أدفع الاف هذه ماركه

أدفع الاف هذه ماركه

لي زمان مادخلت أسواق الرياض
من كم يوم عملت جوله شامله بالأسواق بمدينة الرياض لقيتها تنافس أسواق لشهيره بالندن سيلفريدج و جون لويس و مارك آند سبنسر توب شوب و نيكست و لورا أشلي و توفر هذه المحلات التجارية العديد من السلع و البضائع من الماركات
راح التكلم عن الاسواق من غير ذكر أسماء
بمجمع معروف وشهير عملت جوله فيه لقيت اسعاره فوق الخيال بدله اطفال رسميه بالسابق كنا نشتريها 400 ريال لطفل بعمر السنه وصل سعرها الى 900 ريال واثناء دخولي لاحد المحلات التي تبيع ملابس سهره للزوجات بالاول اسعاره من الفين ثلاثه والربعه الحين طلع سعره فوق وفوق السته الاف صار راتب موظف
وانا على درايه ان بعض يبيع فوق 15 الف ريال
وبالاعياد حدث ولا حرج قطعة ثوب عاديه متر في متر ماتقل عن ثلاث الاف ريال بس اللي عندهم ضمير بيعطوك شنطه معها بالمحلات الماااركه والمحلات العاديه 400 ريال و600 ريال
ولا طالعين لك بقطعه وحده بالقيمه الفلانيه وهذا كذب
اذا لقيتو احد يقول مافي غير القطعه الوحيده اللي نزلت سوق الرياض كذااااابييييييييين لاتصدقونهم
والبعض جالس يسوق ملابسه بطريقه الاتيه
مادام
ترى البس اللي اخترتيه تحديدا لبسته الممثله العالميه؟؟
وكلفها
مبلغ باهض وشوفي شكليك لما بتلبسيه قدام صحباتك على فكره نزلنا ثلاث قطع مابائي غير القطعه مزوئه هااااا
ملاحظه لو قدر الله طلع لك البوم صور للمثله هذي خذي ببالك ان الشركه المنتجه لهذا الثوب مسويه عقد مع الممثله لكي تتصور بلبس اي فستان لكي يشترا من قبل نساء العرب طريقه لتسويق مثل متجات الشانبو والكريمات
العالم صارت تبوق ونفس الشي بجده وممكن جده اغلى من الرياض
والحين العالم بحالة اعياد يتقضون للعيد وسبحان الله كلما التجهة للشمال الرياض كلما الرتفعة الاسعار وكلما نزلت للجنوب نزلت الاسعار وش السر والمواطن كل مالديه هو الاستنكار لكنه بأخر المطاف بيشتري
لكن للأسف ان اقبال الناس على شراء الملابس يشجع بعض التجار من ضعاف النفوس والاستغلالين على رفع اسعار الملابس مما يزيد من معاناة الواطن
والبعض يستدين للبس وستر اولاده
والبعض يستدين للبس فاخر واجود الماركات
وشتان بين يستدين لاجل يستر وبين يستدين مشان يتفخشر
البعض منهم يجد لبس العيد بالماركه الفلانيه التي قيمتها لاتقل عن ثلاث الاف ريال
تحكي لي زميله تملك حقيبة يد بقيمة 13 الف ريال سعودي
في يوم ما نظرت صاحبتها الى الحقيبه فقالت لها واو من وين اشتريتها فقالت من العقاريه توضيح اسواق العقاريه قبل بناء الفيصليه والمملكه كانت احدى الاسواق الشهيره بالرياض نكمل حديثها بقيمة 13 الف ريال سعودي ردت صاحبتها عليها ليه بالقيمه بتلك القيمه ليه ماتنشق وجهة نظر يعني الغالي ماينشق مايتغير لو انسكب عليه الون غامق يزول مايضره ولاحظ الشنطه من قبل الغلى والارتفاع الاسعار مابالك اليوم ومن بعدها اخذت بوجهة نظر تلك الصاحبه كانت بغفله
ال ماركه ال
اقرو الحديث بين فتاتنين
تجيني صبـآ...وسديم
صبــآ..// سديم مآلاحظتيٍ عليٍ شيٍ ..؟
سديم ..// لاشو يآقلبيٍ ..
صبـآ // افآآآآآ من جدكـ .!!
سديم// أخلسي علينآ يابنت..!!
صبـآ // بلوزتيٍ هذيٍ من مآركة Mango شريتهآ بـ600 هذا ريآل..,,
اللي عرفته مانجو لو تعرف غيره وش بتسوي بعمرها
نكمل المهزله
سديم// يؤيؤ بذمتكـ 600 حرآمـ عليك حتى ـآ مآتستآهل سودآء سآده ..
صبـآ // يآبنت شفيك مآركه مواي كلامـ ..
سديم// ارحمينآ يآشيخه عآد اللي يشوفكـ يقول شكلهآ خقق مآفيٍهآ اي شي يشد الانتبهآه ..

لاتغركـ يآقلبي السعر ولايهمكـ المظآهر النآس منآظر مومظآهر أشتريٍ بلوزه سوآء
مآركه اومومآركه أهم شي الشكل النهآئي يكون حلو ..,,

صبــآ // مآعندكـ سآالفه ولاتعرفين الذوق ..

الحين الذوق والبس اصبح بالماركات ياكريهي للناس لاتكلمة بالماركه
وهذه قصه ثانيه توها حاصله
وحده لقت لها ثوب ماركه بالقيمه الفلانيه لكنها ماخذته والسبب شو بعتقادكم
بكل بساطه المحلات المخفضه عمله تقليد مثله وخايفه تشتريه وتطلع وحده شاريته وهي شاريته بالقيمه الفلانيه وهذيك شاريته برخيص
لالا كذا فعلا فيه خسره لها وفي الماده اللي راح ترميها
كسرت خاطري لازم نلاقي لها ماركه غير مقلده
والبعض ياخذمن الشركات المتعارف عليها ولما تساله من وين شاريها يقول ماركه
ماخذها من ستي ؟؟ او سنتر؟؟ او ولا بلاش خلها مستوره
و ربي البعض مايعرف وش الماركه العالميه وش اسمها يخلط الحابل بالنابل بس اهم شي عليها علامة المحل تطلع ماركه بنظره
تراهي الشركات مثلها مثل الشركات العالميه للمطاعم كنتاكي هارديز شبيه لهم بس على طريقة ملابس
في احدى المرات زرت واحده ويوم استقبلتنا وفي اثناء مرورنا للمجلس النساء
جالسه تعلق على التحف الموجوده على الجدران
هذه الوحه من المكان الفلاني بقيمة كذا
وهذا التمثال من كذا بقيمة كذا
فرديت عليها بكل بساطه قلت لها طيب
لوك خليتي التسعيره عليها ريحتك عن الكلام
الضحكة ضحكى صفراء قالت حرام نشتريها بالقيمه الفلانيه ويعتقد البعض انها من النوع الرخيص فرديت عليها هذه مشكلتك مو مشكلت زوارك لكن
يضل التواضع هو الجوهر بني ادم
سبحان الله العلي القدير صرنا نمشي
ونتكلم عن الماركات والاشياء اللي مالها دعي ونشتكي من الرتفاع الاسعار

حنا جالسين نرمي المال للاشياء بنظري تافه

راح انقل لكم كلام يتكلم بكل ثقه رجل بس اي رجل

جده مين وابن مين لكن قمه بالتواضع
حب يوصل رساله
انه الانسان تمر عليه ازمات مهما على رصيده وكبر جاه
في أول جلسة من يوم الاثنين لسيدي أمير الرياض بعد رحلة الوفاء تحدث وعلى العشاء تحديدا عن النعمة التي نعيشها الآن وعن شح المادة في سنوات مر فيها هو ومن كان في جيله رعاه الله.. وأشار سموه إلى أن بعض الرجال يخجل من ذكر مراحل الفقر وقلة الإمكانيات للأبناء والأحفاد.. نعم يا سيدي الفقر وشح الإمكانيات لا يعيبان الرجال ولا ينقصان من القدر.. كم من فارس في تلك الأزمنة معدوم المال وكم من قائد مغوار قاد بلاده للعلا بلا مادة.. ولنا في رسول الله أكبر مثال بقوة العقيدة والطموح رغم انعدام المال وحتى الطعام في أوقات متفاوتة في حياته صلى الله عليه وسلم وعلى من تبعه بإحسان ليوم الدين والأدلة كثيرة على بساطة حياة الأنبياء والرسل وعلى الرزق الطيب الحلال الذي يرزقه الله لمن يشاء من عباده..
النعم مهما كانت قليلة لابد من شكرها (لئن شكرتم لأزيدنكم).
الرزق دائما من عند الله سبحانه لا ينقصه بشر ولا يزيده بشر بل الله هو المعطي الرزاق عالم النوايا وما تخفي الصدور..
أعدك يا سيدي بأن أذكر لأبنائي إن كتب الله لي الزوجة الصالحة والذرية الصالحة أنه في فترة من الفترات ولمدة ثلاثة أشهر لم يتجاوز رصيدي الـ180 ريالاً وأن قلة المادة لا تنقص من الشخص الواثق..
نعم لي راتب من الدولة رعاها الله ولكن حوائجنا كأسرة ومتطلبات محيطنا وعمل الخير حتى لو بالقليل ولله الحمد وغيره من أمور الدنيا الخالية من التبذير والصرف العشوائي كانت كفيلة بتوقفي عن شراء ولو غرض بسيط لنفسي والله خير الشاهدين والرازقين..
الحياة فيها مصاعب والعبد لن يرزق بغير نصيبه وما كتب له.. والعز ورأس المال في هذه الدنيا هو بالدين وحسن الخلق وثقة الناس وحبهم وتقديرهم.. ويكفيني من هذه الدنيا رضى والدتي ونيل ثقة وحب سيدي النائب الثاني وثقة سلمان الوفاء وحبه وهذا هو رأس مالي وفخري ورفعتي وعزي الذي أتباهى فيه في السر والعلن..
نفخر بأعمامنا وبوالدنا المؤسس ولا يعيبنا أو ينقصنا أنهم مروا بفترة انعدام المادة بل يزيدنا شرفا ورفعة بأننا أبناء رجال صبروا وكافحوا لما وصلوا إليه بأمر الله عز وجل..
أعلم أن سيدي سلطان كان يعطي (بشته) للمستحق وقت انعدام المال وأعلم أنه أكرم رجال الأرض الآن..
أعلم أن سيدي نايف قال لمعيته ليلة من الليالي في الصحراء إن (عزني الله بأعزكم) وقال وفعل ويفعل الخير لهذا اليوم..
وأعلم أن سيدي سلمان في طفولته حسب ما روى لي الجطلي رحمه الله كان يعطي المال القليل الذي يأتيه لمرافقيه وأعلم أنه الآن أوفى الرجال..

(أكرر) قلة المادة لا تعيب الرجال ولا تنقص من شأنهم، والصبر مطلب والقناعة مطلب وصفاء النوايا مطلب..

هذا الرجل هو صاحب السمو الملكي سعود بن منصور بن سعود بن عبد العزيز

كان يملك بجيبه 180 ريال لمدة ثلاث شهور
لا الماركه راح تضيف لك وترفع من قدرك فأنت من ترفع من شانك لا لملبسك الباهض الثمن
ياناس ياعالم خلونا نلبس بالمعقول وناكل بالمعقول وكفانا تفاخر وغرور انما عزت النفس في راحة العيش الطيب وليسى بكم وكم وبكم
والله احيانا لاقالو ليه الحكومه ماتزيد روتبنا معهم حق بتروح في كم وكم

الملبس او السياره او التحفه او حتى الاواني وربي الكعبه ناس وصلت صنية الفناجيل لمئة الف ريال تدرون ليه لانها ماركه

ارائكم بالموضوع من جميع جوانب

هل يستحق الملبس نصف الراتب او كل الراتب
وكيف نتصرف في ظل الاسعار المرتفع بالاسواق المحليه
وكيف نقضي عليها بنظركم
ومامدى علاقتك بالماركه
وهل صادفة اناس ينقدونك بسبب انك لستى من النوع الذي تستهويك الماركه
وهل اقتناء الماركه هو هوس اما ماذا

بقلمي المتواضع على فكره لوح الكتابه تبعي مش ماركه
تقليد بس لازال عايش

المصدر: منتديات دومة الجندل

---

H]tu hght i`i lhv;i