !!

والله وصدق لما قال [ اهلنا وشبابنا يحتاجون من يعلق الجرس ]

فعلاً كثير من الشباب يتمنى يشتغل مثل الشغلات هذي

لكن المشكله مافيه تشجيع أو مساعده من اللي حوله

ودعواتنا بالتوفيق لهذا الشخص

بعضكم الآن يقول هذا أبو حسن يسوي له دعاية والبعض يقول أكيد وراه مصلحه

وش دعوى يا أبو حسن94 ...

قصدك واضح ومفهوم من خلال الموضوع... :)


وهو أنك فرحت وتفاجئت

لما عرفت أنه مواطن سعودي

لان تعودنا بأن كل اللي نشوفهم في المطاعم أجانب

مشكووووووووور يالعميد على مروووووووووورك يالغالي

ياليت بعض الاعضاء يقتدون فيك يا عميد

الله لا يحرمنا منك ومن ردرودك

الله يرزقه من واسع فضله

مشكور يابو حسن

المشاركة الأصلية كتبت بواسطة شيهانه بكف صقار

الله يرزقه من واسع فضله

مشكور يابو حسن

مشكووووورة على مرورك الطيب ....... الله لا يحرمنا من هالطلة